1. Samuel 2:5 - O Debleskro Drom 2021 (Sinte)

⁵ Kolla, kai brawelo his, hunte budrenn kanna, te lenn le maro. Un kolla, kai bokan, kolen hi kanna doha te chal. Koja, kai nai las kek tchawe, koja las efta. Un koja, kolat bud tchawe his, kolake atchell gar jek.

O Debleskro Lab 2024 (Sinte-Manouche)

⁵ Kolla, kay bravelo his, hounte boudrenn kanna, te lenn le maro. Oun kolla, kay bokan, kolen hi kanna doha te rhal. Koya, kay nay las kek čave, koya las efta. Oun koya, kolat boud čave his, kolake ačell gar yek.

1. Samuel 2:5 Referans Kwoze

Louka 1:53

Kolen, kai bok his, das job te chal. Un kol brawelen bitchras lo krik. Un jon nai lan tchi peha.

Debleskri gili 113:9

Kolat, kai kek tchawe nai las, hadell lo, te well li i bachteli dai. Sharedo well o baro Dewel!

Jeremia 15:9

Koi djuwjat, kai efta tchawe his, lake atchas kek buder djido. Lakro dji phagas. Lakro kham djas tele mashkral ap o diwes. Lakro sharepen un lakri bacht hi buder gar koi. Un hoi kol menshendar pral atchas, dau me an i wasta kolendar, kai denn len mulo o chareha. Kowa penell o baro Dewel.

Debleskri gili 34:10

Tumer, kai o baro Debleskre menshe han, djiwenn leha! Kolen, kai djiwenn leha, hi lauter o djipaske.

Louka 16:25

Koi penas o Abraham: Tchawa, tuke djas hako tsiro an tiro djipen mishto. O Lazares his kek shukar djipen. Kanna hi job bachtelo un leske djal mishto. Un tut hi kanna bare duka.

Jesaja 54:1

Jerusalem, tu hal har i djuwel, kai kek tchawe nai lell, kanna gib, tu, kai kek tchawes ap i phub anal, ab bachtelo, gib un de gole i bachtjatar! O baro Dewel penell tuke: Tu, koi mukli djuwel, tut wenn budeder tchawe har kolat, kai romedino hi.

1. Samuel 1:6

Un i Peninna, koi wawar romni, rodas, har te dukrell li lat, un kras lat i labentsa tele, doleske, kai nashte lell li kek tchawe.

1. Samuel 1:20

te was li wawartchandes. Un har lakro tsiro was, las li i mursh tchawes, un das les o lab Samuel. Joi penas: “O baro Deblestar mangom les mange.”

Galatarja 4:27

Latar hi tchinlo: Ab bachtelo, ninna te nai lal tu kek tchawe! De gole i bachtjatar, ninna te was tutar kek ternepen boldo! Kanna hi tut budeder tchawe har koja, kai his o romeha khetne.

Ruth 4:15

Un job krell tiro djipen bachteles, un dell jak, te djal tuke mishto, te weh phuro. Tiro tchaweskri romni, kai tut peskro tselo djijeha kamell, anas les ap i phub. Koja hi tuke budeder moldo har efta tchawe.”

Jesaja 33:9

Ninna o them rowell un nashrell peskri soor. I ruka ap i berge Libanon ladjenn pen un merenn tele. O shukar telstuno them Sharon dikell win har i diwjo truk them. Un i ruka ap i berge Bashan un Karmel witsrenn pengre patria tele.