1. Samuel 23:23 - O Debleskro Drom 2021 (Sinte)

²³ Lenn hako khatepen an i jak, kai khatrell lo pes. Un te djinenn kowa lauter, palle awenn pale pash mande kai! Un me djau tumentsa. Un te hi lo an o them, palle hatsau me les ninna. Un te hunte rodoms ninna an o tselo them Juda pal leste!”

O Debleskro Lab 2024 (Sinte-Manouche)

²³ Lenn hako khatepen an i yak, kay khatrell lo pes. Oun te djinenn kova lauter, palle avenn pale pash mande kay! Oun me djau t'mentsa. Oun te hi lo an o them, palle hatsau me les ninna. Oun te hounte rodoms ninna an o tselo them Youda pal leste!”

1. Samuel 23:23 Referans Kwoze

Markus 14:1

His dui diwessa glan kol bare diwessa, kai kharenna Passa un glan kol diwessa, kai chan i bibolde kek shutlo maro. Un kol bare rashaja un kol biboldengre tchatchepangre rodan i latcho tsiro, te taprenn le o Jesuses tchorchanes, te marenn le les.

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Gosewe laba 1:16

Jon denn an i herja, te krenn le tchilatchepen. Sik nashenn le, te marenn le menshen.

1. Rajengro liil 18:10

Me dau man sowel pash o baro Debleste, kai tiro Dewel hi: O Ahab rodas tut an hako them, pash i tsele bare rajende. Un te penan jon: ‘Job hi gar pash mende’, kamas lo, te denn le pen sowel, kai nai hatsan le tut gar.

4. Mose 10:36

Un te tchiwan jon ko mochton tele, penas job: “Am pale, baro Dewel, pash kol bud serja menshende an Israel!”

1. Samuel 23:22

Djan koi, un denn jak, hatsenn win ap hawi platsa job hi, un koon les dikas. Mange was penlo, te hi les bud pal i kanda.

1. Samuel 23:24

Un i mursha djan pale an Sif. Un o Saul djas pal lende. O David un leskre mursha his an o mulo them Maon an i tala, hoi wergel Jeshimon hi.

1. Samuel 24:11

Kau diwes nai dikeh tire jakentsa, te das tut o baro Dewel an mire wasta, har hals tu an koi grotta. Un mange penan le, te dap tut mulo. Un me krom tut tchi. Me penom mange: Me kamau gar miro wast ap miro rajeste te tchiwell, koles o baro Dewel win rodas, te well lo baro rai.

Debleskri gili 10:8

Khatemen pal i khera hi lo beshdo, un tchorchanes dell lo kolen mulo, kai ap lende kek doosh hi. Leskre jaka djan o tchorweleske palla.

2. Rajengro liil 6:13

Koi penas job: “Djan un hatsenn win, kai job hi. Un me kamau les te taprell.” Un jon penan leske: “Job hi an Dotan.”