1. Samuel 10:7 - O Debleskro Drom 2021 (Sinte)

⁷ Kanna, te well kowa lauter, palle kre kowa, hoi glan tire wasta hi. O Dewel hi pash tute.

O Debleskro Lab 2024 (Sinte-Manouche)

⁷ Kanna, te vell kova lauter, palle kre kova, hoy glan tire vasta hi. O Devel hi pash toute.

1. Samuel 10:7 Referans Kwoze

Čačepangre 6:12

Kote sikras pes ko baro Debleskro bolepaskro leske, un penas ap leste: “O baro Dewel hi tuha, tu tchatcho mursh un kurepaskro!”

Louka 2:12

Un ap kowa dikenn tumer, koon o ternepen hi: Job hi pandlo an i pherne, un kote dren tchiddo, kai o chapen i viechenge dren tchiddo wella.”

Josua 1:5

Kek nai well sorleder har tu, jaake rah har tu djiweh. Jaake har me o Moseha homs, jaake wau me tuha. Me mukau tut gar, un me djau gar tutar.

Hebrearja 13:5

Ma nashenn i lowe palla! Kowa, hoi tut hi, kowa muk tuke doha te well! O Dewel penas: Me bistrau tut gar, un mukau tut kek tsireske!

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

2. Mose 4:8

Un o baro Dewel penas: “Te dikenn le ko baro koowa, hoi me tiro kashteha krom, un jon patsenn tut gar, palle patsenn le, te sikreh tu len kau duito baro koowa.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Čačepangre 9:33

Un taissarlakro, te djal o kham pale pre, pere pral o foro dren! Un te well o Gaal peskre murshentsa palle win, te kurell lo pes tuha, kre les, har tiro wast les tut dell!”

5. Mose 20:1

Te djan tumer win an o kurepen, te kurenn tumen kolentsa, kai kamenn tumen gar an o them, un tumer dikenn lengre graja un kurepaskre wurdja un lengre lurden, kai hi bud budeder har tumer, palle ma darenn lendar! Tumaro baro Dewel hi tumentsa, kowa kai tumen dran o them Egiptia win anas.

1. Mose 21:20

Un o Dewel his kol tchaweha. Un job was baro un djiwas an o mulo tato them, un was i mursh, kai haiwas mishto karje te dell i bogeha.

Johanni 6:14

Har kol menshe dikan, hoi o Jesus kras an o Debleskri soor, penan le: “Kowa hi tchatchepah ko Debleskro rakepaskro, kolestar penlo was, kai well lo ap kai phub.”

Mateo 1:23

I terni tchai, kai gomme kek murshestar an tapedo was, lella i ternepen. Un jon denn les o lab Emmanuel. Kowa kharella: O Dewel hi mentsa.”

1. Samuel 2:34

Me dau tut i sikepen: Tire dui tchawe, o Hofni un o Pinhas, merenna ap jek diwes. Te well kowa, dikeh, kai ko wawar koowa ninna tchatcho hi.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

1. Samuel 3:19

Un o Samuel was bareder, un o baro Dewel his pash leste, un kras te was lauter tchatcho, hoi o Samuel i menshenge penas.

1. Samuel 20:13

Te kamals miro dad tuke tchilatchepen te krell, un me penoms tuke kowa gar, palle nai dell man o baro Dewel mulo. Palle mukau me tut te djal, jaake te nai djah tu an o latchepen. Un o baro Dewel mu well jaake ap tiri rig, har job ap miro dadeskri rig his.

2. Samuel 7:3

Penas o Natan ap leste: “Dja koi un kre lauter, hoi tut ap o dji hi! O baro Dewel hi pash tute!”

Hiob 31:25

Me stom gar i bachtjatar, te was miro brawlepen baro, un mange jaake bud khetne lom.