1. Samuel 5:6 - O Debleskro Drom 2021 (Sinte)

⁶ Un o baro Debleskro wast tchiwas pes phares ap i menshende an Ashdod un anas bibacht ap lende. I djungelo nasslepen was ap kolende, kai djiwan an Ashdod un an i gaba trujel.

O Debleskro Lab 2024 (Sinte-Manouche)

⁶ Oun o baro Debleskro vast čivas pes phares ap i menshende an Ashdod oun anas bibarht ap lende. I djoungelo nasslepen vas ap kolende, kay djivan an Ashdod oun an i gaba trouyel.

1. Samuel 5:6 Referans Kwoze

1. Samuel 5:11

Koi dan le pale i tsele rajen pral i Filistarja khetne gole un penan: “Bitchrenn o mochton o Israeleskro Deblestar pale, kai lo was, te marell lo men un mare menshen gar.” I bari daar his an o tselo foro, fothe phares his o Debleskro wast ap lende tchiddo.

Bičepangre 13:11

Kanna dikeh tu, har o rai Jesus tuke i phagi della. Tu weh korelo, un dikeh i tsiro o kham buder gar.” Ap jek kopo was lauter tamlo glan leskre jaka. Un job djas trujel, te nai rodell lo jekes, kai lell les pash o wast.

Debleskri gili 32:4

Miro Dewel, diwes un rati his tiro wast phares ap mande tchiddo, un miri djipaskri soor djas jaake peske mandar, har o senlepen peskri soor nashrella an o tato nijal.

5. Mose 28:27

O baro Dewel bitchrell tumen sawo nasslepen, hoi lo glan i rah tsiro i Egiptarjen das: I djungelo nasslepen well ap tumaro mass, dukepen phagell pre, un tumaro mass chatchell un chandjrell. Un kek drab hi koi, hoi nai krell tumen sasto.

2. Mose 9:3

palle dikeh tu, te well o baro Debleskro wast pral tire viechende: pral tire graja, tire burike, tire khamele, tire grumja un tire bakre un busja. Jek baro nasslepen well ap lende.

Debleskri gili 78:66

Un job das kolen, kai kuran pen peskre menshentsa un tradas len pale. Lengri ladj atchas hako tsireske ap lende.

1. Samuel 5:7

Har dikan un haiwan le, hoske kowa jaake hi, penan le: “Kowa hi o Israeleskro Dewel, kai tchiwas koi phagi ap mende un ap maro debleste Dagon. Ma mukenn o mochton, kai leskre laba dren hi, pash mende te atchell.”

Hiob 31:3

Pral i tchilatcho well bibacht, un koleske, kai krell djungelo koowa, djal tchi mishto.

1. Samuel 5:9

Un har jon ko mochton kote anan, was o baro Debleskro wast phares ap o foro, un lauter, tikne un bare lan ko djungelo nasslepen. Un i bari daar tapras len.

Debleskri gili 145:20

Kolla, kai les o djijestar kamenna, pral kolende rikrell lo peskre wasta. Kolla, kai tchilatcho koowa krenna, mukell lo te merell.

Debleskri gili 147:6

O baro Dewel hadell kolen pre, kai tele rikedo hi, un i tchilatchen witsrell lo tele ap i phub.

1. Mose 41:31

Lauter bistrenn ko tsiro, kai bud chapen koi his. Jaake baro well i bok koi pal.