1. Samuel 15:1 - O Debleskro Drom 2021 (Sinte)

¹ O Samuel penas ap o Saul: “O baro Dewel bitchras man, te makap tut o djeteha, te wess o rai pral leskre menshende Israel. Kanna shun ap i laba o baro Deblestar!

O Debleskro Lab 2024 (Sinte-Manouche)

¹ O Samuel penas ap o Saul: “O baro Devel bičras man, te makap tout o djeteha, te vess o ray pral leskre menshende Israel. Kanna shoun ap i laba o baro Deblestar!

1. Samuel 15:1 Referans Kwoze

1. Samuel 9:16

“Taissar kau tsireske bitchrau me i murshes dran o them Benjamin pash tute. Koles less tu un makess les o kutch djeteha, te well lo rai pral mire menshende, i Israelitarja. Kowa lell len win dran o wast i Filistarendar. Me dikom har phares jon o djipen mire menshendar kran. Un lengri gole was glan mande.”

1. Samuel 12:14

Har kamoms, te sharenn tumer o baro Deblestar, kai tumaro Dewel hi, un mangenn les kokres an, un shunenn ap leste un krenn, hoi job tumenge penella! Har kamoms, te djan tumer un tumaro baro rai, kai pral tumende hi, o Debleskro drom!

1. Samuel 13:13

O Samuel penas ap o Saul: “Tu kral dinelo koowa, un kral gar pal ko lab, hoi penal tuke o baro Dewel, kai tiro Dewel hi. Te krals tu pal ko lab, tchiwals lo tut hako tsireske pral o Israel, te atchals lengro baro rai.

1. Samuel 10:1

Un o Samuel las o khoro, kai o kutch djet dren hi, un tchoras les pral o Sauleskro shero. Un job tchumras les un penas: “Ko djet sikrella, te tchiwas tut o baro Dewel pral peskre menshende, te wess lengro rai.

1. Samuel 9:15

Jek diwes glan kowa, har o Saul gomme gar koi his, kras o baro Dewel o Samueleske o kand pre un penas leske:

2. Rajengro liil 7:1

O Elisa penas: “Shunenn ap o baro Debleskre laba! Kawa penell o baro Dewel: Taissar an kau tsiro nai gineh an o foro Samaria i bari piri latcho jarro, hoi plaissreh jek rupeni bema, ninna dui pirja djob, kolenge plaissreh jek rupeni bema.”