1. Mose 9:23 - O Debleskro Drom 2021 (Sinte)

²³ Koi lan o Sem un o Jafet i ripen un tchiwan les pral pengre phika un djan pengro dumo glan-wi pash pengro dadeste, jaake kai dikan les jon nashte gar. Un jon tchakran les.

O Debleskro Lab 2024 (Sinte-Manouche)

²³ Koy lan o Sem oun o Yafet i ripen oun čivan les pral pengre phika oun djan pengro doumo glan-vi pash pengro dadeste, yaake kay dikan les yon nashte gar. Oun yon čakran les.

1. Mose 9:23 Referans Kwoze

Galatarja 6:1

Mire phrala, nai well, kai krell jek tumendar i tchilatcho koowa. Anenn kol menshes pale ap o tchatcho drom! Rakrenn leha latches! Jaake sikrenn tumer, kai djiwenn jaake, har o Debleskro Ducho kowa kamella. Denn jak ap tumende, te perenn tumer gar ninna o Debleskro dromestar tele!

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

1. Petro 4:8

Rikrenn khetne an o kamlepen! Kowa hi feteder har lauter wawar. O kamlepen tchakrell bud tchilatchepen.

1. Petro 2:17

Awenn latches ap hako mensheste! Kamenn i patslen o djijestar! Sharenn o Debles, un krenn, hoi job kamella! Shunenn ap o baro rajeste pral o them!

1. Timoteo 5:19

Ma shun ap jekeste, kai anell i doosh ap i phureder pre, te hi gar dui, triin patsle koi, kai penenn kowa nai ninna, hoi job kras.

1. Timoteo 5:17

Kanna rakrau pral kolende, kai hi kol phureder mank i patslende, un krenn pengri budi mishto. I patsle hunte dikenn pre ap lende un shunenn ap lende. Ninna hunte denn le len lowe. Kowa penau budeder kolendar, kai penenn i menshenge o Debleskro lab, un sikrenn lende o Debleskro drom.

1. Timoteo 5:1

Ma tchinge ap i phureste! Tu te peneh o phuro mursheske, kai kowa gar mishto hi, hoi job kras, palle rake leha, har te wals job tiro dad! Un i terne murshentsa rake, har te wans le tire phrala!

Remarja 13:7

Denn hakeneste kowa, hoi leske hi: themeskre lowe, ninna wawar lowe, hoi jon tumendar mangenna. Shunenn ap kolende, kai hi len penepaske, un dikenn pre ap lende!

3. Mose 19:32

Glan phure menshende stess tu pre un dikess pre ap lende. Tu rikress tiro Debles glan tire jaka pash halauter, hoi kreh! Me hom o baro Dewel.

1. Mose 9:22

Un o Ham, koleskro tchawo o Kanaan hi, dikas peskro dades nanges, un djas win un penas kowa peskre dui phralenge.

1. Mose 9:24

Har o Noah djangelo was dran peskro matepen un shunas, hoi leskro terneder tchawo kras, penas job: