1. Mose 6:5 - O Debleskro Drom 2021 (Sinte)

⁵ O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

O Debleskro Lab 2024 (Sinte-Manouche)

⁵ O baro Devel dikas, kay o menshengro čilačepen baro hi ap i phoub. Halauter, hoy len an lengre djia hi, his čilačo o tselo dives.

1. Mose 6:5 Referans Kwoze

Mateo 15:19

Dran o mensheskro dji well o tchilatcho koowa, hoi an leskro shero trujel djal. Dran leskro dji well, te dell lo i wawares mulo. Te chochell i mursh peskri romjat, well kowa dran leskro dji. Te chochell i djuwel peskro romes, well kowa dran lakro dji. Dran o dji wella o wi-ladjedo koowa, o tchorepen, o chochepen, un o praassepen.

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Jeremia 17:9

Koon nai prindjrell o mensheskro dji? Tchi hi jaake tchilatcho un chocheno har o mensheskro dji.

Sikepaskro 9:3

Kowa hi koi bibacht pash halauter, hoi djal ap kai phub, te djal ko jekeske har ko wawareske djala. Un koi pashel hi o dji o menshendar pherdo tchilatchepen un pherdo dinlepen, jaake rah har jon djiwenna; pal kowa merenn le!

Sikepaskro 7:29

Dik, kowa kokres hatsom: O Dewel kras o menshes jaake, te djiwell lo an o tchatchepen; i menshe rodenn penge bud dromma, kai nai krenn le tchilatchepen.

1. Mose 8:21

Un o baro Dewel sungas ko latcho sungepen un penas ap peste: “Me dau man sowel, te anau buder gar hawi bari bibacht pral i phub doleske, hoi i menshe krenna. Djinau, o mensheskro dji hi tchilatcho fun tiknes pre. Me kamau buder gar o tselo djipen ap i phub te marell, jaake har krom.

Debleskri gili 53:2

Dinele hi le, kai rakrenn penge: “Hi kek Dewel.” Tchi-molde hi le. Lauter, hoi le krenna, hi djungelo un chocheno koowa. Kek hi koi, kai krell o latchepen.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

Ezekiel 8:9

Un job penas ap mande: Dja koi dren, un dik ko tselo tchilatcho djungelo koowa, hoi jon kate krenn.

1. Mose 13:13

Kol menshe an Sodom his tchilatcho un djiwan an baro tchilatchepen glan o baro Debleste.

Ezekiel 8:12

Un o baro Dewel penas ap mande: Tu mensho, dikal tu kawa, hoi krenn i phureder dran o kheer Israel tchorchanes – hakeno lendar glan peskri figura an lakri isema? Jon penenn penge: O baro Dewel dikell men gar, un djas peske dran kau them!

Gosewe laba 6:18

i dji, hoi tchilatcho koowa peske glan lell; herja, hoi sik tchilatcho koowa palla nashenn;

5. Mose 29:19

Ap saweste dikell o baro Dewel gar latches, na-a, pral koleste chatchell leskro dji i choljatar. Un ko tselo praassepen un i tseli bibacht, hoi an kau liil tchinlo hi, well ap leste tchiddo. Un o baro Dewel krell, te well job un leskri familja bistedo ap i tseli phub.

Hiob 15:16

Har bud budeder hatsell lo doosh ap o mensheste. O mensho krell djungelo koowa un hi tchi-moldo. O tchilatchepen krell lo, har te pijals lo pani.

Mateo 24:37

Jaake har i menshe djiwan an ko tsiro, kai o Noah djiwas, jaake djiwenn le an ko tsiro, kai o Mensheskro Tchawo pale wella.

Louka 17:26

Ap ko tsiro, kai o Mensheskro Tchawo pale wella, djiwenn i menshe jaake har an ko tsiro, kai o Noah djiwas.

1. Petro 3:20

Job djas pash kol mulende, kai djiwan an ko tsiro, kai o Noah djiwas. Har o Noah ko panjeskro kheer kras, das o Dewel i menshen i rah tsiro, te wenn le pash leste. Un jon wan gar. His gar budeder har ochta menshe, kai djan an o panjeskro kheer. Un kolla tassan gar an o pani.

Hiob 22:15

Kameh tu o phuro drom te djal, kai i tchilatche pre djan?