1. Mose 49:10 - O Debleskro Drom 2021 (Sinte)

¹⁰ Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

O Debleskro Lab 2024 (Sinte-Manouche)

¹⁰ Hako tsiro vell o baro ray dran o kheer Youda, oun yek leskre menshendar rikrell o rayeskro kasht an o vast yaake rah, bis te vell kova, kay čačepah o baro ray hi. Ap koleste shounenn i natsyone ap i phoub.

1. Mose 49:10 Referans Kwoze

4. Mose 24:17

Me dikau jekes. Kowa hi kanna gar koi. Dural dikau les. Dran o Jakob well jek, kai djal pre har i bolepaskri momeli. Dran o Israel well i baro rai, un dell i Moabarja khetne. Un kol murshenge, kai wenna pal o Set, dell lo ap o shero.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Debleskri gili 60:7

Ab ap mari rig tiro sorelo wasteha un le men, tire malen, win! Shun, har dah ap tute gole!

Zakarie 10:11

Te djan le darjah mank o baro pani, tradau me o pani pale. Un o lengsto pani Nil, ninna te djal lo dur tele, well truk. Un me rikrau o pre-phurdo them Assur tele. Un o them Egiptia hi buder gar o rai pral wawar themma.

Ezekiel 21:27

Ko sikepen sikrell ap i tchatchi rig un penell leske, te djal lo peskre lurdentsa an o foro Jerusalem. Kote denn le bari gole – i bari kurepaskri gole. Jon tchiwenn bare pesse rukengre kotja pash i wudja an o foreskri massuri, te denn le kolentsa i wudja dren. Ninna tchiwenn le tchik pre win trul i massuri, te nai djan le pral ap i massuri. Un jon krenn turme, te denn le karje an o foro.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Remarja 15:12

Un o Debleskro rakepaskro, o Jesaja, penas glan i rah tsiro: Koi well i mursh i menshendar, kolengro dad hi o Isai, kowa well o rai pral i menshende an i tsele themma. Ap koleste dikenn le, te well lo lenge latches.

Johanni 12:32

Te hom pral i phub hadedo, tserdau lauteren pash mande.”

Zakarie 2:11

Stenn pre, tumer menshe dran Zion, kai djiwenn an o them Babilonia, nashenn tumenge!”

Jeremia 30:21

Un lengro rai well dran lende. Awa, lengro pralstuno hi jek lendar. Me mukau les glan mande te well. Kek nai well glan mande un atchell djido, te mukau les gar. Kowa penell o baro Dewel.

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

Johanni 19:15

Jon dan gole: “Mare les! Mare les, un de les ap o trushel!” Koi putchas o Pilato lendar: “Kamenn tumer te dap tumaro baro rajes ap o trushel?” “Men hi kek wawar rai har o baro rai an o foro Rom kokres,” penan kol bare rashaja.

Mateo 1:21

Un joi lella i tchawes. Tu deh les o lab Jesus. Job lella i doosh peskre menshendar ap peste.

Jesaja 62:11

Dikenn, o baro Dewel mukell kal laba te shunell ap i tseli phub: Penenn i menshenge an o foro Jerusalem: Kowa, kai lell tumen win dran o tchilatchepen, hi ap o drom. Kolen job peske khetne anas, kolla hi pash leste. Awa, kolen job peske ginas, kolla djan glan leste.

Jesaja 60:1

Ste pre, Jerusalem, ab railo har o kham! I newo diwes well tuke, un o Debleskro railepen djal pre pral tute.

Jesaja 2:2

Well i tsiro, koi hi koi berga, kai o baro Debleskro kheer tardo hi, bareder har i tsele wawar berge, un dikell tele ap i tsele tikne berge. Un i menshe dran bud themma nashenn pash kai berga,

Debleskri gili 108:8

O Dewel rakras an peskro kheer, kai job djiwell: “Me wom o sorleder”, dell lo gole i bachtjatar. “Me dau o foro Sichem mire menshende, un ninna i tala Sukkot.

4. Mose 21:18

Kaja hi koi brunna, hoi kol pralstune wi-hadan. Lengre kashtentsa, awa, lengro rajeskro kashteha, hadan le lat win. Palle mukan le o pani Beer pal pende un djan dureder un wan pash Mattana.

Mateo 25:32

Un glan leste wenn i tsele menshe dran hake themma khetne. Un job tchiwell len ap dui rigja, jaake har i bakrengro rai tchiwell i bakre ap jek rig un i busja ap i wawar rig.

Mateo 21:9

Un kol bud menshe, kai djan glan leste un pal leste, dan bari gole: “Sharas o Davideskro tchawes! Sharedo well kowa, koles o Dewel bitchras. Sharas o Debles an o bolepen!”

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Haggai 2:7

Awa, i menshenge an i tsele themma lau i soor krik. Un lengro kutch koowa well kate anlo, un me krau miro kheer pherdo railepen. Ko penell o baro Dewel, ko rai pral o bolepen un i phub.

Daniel 9:25

Kanna dikess un haiwess: Har ko lab penlo was, te well o Jerusalem pale newes kerdo bis pash ko tsiro, kai well i rai o Deblestar bitchedo, djan efta kope efta bersha trujel. Un pal efta kope 62 (shob-deesh-te-dui) bersha hi lo pale newes kerdo peskre dromentsa un sorele kherentsa, ninna te hi kowa an i pharo tsiro bud kurepah.

Ezekiel 19:14

Un i jag djas win dran leskro pesseder kasht, un chatchras leskre drake. Kek sorelo kasht atchas buder pral, kolestar nai wals i rajeskro kasht kerdo. Kawa hi i ropaskri gili. Koja was giwedo kolendar, kolengro dji rowas.

2. Korintarja 5:10

Ap ko diwes, kai rakrell o Jesus Kristo o tchatchepen pral mende win, hunte was mer halauter glan leste tardo. Un hakeno lell pal kowa, hoi job kras, har djiwas lo ap i phub: latcho koowa har tchilatcho koowa.

Johanni 19:12

Koi kamas o Pilato o Jesuses mukell te djal. Kol bibolde dan gole: “Te mukeh tu koles te djal, hal tu kek maal o baro rajestar an o foro Rom! Hakeno, koon krell pes har te well job i baro rai, kowa hadell pes pral leste.”

Johanni 18:31

“Ake, lenn les un denn les tumer i phagi pal o biboldengro tchatchepen!” penas o Pilato ap lende. “Mer nai marah kekes pal o Remarjengro tchatchepen,” penan kol bibolde.

Ezekiel 19:11

Un kolla wan jaake sorelo, te nai krans le rajengre kashta dran lende. Ko bur was baro, bareder har kol wawar ruka trul leste. Hakeno nai dikas, har sorelo job his, un har bud senele kashta les his.

Johanni 9:7

Un job penas ap leste: “Dja pash ko pani Siloam, un thob tut koi!” Siloam kharella: O Dewel bitchras man. Koi djas job un thowas pes kote. Har job pale was, dikas lo nai.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

4. Mose 24:19

Dran o Jakob well kowa, koles penepaske hi, un marell ninna kolen, kai pral atchan an lengre forja.

2. Samuel 7:13

Kowa krell mange i kheer. Un me krau te atchell lo hako tsiro baro rai.

2. Samuel 7:16

Hako tsiro hi tut tchawe, kai pal tute wenna, un jek lendar hi baro rai glan mande. Un tiro rajengri beshepaskri atchell hako tsiro.”

1. Familjakro liil 12:24

Un kalla hi kol kurepangre, kai wan pash o Davideste, har lo an Hebron his, te krenn le les o baro rai pal o Sauleskro merepen, jaake har o baro Dewel penas.

1. Familjakro liil 12:39

Kal tsele kurepangre wan an o foro Hebron te krenn le o Davides baro rai. Jon his jaake pre tardo har djans le an o kurepen. Pengro tselo djijestar kaman le, te well o David baro rai pral o tselo them Israel. Len un i wawar Israelitarjen his jek dji, te krenn le kowa.

Debleskri gili 60:9

O them Gilead hi miro un o them Manasse hi miro. O them Efrajim hi miri sasterni stadi, un o them Juda hi kowa, koles penepaske hi.

Debleskri gili 78:68

Na-a, i menshen dran o kheer Juda rodas lo peske win, un koi berga Zion, hoi job o djijestar kamella.

Jesaja 55:3

Shunenn mishto, hoi penau, un awenn pash mande! Shunenn ap mande, te atchenn djido! Un me kamau tumentsa win te krell, te atchas mer mala hako tsireske. Ko latcho koowa, hoi o Davideske penom, well ap tumende.

Ezekiel 21:32

An kotja dau o foro Jerusalem! Paash, paash krau me les. Kawa well gar, bis te well ko mursh, koles wi-rodom, te dell lo o foro peskri phagi. An leskro wast dau o foro.

Micha 5:1

Tu foro Betlehem an Efrata, kai hal tikno mank i forja an o them Juda, dran tute well mange kowa, kai hi o rai an o them Israel. Glan hako tsiro his job. An i phure diwessa his lo koi.