1. Samuel 25:1 - O Debleskro Drom 2021 (Sinte)

¹ Un o Samuel meras, un o tselo Israel was khetne un rowas kote pral leste. Un palle paskran le les an o foro Rama, kai lo khere his. Pal kowa djas o David an o mulo them Paran.

O Debleskro Lab 2024 (Sinte-Manouche)

¹ Oun o Samuel meras, oun o tselo Israel vas khetne oun rovas kote pral leste. Oun palle paskran le les an o foro Rama, kay lo khere his. Pal kova djas o David an o moulo them Paran.

1. Samuel 25:1 Referans Kwoze

1. Samuel 28:3

Un o Samuel meras. Un i tsele Israelitarja wan khetne un rowan pral leste. Un palle paskran le les an peskro foro Rama. Glan kau tsiro tradas o Saul i drawepangren un kolen, kai putchenn i mulen, dran o them win.

5. Mose 34:8

Un i Israelitarja rowan pral o Mose trijanda (30) diwessa an o telstuno them Moab. Jaake rah djas o ropaskro tsiro o Moseske.

4. Mose 20:29

Un har kol tsele menshe dikan, kai o Aron mulo hi, rowas o tselo kheer Israel pral leste 30 (trijanda) diwessa.

2. Familjakro liil 33:20

Un o Manasse meras, un jon paskran les an leskro kheer. Un leskro tchawo, o Amon, was baro rai pal leste.

Bičepangre 8:2

Un mursha, hoi ap o Debleskro drom djan, paskran o Stefanes un rowan bud pral leskro merepen.

4. Mose 10:12

Un kol Israelitarja djan dran ko mulo tato them Sinai. Un koi wolka djas glan lende un atchas tardo an ko mulo tato them Paran.

1. Mose 21:21

Un job djiwas an ko mulo tato them, hoi kharella ‘Paran’. Un leskri dai las leske i romni dran o them Egiptia.

1. Rajengro liil 2:34

Un o Benaja, koleskro dad o Jojada his, djas koi un das les temerl. Un job was paskedo an peskro kheer an o mulo tato them.

4. Mose 13:3

Un o Mose kras jaake har o baro Dewel leske penas, un rodas deesh-te-dui murshen win, kai pralstune hi mank i Israelitarja, un bitchras len dran o mulo tato them Paran an o them Kanaan.

Jesaja 14:18

I tsele themengre raja wan shukar paskedo, hakeno an peskro mulengro kheer.

Debleskri gili 120:5

Hawi bibacht hi mange, te hunte djiwap mank i wi-themarja, pash i menshende, kai prindjrenn gar miro Debles.

1. Samuel 7:17

Palle djas lo pale an Rama, kai lo khere hi, un rakras kote o tchatchepen win pral i Israelitarja. Ninna kote kras lo i chatchepaskri, kai tchomone chatchedo well o baro Debleske.

4. Mose 13:26

Un wan pash o Mose un o Aron un pash kol tsele Israelitarja, kai atchan an o mulo tato them Paran pash i panjeskro kotar them, hoi kharella Kadesh. Un jon penan lenge kowa, hoi jon dikan, un sikran lende kol drake, phabja un faige dran ko them.

4. Mose 12:16

djan le dureder, mukan Hazerot pal pende, un djiwan an o mulo tato them Paran.

1. Mose 50:11

Har i Kanaanitarja, kai koi djiwan, dikan, har jon rowan ap i platsa Goren-Atad, penan le: “Hawo baro ropen krenn i Egiptarja kote!” Doleske dan le koi platsa ko lab Abel-Mizrajim. Koi platsa hi tchiddo ap i wawar rig o panjestar Jordan.

1. Mose 14:6

kol menshentsa ap i berge Seir, – kolla his i Horarja. Un jon dan len bis El-Paran, hoi pash o mulo tato them tchiddo hi.

2. Rajengro liil 21:18

Un o Manasse meras un was paskedo an i baar pash leskro kheer, an koi baar, hoi o Usaes his. Un leskro tchawo, o Amon, was baro rai pal leste.

1. Mose 23:2

Un joi meras an o foro Kirjat-Arba. Kowa hi kanna Hebron an o them Kanaan. Un o Abraham was pash late, rowas un das i djijestar gole pral lakro merepen.

1. Samuel 1:19

Un sik o wawar diwes stan le pre. Un har sharan le o baro Debles, djan le khere an Rama. Un o Elkana djas rati pash i Hannate dren. Un o baro Dewel bistras i Hannat gar un kras,

Zakarie 1:5

Tumare phure hi buder gar koi, un mire rakepangre, kai lentsa rakran, djiwenn gar buder.