1. Samuel 16:7 - O Debleskro Drom 2021 (Sinte)

⁷ O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”

O Debleskro Lab 2024 (Sinte-Manouche)

⁷ O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”

1. Samuel 16:7 Referans Kwoze

Johanni 7:24

Tumer te penenn, kai i mensho i doosh ap peste anas, palle djan pal o tchatchepen un gar pal kowa, hoi dikenn tumare jakentsa!”

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Louka 16:15

Koi penas o Jesus ap lende: “Glan i menshengre jaka kamenn tumer latcho te well. O Dewel prindjrell tumaro dji. Hoi pash i menshende bud molella, hi tchi moldo an o Debleskre jaka.

1. Petro 3:4

Tumaro shukapen hunte well dran tumaro dji un sikrell pes an o latchepen, kai kek tchingepen dren hi. Sawo shukapen atchella, un hi bud moldo glan o Debleskre jaka.

Gosewe laba 16:2

Hako drom hoi i mursh djal, hi an leskre jaka tchatcho, o baro Dewel dikell dur an leskro dji.

Gosewe laba 31:30

O shukapen atchell gar, un i shukar djuwel well ninna phuro. I romni, kai djiwell o baro Debleha, kolat sharenn le.

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

1. Rajengro liil 8:39

palle shun tu, kai djiweh an o bolepen. Biste leskri doosh un ab ap leskri rig! De hakeneste pal kowa, har job djiwas. Tu prindjreh hakeneskre dromma, un tu kokres dikeh hakeneske an o dji.

Bičepangre 1:24

Palle mangan jon o Debles un penan: “Rai, tu prindjreh i tsele menshengre djia. Sike mende, kones tu kol dujendar win rodal,

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

Hebrearja 4:13

O Dewel dikella lauter. Tchi an mende hi khatedo glan leskre jaka. Lauter hi pre tchakedo glan leste. Un leske hunte penas mer halauter, hoi kram.

Jeremia 20:12

Baro Dewel, tu rai pral o bolepen un i phub, tu prindjreh lauteren, kai ap tute rikrenn. Tu dikeh, hoi an lende hi, prindjreh lengre djia. Muk man te dikell, har tu kolen i phagi deh, kai man palla lan. Me dom miro koowa an tire wasta.

Debleskri gili 139:2

Tu prindjreh miro beshepen un miro tardepen. Tu haiweh fun dural, hoi an miro shero trujel djal.

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.

2. Korintarja 10:10

Hi menshe mank tumende, kai penenna: An peskre lila rakrell job bare laba, un hi sorelo. Te hi job pash mende, hi job tikno, un an leskro rakepen hi kek soor.

1. Petro 2:4

Awenn pash leste! Job hi ko djido bar, hoi o Dewel win rodas. O Debleske hi lo o kutch bar, ninna te witsran les i menshe ap i rig.

Hiob 10:4

Hi tut mensheskre jaka? Dikeh tu jaake har i mensho dikell?

2. Samuel 14:25

An o tselo Israel his kek mursh jaake shukar har o Absalom, un kowa penas hakeno lestar. Un fun o shero bis tel i herja his kek djungelo koowa ap leste.

1. Samuel 9:2

Un koles his i mursh tchawo, koleskro lab his Saul. Kowa his i terno shukar mursh. Un kek mursh mank i Israelitarja his jaake shukar har job. Un job his jek shereske bareder har hako wawar mursh an Israel.

Jeremia 11:20

Koi penom: Baro Dewel, tu rai pral o bolepen un i phub, djineh, hoi an o mensheskro dji un shero glan djala. Tu hal i tchatchepaskro, kai djal pal o tchatchepen. An tire wasta dau miro koowa. Muk man dikell, har tu len ko tchilatchepen pale deh, hoi jon kamenn mange te krell.

Gosewe laba 15:11

O baro Dewel djinell, hoi hi an o telstunepen un an o mulengro them. Har bud budeder djinell job, hoi an i menshengre djia hi.

Debleskri gili 7:9

Baro Dewel, tu hal o baro tchatchepaskro rai pral i menshende dran i tsele themma. De man miro tchatchepen! Tu djineh, me hom tardo an o tchatchepen un kek doosh hi ap mande.

2. Korintarja 10:7

Haiwenn, har kowa hi! Jek, kai penell: O Jesus Kristo hi leskro rai, kowa hunte dikell ninna, te hi o Jesus Kristo ninna miro rai.

Johanni 8:15

Tumer dikenn i menshes tumare jakentsa, un penenn: Kowa anas doosh ap peste! Me krau kowa gar.

1. Mose 4:5

Ap o Kain dikas job gar latches, witar gar ap kowa, hoi job chatchras o Debleske. Koi las o Kain i bari choli un dikas chojedo tele ap i phub.

1. Samuel 2:3

Mukenn tele tumaro sharepah! Ma krenn tumen bares! Mukenn buder kek pre-phurde laba dran tumaro mui win! O baro Dewel hi i Dewel, kai kowa djinell. Un kowa, hoi i menshe krenna, lell job an o jak un penell, hoi kowa molella.

2. Samuel 7:20

Un hoi nai rakrau me, tiro budepaskro, gomme budeder? Tu baro Dewel, miro rai, djineh, hoi an miro dji hi.

2. Familjakro liil 6:30

palle shun tu, kai djiweh an o bolepen! Biste leskri doosh un ab ap leskri rig! De hakeneste pal kowa, har job djiwas. Tu prindjreh hakeneskre dromma, un tu kokres dikeh hakeneske an o dji.

Gosewe laba 24:12

Te peneh tu: Mer djinam kowa gar! Palle djiness: Kowa, kai an i djia dikell, haiwell les. Un kowa, kai ap tiro djipen jak dell, kowa djinell les. Un job dell o menshes kowa pale, hoi lo kras.

1. Familjakro liil 17:18

Tu kral man, tiro budepaskres, jaake railo! – Hoi nai rakrau me gomme budeder? Tu djineh, hoi an miro dji hi.

Hiob 35:5

Dik pre, dik an o bolepen pre! Dik ap i wolke dur pral tute!