1. Rajengro liil 8:3 - O Debleskro Drom 2021 (Sinte)

³ Un har i tsele phureder dran Israel khetne his, hadan i rashaja o mochton kol deesh labentsa o baro Deblestar pre,

O Debleskro Lab 2024 (Sinte-Manouche)

³ Oun har i tsele phoureder dran Israel khetne his, hadan i rashaya o morhton kol deesh labentsa o baro Deblestar pre,

1. Rajengro liil 8:3 Referans Kwoze

Josua 3:6

Un ap i rashajende penas lo: “Hadenn o mochton pre, kai o Debleskre deesh laba dren hi! Un djan glan i menshende glan!” Koi hadan le o mochton pre, un djan i menshenge glan win.

5. Mose 31:9

O Mose tchinas kal tchatchepaskre laba an i liil, un das les kol phureden pral Israel un kol rashajende dran o kheer Levi, kai o Debleskro mochton hidjran, kai o Debleskre deesh laba dren hi.

Josua 3:3

un mukas i menshenge te penell: “Ap ko tsiro, kai dikenn tumer, har hidjrenn i rashaja dran o kheer Levi ko mochton, kai o Debleskre deesh laba dren hi, hoi tumen tumaro baro Dewel das, palle stenn pre, un djan pal o mochton!

4. Mose 4:15

Ap ko tsiro, kai djan i Israelitarja dureder, hunte krenn o Aron un leskre tchawe kawa halauter un hunte tchakrenn kol tsele kotja o Debleskro plachteno khereske un halauter, hoi koi pashel hi. Pal kowa wenn kol Kohatarja un hidjrenn kowa. Kaja hi lengre budi. Jon taprenn kokres kol plachte an, hoi trul ko tselo koowa tchiddo hi, un gar ko Debleskro koowa, te merenn jon gar.

1. Familjakro liil 15:2

An ko tsiro penas o David: “Kek hunte hidjrell o mochton o Debleskre deesh labentsa, har kokres i Levitarja, kolen rodas o baro Dewel win, te hidjrenn jon ko mochton, un te budrenn jon leske hako tsiro.”

Josua 6:6

Un o Josua, koleskro dad o Nun his, das i rashajen pash peste gole, un penas ap lende: “Anenn o mochton, kai o Debleskre deesh laba dren hi! Un efta tumendar hidjrenn hakeno jek phurdepaskri un djan glan ko mochton.”

Josua 4:9

Deesh-te-dui wawar barra tchiwas o Josua mashkral an o pani Jordan, kote kai i herja kol rashajendar tardo his, kai hidjran o mochton, kai o Debleskre deesh laba dren hi. Un kote hi kol barra ninna gomme kau diwes.

4. Mose 7:9

Kolen, kai wan pal o Kohat, das job tchi. Lengri budi his, te hidjrenn le o Debleskro koowa, hoi an leskro kheer his. Kowa hunte hidjrenn le ap pengre phika.

1. Rajengro liil 8:6

Un i rashaja anan o mochton o Debleskre deesh labentsa ap peskri platsa an koi palstuni isema, hoi kharell Debleskri kutch isema. Jon tchiwan o mochton tel kol dui bolepangre figure, kai kharenn Cherubim, tel lengre tchirklengre mussja.

2. Samuel 6:12

Un o baro rajeske David was penlo, kai tchiwas o baro Dewel peskri bacht un soor ap o Obed-Edomeskro kheer, un ap lauter, hoi les his, doleske, kai o Debleskro mochton pash leste hi. Koi djas o David koi un las o Debleskro mochton dran o kheer fun o Obed-Edom, un anas les an o Davideskro foro i bachtelo djijeha.