1. Samuel 24:9 - O Debleskro Drom 2021 (Sinte)

⁹ Kote stas o David ninna pre, un djas ninna win, un das pal o Sauleste palla gole: “Miro baro rai!” Un o Saul rissras pes trujel. Un o David witsras pes glan leste tele o mujeha ap i phub,

O Debleskro Lab 2024 (Sinte-Manouche)

⁹ Kote stas o David ninna pre, oun djas ninna vin, oun das pal o Sauleste palla gole: “Miro baro ray!” Oun o Saul rissras pes trouyel. Oun o David vitsras pes glan leste tele o mouyeha ap i phoub,

1. Samuel 24:9 Referans Kwoze

Gosewe laba 29:12

I rai, kai ap chochene laba shunella, koleskre budepangre wenn lauter chochene.

Jakobo 3:6

I tchip hi har i jag. Lat hi i soor, te krell li bud tchilatcho koowa. I tchip nai krell o tselo menshes djungeles un tchilatches. Koi jag, hoi i tchip krell, chatchrell o tselo djipen, un well o bengestar.

Gosewe laba 26:28

Kowa, kai chochepen rakrell, kamell o wawareske tchilatchepen te krell un les dukrell. Un kowa, kai gudle labentsa rakrell, anell i bibacht.

Gosewe laba 25:23

I phurdepen un kale wolke anenn brishin, un i tchip, hoi pal o wast rakrell, anell choli.

Gosewe laba 18:8

Te shunah djungelo rakepen pral i wawarende, hi kowa menge har shukar chapen, un djal menge tele har djet.

Gosewe laba 17:4

Kowa, kai tchilatcho koowa krell, shunell ap midjak rakepen. Un i chocheno shunell ap sawe laba, hoi bibacht anenn.

Gosewe laba 16:28

I midjak mensho anell tchingepen. Un kowa, kai djungelo koowa pral wawarende rakrell, krell, te tchingrenn pen latche mala.

Debleskri gili 141:6

Ap ko diwes, kai well i phagi pral lengre pralstunende wi-rakedo, wenn jon i barrengri berga tele witsedo. Palle well diklo, har tchatcho mire laba pral lende his.

Debleskri gili 101:5

Koon rakrell tchorchanes djungelo koowa pal o dumo kolendar, kai trul leste hi, koles pandau leskro mui. Kamau koles gar, kai pre-phurdo hi, un ap wawar menshende tele dikell.

1. Samuel 26:19

Un kanna, miro rai un pralstuno, shun ap i laba, hoi me, tiro budepaskro, rakrau. Te anas o baro Dewel tut ap mande pre, palle well leske i chapen chatchedo, te djal leskri choli krik. Te anan tut menshe ap mande pre, mu well o Debleskri bibacht ap lende! Jon tradenn man win dran o baro Debleskro them. Kowa hi jaake har te penans le: ‘Dja an i wawar them, un mange wawar deblen an!’

3. Mose 19:16

Ma dja trujel un pen chochepen pral i wawarende! Te hunte peneh win glan i tchatchepangre, ma pen chochepen, te aness o wawares an o merepen. Me hom o baro Dewel.

1. Samuel 20:1

Un o David nashas krik kol kherendar, kai o Debleskre rakepangre djiwenn an o foro Rama, un djas pash o Jonatan, un putchas lestar: “Hoi krom me? Hawi doosh anom me ap mande? Hoi krom me tiro dadeske, te rodell lo man, te dell lo man mulo?”

1. Samuel 24:8

Un kal phare labentsa penas lo lenge, hoi tchatches hi. Un kekes mukas lo ap o Sauleste pre te djal. Un o Saul stas pre un djas win dran koi grotta, te djal lo peskro drom dureder.

1. Samuel 24:10

un penas ap o Saul: “Hoske shuneh tu ap i laba kol menshendar, kai tuke penenna: ‘O David rodella tiri bibacht?’

1. Samuel 26:18

Un job rakras dureder: “Hoske lell miro rai man, peskro budepaskres, palla? Hoi krom me? Hawo tchilatchepen hi ap mande?

Jeremia 37:18

Palle putchas o Jeremia o baro rajestar Zedekja: Hoi krom me tuke un tire pralstunenge, un hawo tchilatchepen krom ap kal menshende kate, kai witsran le man an o stilepen?

1. Samuel 20:41

Har ko tchawo peske djas, was o David win dran peskro khatepen pal kol barra, un peras glan o Jonatan tele, un tchiwas pes triin kope glan tele ap i phub. Un palle lan le pen trujel un tchumran pen, un rowan khetne, o David gomme budeder har o Jonatan.