1. Samuel 1:18 - O Debleskro Drom 2021 (Sinte)

¹⁸ Un joi penas: “Mu dikenn tire jaka kamles ap mande!” Un koi djuwel djas peskro drom, un chas, un dikas buder gar jaake phagedo win har glan kowa.

O Debleskro Lab 2024 (Sinte-Manouche)

¹⁸ Oun yoy penas: “Mou dikenn tire yaka kamles ap mande!” Oun koy djouvel djas peskro drom, oun rhas, oun dikas bouder gar yaake phagedo vin har glan kova.

1. Samuel 1:18 Referans Kwoze

Ruth 2:13

Joi penas leske: “Tu hal jaake latcho ap mande, miro rai! Tu rakral latches ap mande un kral miro dji pale soreles, ninna te hom me kek kol djuwjendar, kai tuke budrenna.”

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

Sikepaskro 9:7

Doleske cha tiro maro un pi tiri mool i bachtelo djijeha; kowa kamell o Dewel jaake tutar.

Johanni 16:24

Bis kanna mangan tumer tchi an miro lab. Mangenn un job dell tumen, te well tumari bacht jaake bari, bareder djal gar!

1. Mose 33:15

Penas o Esau ap leste: “Me kamau mire murshendar pash tute mukell.” “Hoske?” putchas o Jakob. “Mange hi doha, kai tu, miro rai, mange latcho hal.”

1. Mose 33:8

“Hoi kameh tu kol tsele viechentsa, hoi pash mande wan?” putchas o Esau. “Kamau te dap len tute, te wess mange latcho, miro rai”, penas o Jakob.

1. Mose 32:5

Ap lende penas job: Penenn miro rajeske Esau: “Jaake penell tiro budepaskro Jakob: ‘Me homs o tselo tsiro pash o Laban un wau kanna pale.

1. Mose 32:6

Man hi grumja un burike, bakre un busja, un budepangre: mursha un djuwja. Bitchrau kal murshen, te penenn le kowa tuke, miro rajeske, te wess latcho ap mande.’”

Ruth 2:2

His i diwes, koi penas i Rut ap i Naomi: “Me kamau ap i hachetikri phub te djal un djob pre te hadell, hoi tchiddo atchas. Djau pash jekeste, kai latcho hi ap mande un mukell man kowa te krell.” Un i Naomi penas: “Dja miri tchai!”

Debleskri gili 34:6

Kolla, kai ap leste dikenna, lengre jaka wenna har i momeli, un jon hunte ladjenn pen gar.