1. Samuel 3:11 - O Debleskro Drom 2021 (Sinte)

¹¹ Un o baro Dewel penas ap o Samuel: “Me krau i koowa an Israel. Un koon kolestar shunella, koleske dukenna palle peskre dui kanda.

O Debleskro Lab 2024 (Sinte-Manouche)

¹¹ Oun o baro Devel penas ap o Samuel: “Me krau i koova an Israel. Oun koon kolestar shounella, koleske doukenna palle peskre douy kanda.

1. Samuel 3:11 Referans Kwoze

Habakuk 1:5

[O Dewel penell:] Dikenn tumen trujel pash i menshende an wawar themma! Tumer krenn bare jaka, hoi dikenna! Me krau tchomone an tumare tsirja, hoi tumer gar patsenna, te wals tumenge kowa penlo.

Bičepangre 13:41

Jaake penas o Dewel: Tumer, kai rikrenn o Debles dineleske, krenn bare jaka i darjatar un merenn! Shunenn, me krau i baro koowa an tumaro tsiro. Kowa patsenn tumer gar, te penell tumenge kowa jek.”

Jeremia 19:3

Un pen: Shunenn o baro Debleskro lab, tumer bare raja pral o them Juda un menshe an Jerusalem. Jaake penell o baro Dewel, ko rai pral o bolepen un i phub, kai o Israeleskro Dewel hi: Shunenn, me kamau bari bibacht pral kau foro te anell, kai hakeno, kai shunell kowa, leskre kanda dukenna.

2. Rajengro liil 21:12

Doleske penell o baro Dewel, kai o Israeleskro Dewel hi: Me anau bibacht pral o foro Jerusalem un pral o them Juda. Hakeno, kai kowa shunella, rikrell peskre kanda i dukatar.

Louka 21:26

I tsele menshe ap i phub hi paash-mulo i trashatar pral kowa, hoi lauter ap lende wella. I bolepaskri soor perell khetne.

Jesaja 29:14

Doleske krau kal menshentsa pale sawo koowa, hoi le gar haiwenn, un hoi win dikell, har te wals kowa gar mandar, jaake te atchell lenge o rakepen krik. Lengre gosewe menshe hi palle buder gar gosewo. Un kolla, kai bud haiwan, haiwenn buder tchi.

Jesaja 28:19

Hako kopo, kai wenn le, taprenn le tumendar un anenn tumen krik, nai well ap o diwes un ninna an i rat. Te haiwans tumer, hoi shunenn, palle atchals tumenge o rakepen krik i trashatar.

1. Samuel 3:10

Kote was o baro Dewel un his pash leste tardo, un das les pale jaake gole har kol wawar kope: “Samuel! Samuel!” Un o Samuel penas: “Rake, tiro budepaskro shunella!”

1. Samuel 4:10

Un i Filistarja maran pen i Israelentsa un dan len. Un i Israelitarja nashan penge, hakeno an peskro plachteno kheer. Un jon wan phares dino, jaake phares, te meran lendar trijanda-serja (30.000) mursha.

Hiob 41:9

Jon hi jaake khetne kerdo, te taprell jek an o wawar, un kek nai tserdell jek dran o wawar win.