1. Samuel 30:6 - O Debleskro Drom 2021 (Sinte)

⁶ Un i murshengre djia rowan pral lengre tchawende un tchen, un jon wan jaake chojedo ap o Davideste, te kaman le les mulo te dell i barrentsa. Un o David was an i pharo tsiro. Un job las peskri soor o baro Deblestar, kai leskro Dewel hi.

O Debleskro Lab 2024 (Sinte-Manouche)

⁶ Oun i morshengre djia rovan pral lengre čavende oun čen, oun yon van yaake rhoyedo ap o Davideste, te kaman le les moulo te dell i barrentsa. Oun o David vas an i pharo tsiro. Oun yob las peskri zoor o baro Deblestar, kay leskro Devel hi.

1. Samuel 30:6 Referans Kwoze

Debleskri gili 56:11

Me kamau o Debleskro lab te sharell. Awa, o baro Debleskro lab kamau te sharell.

Debleskri gili 62:5

Tumenge djal an o shero trujel, har nai krenn te perap khetne. O chochepen hi tumenge shukar. Tumare mujentsa rakrenn tumer i bacht win pral jekeste, un an tumare djia rakrenn i bibacht pral leste.

Debleskri gili 18:6

I mulengro them pandas peskre shelle trul mande, un o merepaskre shelle tserdan man tele.

Debleskri gili 25:17

I daar an miro dji hi baro. Le man win dran miri bibacht!

Hebrearja 13:6

Jaake hunte daras gar un nai penah: O Dewel hi ap miri rig, me hunte darap gar. Hoi nai krell i mensho ap mande?

Remarja 4:18

O Dewel penas o Abrahameske: Tu leh i tchawes. Kolestar wenna bud bud menshe, jaake bud, te djiwenn le an bud themma. Ninna te dikas o Abraham tchi kolestar, hoi o Dewel leske penas, patsas lo o Debles.

Debleskri gili 116:10

Me patsom o Debles, ninna te penom: “Man hi kek soor buder.”

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

2. Mose 17:4

Kote das o Mose ap o baro Debleste gole: “Hoi krap me kal menshentsa? An i tikno tsiro witsrenn le man i barrentsa mules.”

Debleskri gili 42:11

Jon sanenn pral mande un putchenn mandar hako diwes: “Kai hi tiro Dewel? Kai atchell lo?” Lengro praassepen hi mange har i merepaskro dukepen an mire kokale.

Debleskri gili 27:14

Rike tut ap o baro Debleste tiro tselo djijeha! Ab soreles, un ma traash, un rike tut ap o baro Debleste!

2. Korintarja 4:8

Ninna te well haki rigjatar pharo koowa ap mende, krell men kowa gar paash. Ninna te djinah bud kope gar, hoi te kras, dah mer gar pre.

1. Samuel 1:10

Un lakro dji rowas, un joi mangas o baro Debles un rowas soreles ap leste,

Johanni 8:59

Koi hadan jon barra pre, te witsrenn le kolla ap leste. Un job khatras pes, un djas dran o Debleskro baro kheer win.

4. Mose 14:10

Kol tsele menshe penan: “Witsrenn len mulo i barrentsa!” Koi was o baro Debleskro railepen pral o Debleskro kheer. Un i tsele Israelitarja dikan kowa.

2. Korintarja 7:5

Har wam an o them Macedonia, was haki rigjatar pharo koowa ap mende. His menshe koi, kai tchingran pen mentsa. Un men his i bari daar. Jaake lam kek newi soor.

Gosewe laba 18:10

O baro Dewel hi har i baro sorelo kheer. Kowa, kai an o tchatchepen tardo hi, nashell pash leste un khatrell pes pash leste.

Jeremia 16:19

Baro Dewel, tu deh man soor un deh garda ap mande. Pash tute nai wau me un khatrau man an i bibacht. Dran i tsele themma ap i phub wenn i menshe pash tute, un penenn: Kol debla mare phurendar hi lauter chochepen, tchi-moldo hi le, un nai wenn gar ap mari rig.

Hiob 13:15

Mu marell lo man, man hi tchi te nashrell. Me djom tchatche dromma; un kowa kamau me leske an o mui te penell.

2. Korintarja 1:6

Te well pharo koowa ap mende, well kowa, te wenn tumare djia soreles, un te lenn tumer o Debleskro djipen. Te kras o Dewel mare djia soreles, wenn ninna tumare djia soreles. Un tumer nai rikrenn kol duka win, hoi ap mende ninna hi.

Remarja 4:20

Job rikras pes ap kowa, hoi o Dewel leske penas, un job patsas gar i paash djijestar. Jaake was leskro patsepen gomme sorleder. Un job sharas o Debles.

Mateo 27:22

Koi penas o Pilato ap lende: “Hoi krap o Jesuseha, kai kharella ninna o Kristo?” Penan le halauter: “De les ap o trushel!”

Mateo 21:9

Un kol bud menshe, kai djan glan leste un pal leste, dan bari gole: “Sharas o Davideskro tchawes! Sharedo well kowa, koles o Dewel bitchras. Sharas o Debles an o bolepen!”

Jesaja 25:4

Tchatchepah, tu wal o tchorweleske har i sorelo kheer, kai job pes nai khatrell. Te krenn le leske o djipen phares, nai well lo pash tute. Tu hal har i kheer, kai nai khatrell jek pes, te dell baro brishin, un te chatchell o kham tele. Kol pralstune, kai sorjah ap mende djan, hi har i baro phurdepen, hoi phurdell an o wend,

Debleskri gili 62:1

I gili o rajeske pral i gipangre, o Jedutun. Kai gili kras o David.

Debleskri gili 42:7

Kanna, mo Dewel, rowell miro dji. Doleske dikau ap tute kote, kai hom: an o them pash o pani Jordan, pash i berge Hermon un Misar.

Čačepangre 18:25

I Danarja penan ap leste: “Muk, atch! Mer kamah tchi buder te shunell. Tuke nai djal, te perenn chojede mursha pral tute un tiro kheer, un denn tumen mulo!”

1. Mose 32:7

I mursha wan pale pash o Jakobeste un penan ap leste: “Mer hams pash tiro phraleste Esau. Job hi ap o drom te well lo pash tute. Star-sheel mursha hi pash leste.”

Debleskri gili 42:5

Miro dji phagell an mande, har mukau mange an miro shero trujel te djal, har djom bud menshentsa ap o drom un anom len an o Debleskro kheer. Ap o drom sharam les bari goljah, te parkras men pash leste, un hams bud, kai giwan leske gilja i bachtelo djijeha.

2. Samuel 17:8

Tu prindjreh tiro dades un leskre lurden, kai hi sorele kurepangre un chojedo har i diwjo dajengro viecho an o weesh, koleske jek i ternen krik las. Ninna hi tiro dad i lurdo, kai prindjrell o kurepen. Job sowell gar pash i wawar lurdende.

2. Rajengro liil 4:27

Har joi pash o Debleskro mursheste ap koi berga was, tapras joi leskre herja trujel. O Gehasi was, te dell lo lat i spildini. Koi penas o Debleskro mursh: “Muk lat! Lake hi ropaske, un me djinau gar hoske. O baro Dewel penas mange tchi, hoi djas.”

1. Samuel 23:16

Kote kras pes o Sauleskro tchawo, o Jonatan, ap o drom, un djas pash o David pre an Horesha, un kras leskro dji sorelo an o patsepen ap o Debleste.

Debleskri gili 18:2

Un job penas: Baro Dewel, miro tselo djijestar kamau tut. Tu kreh man soreles.

Debleskri gili 31:24

Kamenn o baro Debles o tselo djijestar, tumer kai leskre han! Koon ap leste patsella, hi an leskro wast. Koon pes pre phurdell, ap koleste well leskri choli.

Debleskri gili 71:4

Miro Dewel, le man win dran i wasta i tchilatchendar, un kolendar, kai o tchatchepen stakrenna, un i wawaren i sorjah tele rikrenna.

Debleskri gili 71:5

Miro rai, tu baro Dewel, ap tute dikau, fun tiknes pre patsom ap tute.

Jona 2:2

Un har lo an o matcheskro per his, mangas lo peskro baro Debles an,

Čačepangre 20:22

Un i Israelitarja djan pale pash o foro Betel, rowan un dan gole glan o baro Debleste bis i rati was, un putchan o baro Debles: “Djas mer gomme jek kopo pre, te kuras men mare phralentsa, i Benjaminentsa?” Un o baro Dewel penas: “Awa, djan un kurenn tumen lentsa!” Koi penas jek ap o wawareste: “Mer hunte das gar pre!” Un jaake tchiwan le pen pale pre o marepaske, kote kai le jek diwes glan tardo his.

1. Samuel 28:15

Un o Samuel putchas o Saulestar: “Hoske lal tu man dran miro sopen win, un mukal man pre te well?” Un o Saul penas: “Me hom an bari daar! I Filistarja djan an o kurepen te marenn le pen mantsa. Un o baro Dewel djas peske mandar, un rakrell gar buder ap mande. Leskre rakepangren hi kek lab mange, witar gar rakrell lo mantsa an sunja. Kote mukom me tut pale gole te dell, te peness mange, hoi me hunte krap!”

Debleskri gili 138:3

Ap ko diwes, hoi me ap tute gole dom, shunal tu man, un dal man pale bari soor.