1. Samuel 10:20 - O Debleskro Drom 2021 (Sinte)

²⁰ Un o Samuel mukas haki bari familja glan te well, un witsras i kashta. Koi sikran i kashta ap i familja Benjamin.

O Debleskro Lab 2024 (Sinte-Manouche)

²⁰ Oun o Samuel moukas haki bari familya glan te vell, oun vitsras i kashta. Koy sikran i kashta ap i familya Benyamin.

1. Samuel 10:20 Referans Kwoze

1. Samuel 14:41

Un o Saul penas ap o baro Debleste: “Tu Dewel pral o Israel, hoske rakral kau diwes gar mantsa, tiro budepaskreha? Hi i doosh ap mande? Hi li ap miro tchaweste Jonatan? Baro Dewel, tu Dewel pral o Israel, palle sike kowa o barreha, hoi kharell ‘momeli’. Hi i doosh tchiddo ap tire menshende Israel, palle sike kowa o barreha, hoi kharell ‘tchatchepen’!” Koi sikran i barra, kai hi i doosh tchiddo ap o Jonatan un ap o Saul. I menshen Israel his kek doosh.

1. Samuel 10:19

Tumer witsran kau diwes tumaro Debles ap i rig, koles, kai las tumen win dran tumari daar un tumaro pharo djipen. Ap koleste penan: ‘Tchip i baro rajes pral mende!’ Kanna mishto! Awenn glan o baro Debleste! Haki bari familja, hoi well pal jekeste kol deesh-te-dui Jakobeskre tchawendar well tardo peske, un mank lende ninna hako dadeskro kheer.”

1. Samuel 10:21

Palle mukas lo hako dadeskro kheer dran i familja Benjamin glan te well. Koi sikran i kashta ap o dadeskro kheer Matri. Un mank i murshende dran o kheer Matri sikran i kashta ap o Saul, koleskro dad o Kish hi. Un jon rodan les, un hatsan les gar.

1. Samuel 14:38

Koi das o Saul i pralstune lurden pash peste khetne gole un penas: “Kau diwes anas jek doosh ap peste. Hatsenn win, koon kowa kras!

2. Samuel 3:19

Kowa penas o Abner ninna ap i murshende dran o kheer Benjamin. Un palle djas lo pash o David an o foro Hebron, te penell lo leske, hoi kol o Israelitarja un o tselo kheer Benjamin kamenna.

Jona 1:7

Un jek rakras o wawareha: “Awenn, mer kamah kashta te witsrell, te djinas nai, dran koneste sawi bibacht ap mende was.” Un har jon kol kashta witsran, sikran le ap o Jona.

5. Mose 33:12

Ap o kheer Benjamin penas lo: Tu hal kowa, koles o baro Dewel peskro tselo djijeha kamell, un peskre wasta pral leste rikrell! O tselo diwes dell lo ap tute jak, un djiwell mashkral tute.