1. Mose 7:11 - O Debleskro Drom 2021 (Sinte)

¹¹ Har o Noah 600 (shob-sheel) bersha phuro his, an o duito tchon an ko bersh, ap o deesh-te-eftato diwes was o pani, hoi an i phub hi, i sorjah win.

O Debleskro Lab 2024 (Sinte-Manouche)

¹¹ Har o Noah 600 (shob-sheel) bersha phouro his, an o douyto čon an ko bersh, ap o deesh-te-eftato dives vas o pani, hoy an i phoub hi, i zoryah vin.

1. Mose 7:11 Referans Kwoze

1. Mose 8:2

Kek sorelo pani was buder dran i phub. Un o bolepen rikras o baro brishin pale.

Maleachi 3:10

Anenn o deshto kotar halauterestar, hoi dren lan, an miro kheer, te well doha chapen an miro kheer. Un dikenn, hoi me palle tumenge krau: Me krau miri wochni an o bolepen pre, un dau tumen bud latcho koowa, budeder har tumen hunte well. Ko penell o baro Dewel, ko rai pral o bolepen un i phub.

Jeremia 51:16

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 5:22

Hi tumen kek traash mandar, putchell o baro Dewel. Trissenn tumer gar glan mande? Me krom, te atchell o baro pani ap jek platsa, un tchiwom santa koi glan. Koi hunte atchell o pani hako tsiro, un dureder nai nashell lo gar. Ninna te well ko pani jaake diwjo, un djal pral un tele, nai djal lo gar dureder.

2. Rajengro liil 7:19

Un koi pre penas ko pralstuno lurdo ap ko Debleskro mursheste: “Ninna te krals o baro Dewel gomme kau diwes o bolepen pre un dals brishin, har nai djal kowa?” Un o Elisa penas koi pre: “Tire jakentsa dikeh tu kowa, un tchi chah tu kolestar.”

Ezekiel 26:19

Kawa penell o baro Dewel, maro rai: Me krau, te wess tu i mulo foro har kol forja, kai buder kek djiwell. Me mukau bud pani pral tute te well, te djas tele.

Debleskri gili 33:7

Job rikrell i bare panja khetne har an i gono, un tchiwell i bare panja khetne har an i kheer.

2. Rajengro liil 7:2

Ko pralstuno lurdo, kai tchiwas pes o baro rai ap leskri mussi, penas ap ko Debleskro mursheste: “Ninna te krals o baro Dewel gomme kau diwes o bolepen pre un dals brishin, har nai djal kowa?” O Elisa penas: “Tire jakentsa dikeh tu kowa, un tchi chah tu kolestar.”

1. Mose 1:7

O Dewel kras o bolepen. Un pani his koi pral, un pani his koi tel ap i phub.

Mateo 24:38

Glan ko tsiro, har o baro pani was, chan un pijan le, romedineran le, un wan romedino. Har o Noah an o panjeskro kheer djas,

Jesaja 24:19

Un i phub phagell khetne, phagell an kotja un perell khetne.

Debleskri gili 74:15

Tu mukal pani te nashell, kai kek his. Un kote, kai sorele panja nashan, hi le kanna buder gar koi.

1. Mose 6:17

Dik! Me mukau i baro pani te well pral i tseli phub, te tassenn lauter, kai djipen an lende hi. Halauter merella, hoi ap i phub djiwella.

Hiob 28:4

Dur krik fun kotar, kai menshe djiwenn, krenn le i gruba, hoi djal dur tele, kote kai kek mensho ap i raisa djal. Un pandenn pen ap i shello, un mukenn pen tele an koi gruba, dur krik i wawar menshendar.

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.

2. Petro 3:6

Koi phuri phub djas tele an o baro pani.

1. Mose 7:6

Un o Noah his 600 (shob-sheel) bersha phuro, har was o baro pani pral i phub.

Hiob 12:15

Rikrell job o brishin pale, well o tselo them truk. Mukell lo bud brishin te perell, tchakrell bud pani o them, un krell les paash.

Hiob 38:16

Hals tu an o telstunepen kai i bare panja boldo wan? Un hatsal win, hoi kote khatedo hi an o telstunepen?

Gosewe laba 3:20

Leskri goswepah mukas lo pani te well dran i phub un brishin dran o bolepen.

Jesaja 24:18

Kowa, kai nashell nai peske glan i trashakri gole, perell an i gruba. Un kowa, kai tserdell pes pral dran i gruba, well an i netsa tapedo. O bolepen krell pes pre un dell baro brishin un o telstunepen, hoi i phub hidjrell, trissella.

1. Mose 8:14

Ap o biish-te-eftato diwes an o duito tchon his i tseli phub truk.

Hiob 38:37

Koon hi jaake gosewo, te djinell lo, har bud wolke koi hi? Koon tchorell lengro pani ap i phub tele?