Biblia Todo Logo
Bib sou entènèt

- Piblisite -




1. Samuel 15:23 - O Debleskro Drom 2021 (Sinte)

23 Te shuneh tu gar ap leste, leh tu doosh ap tute, har te durkrals tu. Te kreh tu gar, hoi o Dewel tutar kamella, hi kowa jaake tchilatcho, har te mangals khereskre deblen un wawar chochene deblen an. Tu witsral o lab o baro Deblestar ap i rig. Doleske witsras lo tut ninna ap i rig, jaake te wess tu buder kek baro rai.”

Gade chapit la Kopi

O Debleskro Lab 2024 (Sinte-Manouche)

23 Te shouneh tou gar ap leste, leh tou doosh ap toute, har te dourkrals tou. Te kreh tou gar, hoy o Devel toutar kamella, hi kova yaake čilačo, har te mangals khereskre deblen oun vavar rhorhene deblen an. Tou vitsral o lab o baro Deblestar ap i rig. Doleske vitsras lo tout ninna ap i rig, yaake te vess tou bouder kek baro ray.”

Gade chapit la Kopi




1. Samuel 15:23
36 Referans Kwoze  

Doleske penell o baro Dewel: Tiro rakepah anal i menshen o Debleskro dromestar krik. Doleske lau tut krik i phubjatar. Kau bersh mereh tu.”


Kanna kral tu gar pal leskro lab. Doleske atcheh gar baro rai. O baro Dewel rodas peske i wawar murshes win, jekes pal peskro dji. Koles krell lo rai pral peskre menshende.”


Miri choli well ninna ap koleste, kai djal pash i durkepangre un pash kolende, kai i mulen putchenn, te putchell lo lendar, hoi te krell lo. Me mukau les buder gar mank peskre menshende te djiwell.


Jon mangenn wawar koowa an har o Debles. Jon durkrenna. Jon kurenn pen un tchingrenn pen. Jon silwerenna, un len hi choli ap i wawarende. Jon dikenn ap pende kokres, te djal lenge mishto, un dikenn gar ap i wawarende, te djal lenge ninna mishto. Jon mukenn pengre phralen un djan wawarentsa khetne.


Doleske dau me, o baro Dewel, leste un leskri familjate i phagi. Kek lendar atchell djido mank kal menshende. Un job dikell gar ko latchepen, hoi krau ap mire menshende. Peskro rakepah anas job mire menshen mandar krik. Kowa penell o baro Dewel.


An o Debleskro baro kheer well o djido Dewel kokres sharedo un kek wawar koowa. Mer halauter ham o djido Debleskro baro kheer. O Dewel penas: Me kamau te djiwap pash lende un mashkral lende. Me kamau lengro Dewel te well, un jon hi mire menshe.


Jon shunan gar ap o Debleste, kai hi o Dewel pral halauter, un tchiwan leskre laba ap i rig.


Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.


Hakeno, hoi i viecheha sowell, hunte merell.


I Rachel las kol khereskre deblen, khatras len tel i khamelakri pernitsa, un beshas pes pral pre. Un o Laban rodas an o tselo plachteno kheer un hatsas tchi.


Glan lengro naashepen, har his o Laban win, te tchinell lo o bal peskre bakrendar, tchoras i Rachel i khereskre deblen, hoi lakro dad an-mangell. Un joi las len peha.


Gar kokres doosh anas lo ap peste, na-a, job hadas pes ninna pral o Debleste. Glan mare kanda krell bare laba un rikrell o Debles dineleske.


Ma bistrenn, har choiran tumaro baro Debles an o mulo them, Ko diwesseha har djan tumer win dran o them Egiptia bis te wan kate, kai kanna han, kaman gar ap leste te shunell.


Hako mursh un haki djuwel, kai durkrell oder putchell i mulen, hunte hidjrell peskri phagi un merell. Tumer hunte witsrenn len mulo i barrentsa.


Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.


Palle djinenn i Egiptarja gar buder, hoi te krenn le. Un me krau, te djal lenge gar, hoi kamenn le te krell. Un palle djan le pash pengre chochene deblen, te putchenn le lendar, un pash kolende, kai i mulen putchenn, un pash i durkepangren un drawepangren.


Nai well, te penenn i menshe tumenge: “Putchenn kolen, kai i mulentsa rakrenn, un putchenn i drawepangren, kolla, kai rakrenn lokes glan pende.” Ap kolende penenn: “Hunte putchenn gar i menshe pengro debles? Putchenn le i mulen i djidenge?”


Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”


Jaake rah har prindjrau tumen, hi tumen sherja har barra un krenn gar, hoi o baro Dewel tumenge penell.


Ma perenn o baro Deblestar tele, un trashenn gar kol menshendar an ko them! Mer kamah len pre te chal har maro. Lengro dewel, kai das jak ap lende, mukas len. O baro Dewel hi mentsa. Ma trashenn lendar!”


Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.


Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.


Palle tchiwas o Dewel o Saules ap i rig te atchell lo buder gar baro rai, un las peske o Davides, un kras les baro rai. Kolestar penas job: Me hatsom i murshes, pral leste hom bachtelo. Job hi o David, koleskro dad hi o Isai. Me rodom o Davides win, te krell lo lauter, hoi me leske penau.


Un o Samuel meras. Un i tsele Israelitarja wan khetne un rowan pral leste. Un palle paskran le les an peskro foro Rama. Glan kau tsiro tradas o Saul i drawepangren un kolen, kai putchenn i mulen, dran o them win.


Miro latchepen lau gar lestar krik, har me miro latchepen o Saulestar krik lom, koles krik lom, te wess tu baro rai.


Hoske rikral tut gar ap miro lab? Hoske kral, hoi gar mishto hi glan mire jaka? O Urija, ko Hetares, dal o chareha mulo. Leskri romjat lal tu, te well joi tiri romni. Un tu tchiwal les kote an o kurepen, kai i Ammonarja les mulo dan.


O Saul meras doleske, kai job gar kras, hoi o baro Dewel leske penas, un kai job pash koi djuwjate djas, kai i mulentsa rakras, un lat putchas.


Tumer kran budeder tchilatchepen har tumare phure. Hakeno tumendar djiwell pal peskro shero un peskro tchilatcho dji. Ap mande shunell kek.


Jaake djal i Israelenge: I rah tsiro hi len kek rai un kek pralstune pral pende, un jon anenn kek viechen o Debleske an leskro kheer. Len hi buder kek pre-tchidde barra, kek rashajeskri damdira un kek khereskre debla, te putchenn le lendar, hoi te krenn.


Un har wan le an o them Gilead, penan le ap lende:


Me dom tumen i rai an miri choli, un an i choli lom les tumendar pale krik.


Swiv nou:

Piblisite


Piblisite