1. Samuel 13:7 - O Debleskro Drom 2021 (Sinte)

⁷ His ninna sawe, kai nashan pral o Jordan an i themma Gad un Gilead. Un o Saul his gomme an Gilgal un kol lurden, kai pash leste his, his bari daar.

O Debleskro Lab 2024 (Sinte-Manouche)

⁷ His ninna save, kay nashan pral o Yordan an i themma Gad oun Gilead. Oun o Saul his gomme an Gilgal oun kol lourden, kay pash leste his, his bari daar.

1. Samuel 13:7 Referans Kwoze

Čačepangre 7:3

Un kanna de gole glan i kanda i tsele lurdendar: ‘Kones daar hi, kowa djal i berga Gilead tele un djal khere!’” Kowa kras o Gideon. Un 22.000 (biish-te-dui-serja) mursha djan khere. Un 10.000 (deesh-serja) mursha atchan pash o Gideon.

5. Mose 28:25

O baro Dewel krell, te wenn kolla sorleder har tumer, kai kurenn pen tumentsa. Ap jek drom djan tumer ap lende pre, un ap hake rigja hunte nashenn tumenge lendar. Un i menshenge an hake themma ap i phub atchell o rakepen krik i trashatar, te dikenn le, har tumenge djala.

5. Mose 20:8

Un i pralstune hunte putchenn i murshendar pale: Hi mank tumende jek, koles daar hi, un koleskro dji trissella? Kowa hunte djal pale an peskro kheer, te krell lo gar i djia peskre phralendar darenes.

5. Mose 3:12

Kau tselo them lam mer an ko tsiro menge dren. Ko them, hoi hi tchiddo serwes o forestar Aroer un o lengsto panjestar Arnon dom me i familjake Ruben un i familjake Gad. Ninna dom me len o paash them Gilead un kol forja koi dren.

3. Mose 26:17

Me dikau buder gar latches ap tumende, un tumer wenn dino kolendar, kai kurenn pen tumentsa. Kolla, kai kamenn tumaro merepen, wenn rai pral tumende. Tumer han ap o naashepen, ninna te lell tumen kek palla.

1. Samuel 13:8

O Samuel penas leske, te atchell lo efta diwessa koi. Palle kamell job ninna pash leste te well. Kol efta diwessa his trujel, un o Samuel his gomme gar koi. Un i lurde, jek pal o wawar nashan penge o Saulestar krik.

Josua 13:8

Ko wawar paash kol familjendar dran o kheer Manasse, ninna kol familje dran i khera Ruben un Gad, jon lan pengro kotar them ap i wawar rig o panjestar Jordan, kote kai o kham pre djal. O Mose, koles o baro Debleskro tchatcho wast his, das len les kote:

Josua 13:11

o them Gilead; un ko them, kai djiwenn i Geshurarja un i Maachatarja; un i tsele berge, hoi kharenn Hermon; un ko tselo them Bashan bis pash o foro Salka;

1. Samuel 17:11

Un o Saul un o tselo Israel shunan kol laba, hoi ko Filistari penas, un lan traash un daran lestar.

1. Samuel 31:7

Har shunan kol Israelitarja, kai djiwan wergel i tala Jesreel un wergel o pani Jordan, te nashan penge i Israelengre lurde, un kai meras o Saul un leskre tchawe, kote nashan jon dran pengre forja un nashan penge ninna. Un i Filistarja wan koi un djiwan an kol forja.