1. Samuel 10:9 - O Debleskro Drom 2021 (Sinte)

⁹ Un har rissras o Saul trujel, te djal lo peske o Samuelestar, koi das les o Dewel i wawar dji. Un lauter, hoi o Samuel glan-wi penas, was jaake ap ko diwes.

O Debleskro Lab 2024 (Sinte-Manouche)

⁹ Oun har rissras o Saul trouyel, te djal lo peske o Samuelestar, koy das les o Devel i vavar dji. Oun lauter, hoy o Samuel glan-vi penas, vas yaake ap ko dives.

1. Samuel 10:9 Referans Kwoze

Čačepangre 7:11

Un kote shuneh tu, hoi jon rakrenn. Un te shunal tu kowa, palle wenn tire wasta soreles, jaake te nai djah tu tire lurdentsa tele, te kurenn le pen lentsa.” Un o Gideon un leskro budepaskro, o Pura, djan tele kote, kai kol lurde hi, kai jak denn.

Čačepangre 6:21

Palle hadas ko bolepaskro peskro kasht, hoi an leskro wast his, un tapras ko mass un kol mare an. Kote was jag dran ko baro bar win, un chatchras ko mass un ko maro pre. Un ap jek kopo his o baro Debleskro bolepaskro buder gar koi.

Markus 14:16

Un kol mala djan koi, un wan an ko foro un hatsan kowa jaake, har job lenge penas. Un jon kran o chapen.

1. Samuel 2:35

Me mukau mange i rashajes pre te stell, kai peskri budi mishto krell. Job krell lauter jaake, har me kamau un mange shukar hi. Un me krau leske i kheer, hoi atchella. Un job budrella hako tsiro koleske, koles me wi-rodau, te well lo baro rai.

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.

Ezekiel 36:26

Me dau tumen i newo dji, un tchiwau i newo ducho an tumende, un lau ko dji dran bar dran tumende win, un dau tumen i dji dran mass.