1. Samuel 20:5 - O Debleskro Drom 2021 (Sinte)

⁵ Un o David penas ap o Jonatan: “Tu djineh, taissar hi o diwes, kai well pale o newo tchon diklo. Koi hunte woms pash o baro rajeste ap leskri chapaskri beshdo. Muk man, man kate win te khatrell bis rati ap o triinto diwes!

O Debleskro Lab 2024 (Sinte-Manouche)

⁵ Oun o David penas ap o Yonatan: “Tou djineh, taysar hi o dives, kay vell pale o nevo čon diklo. Koy hounte voms pash o baro rayeste ap leskri rhapaskri beshdo. Mouk man, man kate vin te khatrell bis rati ap o triinto dives!

1. Samuel 20:5 Referans Kwoze

4. Mose 10:10

Phurdenn ninna an i phurdepangre ap kol bare diwessa, kai han tumer bachtelo, un ap ko diwes, kai well i newo tchon, un kai tumer o baro Debleske viechen anenn, sawe, hoi tumer leske tseles chatchrenna un sawe, hoi chan tumer glan leste khetne. Palle wenn tumer mange, tumaro Debleske, an o shero. Me hom tumaro baro Dewel.

1. Samuel 19:2

penas kowa o Davideske un penas: “Miro dad kamell tut te marell. Jaake khate tut taissarlakro un rike tut khatemen.

4. Mose 28:11

Ap o ersto diwes an hako tchon hunte chatchrenn tumer o baro Debleske dui terne mursh grumja, jek mursh bakro un efta jek-bershengre bakre, kai gar nasselo hi.

Debleskri gili 81:3

Giwenn leske Debleskre gilja! Denn ap i pauka! Bashrenn ap i dorjengre bashepangre!

Kolossarja 2:16

Ma shunenn ap kolende, kai penenn tumenge: “Hi gar mishto, te chan un pijenn tumer kawa te kowa!” Ma shunenn ap lende, te penenn le tumenge, te denn jak ap bare diwessa an o tchon un an o bersh, ninna ap o diwes, kai i bibolde gar budrenna.

Bičepangre 17:14

Koi bitchran kol patsle o Paules sik dureder pash o baro pani. O Silas un o Timoteo atchan an o foro Berea.

Johanni 8:59

Koi hadan jon barra pre, te witsrenn le kolla ap leste. Un job khatras pes, un djas dran o Debleskro baro kheer win.

Gosewe laba 22:3

Koles i gosewo dji hi, kowa dikell, har i bibacht wella un khatrell pes. Kolen tchi an o shero hi, kolla nashenn dureder, un i bibacht well ap lende.

Debleskri gili 55:12

O tchilatcho koowa hi baro mank lende. Ap i dromma, kai parenn un bikrenn le, wenn i menshe tikno rikedo un chochedo.

1. Samuel 20:19

Ap o triinto diwes ab sik tele un khate tut pale kote, kai tu tut khatral ko wawar diwes, un atch pash ko bar Ezel.

1. Samuel 20:6

Un te putchell tiro dad palle, kai me hom, palle pen ap leste: ‘O David mangas man, te nai djal lo an peskro foro, an Betlehem. Kote well leskri familja khetne, te anenn le viechen o Debleske, har krenn le hako bersh.’

2. Rajengro liil 4:23

Koi penas job: “Hoske kameh tu pash leste te djal? Kai diwes hi kek ‘newo-tchon’, witar kek Debleskro diwes.” Koi penas joi: “Muk lauter jaake!”

1. Samuel 20:4

Un o Jonatan penas ap o David: “Lauter, hoi tu kameh, kamau me tuke te krell.”

1. Samuel 20:18

Un pale penas o Jonatan: “Taissar hi ko diwes, kai o newo tchon diklo well. Te weh tu gar pash o chapen, putchenn le pen, kai tu hal.

1. Samuel 20:24

Un o David khatras pes kote win. Un o diwes was, kai well o newo tchon diklo. Un o baro rai, o Saul, was pash o chapen un beshas pes.

1. Samuel 20:27

O wawar diwes pal o newo tchon, his o David pale gar koi, har beshan le pen pash o chapen. Koi putchas o Saul peskro tchawes, o Jonatan: “Hoske was o Isajeskro tchawo gar pash o chapen, taissar un kau diwes witar gar?”

Amos 8:5

Tumer penenn tumenge: Mu djal o Debleskro diwes sik trujel, ninna ko baro diwes, hoi sikrell, kai o newo tchon was! Palle nai krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, un budeder lowe har tchatcho hi, un tchiwah sawe barra ap i waga, te chochas mer i ginepangre.