1. Samuel 10:3 - O Debleskro Drom 2021 (Sinte)

³ Te djah tu kotar dureder, palle weh pash ko baro ruk Tabor. Kote wenn triin mursha, kai ap o drom hi, te djan le pre an Betel, te mangenn le o Debles an. Ko jek hidjrella triin terne busja, ko wawar triin mare, un ko triinto hidjrella jek moljakro gono.

O Debleskro Lab 2024 (Sinte-Manouche)

³ Te djah tou kotar doureder, palle veh pash ko baro rouk Tabor. Kote venn triin morsha, kay ap o drom hi, te djan le pre an Betel, te mangenn le o Debles an. Ko yek hidjrella triin terne bouzya, ko vavar triin mare, oun ko triinto hidjrella yek molyakro gono.

1. Samuel 10:3 Referans Kwoze

1. Mose 35:3

Awenn, djas an o foro Betel. Kote krau i chatchepaskri o Debleske, kai shunas man ap ko diwes, kai an i bibacht homs. Ko Dewel his pash mande ap miro drom bis kanna.”

1. Mose 35:1

Un o Dewel penas ap o Jakobeste: “Kre tut ap o drom, dja an o foro Betel! Atch kote un kre kote i chatchepaskri, te chatchress mange viechen. Me hom ko Dewel, kai mukas pes tutar te dikell, har tu tiro phralestar Esau krik nashal.”

1. Mose 28:22

Un kau bar, hoi tchiwom pre, kowa mu well i Debleskro kheer. Un halauterestar, hoi tu man deh, dau me tut o deshto kotar pale.”

1. Mose 28:19

Un job das kol platsa ko lab ‘Betel’. Glan ko tsiro his o lab ko forestar ‘Lus’.

Debleskri gili 89:12

O bolepen, tiro hi lo, un i phub, tiri hi li, un tu kral lauter, hoi dren hi.

Čačepangre 8:18

Un job rakras ap o Sebach un o Zalmunna un putchas lendar: “Har dikan kol mursha win, kolen tumer ap i berga Tabor temerl dan?” Un jon penan: “Jaake har tu hal, jaake his jon ninna, hakeno lendar his har i rajeskro tchawo.”

Čačepangre 4:12

Koi was ap o Sisera penlo, te djas o Barak, koleskro dad o Abinoam hi, ap i berga Tabor pre.

Čačepangre 4:6

Was i diwes, kai mukas li i murshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Un joi penas ap leste: “O baro Dewel, kai o Dewel pral o Israel hi, job penell tuke: ‘Le tuke deesh-serja mursha dran i khera Naftali un Sebulon un dja lentsa ap i berga Tabor!

Josua 19:22

Un o them Issachar djas bis pash i berga Tabor un pash kol forja Shahazajim un Bet-Shemesh un dureder bis pash o pani Jordan. Khetne his an kau them 16 (deesh-te-shob) forja un lengre gaba.

Josua 19:12

Kote, kai o kham pre-djal, djas ko them fun o foro Sarid bis pash ko kotar them pash o foro Kislot-Tabor, un dureder bis pash o foro Daberat, un fun kotar pral pash o foro Jafia,

3. Mose 23:13

Koi pashel anenn glan leste dui-te-paash kilogramme latcho jarro, kai djet dren hi. Kau chapen well leske chatchedo. Un ko latcho sungepen, hoi well win, sungella mishto o baro Debleske. Koi pashel anenn jek litari mool, hoi well win tchoredo glan leste.

3. Mose 7:13

Pash kowa, hoi anenn le, te parkrenn le pen pash o baro Debleste, anenn le mare, hoi shutlo jarreha kerdo was.

3. Mose 3:12

Te kamell lo i busni te anell glan o baro Debleste,

3. Mose 3:6

Te kamell jek o baro Debleske i bakro oder i busni te anell, hoi chan i menshe khetne glan leste, palle nai well ko viecho i murshengro viecho har ninna i djuwjengro viecho. Kau viecho hunte well sasto.

3. Mose 1:10

Te kamell jek i bakro oder i busni o baro Debleske te anell, te well ko viecho tseles leske chatchedo, palle anell lo i murshkano viecho, hoi gar nasselo hi.

1. Samuel 10:4

Un te dikenn le tut, putchenn le tutar, har tuke djal. Un jon denn tut dui mare. Un tu less len dran lengre wasta.

Jeremia 32:8

Un jaake har o baro Dewel mange penas, was o Hanamel, – kowa his miro nebudo – pash mande ap i lurdengri platsa, un rakras mantsa un penas: Gin tuke miro kotar them, hoi pash o foro Anatot an o them Benjamin tchiddo hi; tu hal o ersto mank mare menshende, kai hunte ginell les mandar. Gin tu ko kotar them! Kote haiwom, kai kau lab o baro Deblestar was.

Čačepangre 20:18

Un i Israelitarja kran pen pre, un djan an o foro Betel, un putchan o Deblestar: “Koon mendar hunte djal glan win, te marell lo pes i Benjaminentsa?” Un o baro Dewel penas: “O Juda djal glan!”

Čačepangre 20:27

An ko tsiro his o Debleskro mochton, kai o Debleskre deesh laba dren his, koi tardo. Un o Pinhas his o rashai, kai kote o Debleske budras. Leskro dad his o Eleasar. Kowa his i tchawo o Aronestar. Un i Israelitarja putchan o baro Debles: “Djas mer gomme jek kopo pre, te kuras men mare phralentsa, i Benjaminentsa?” O baro Dewel penas: “Djan pre! Taissar dau len an tumare wasta!”