1. Mose 48:12 - O Debleskro Drom 2021 (Sinte)

¹² Un o Josef las len lestar krik un witsras pes glan leste tele, peskro mui ap i phub.

O Debleskro Lab 2024 (Sinte-Manouche)

¹² Oun o Yosef las len lestar krik oun vitsras pes glan leste tele, peskro mouy ap i phoub.

1. Mose 48:12 Referans Kwoze

1. Mose 42:6

Un o Josef his o rai pral o them Egiptia un bikras djob ap kol menshende an ko them. Har leskre phrala wan, witsran pen le tele glan leste o mujeha ap i phub.

Efesarja 6:1

Tumer tchawe, shunenn ap tumaro dadeste un ap tumari date! Kowa hi mishto glan o Debleste.

Gosewe laba 31:28

Lakre mursh tchawe stakrenn glan un sharenn lat. Un lakro rom sharell lat kal labentsa:

2. Rajengro liil 4:37

Koi was joi, witsras pes glan leskre herja tele bis ap i phub, las peskro tchawes un djas win.

1. Rajengro liil 2:19

Un i Batsheba djas pash o baro rajeste Salomo, te rakrell li leha pral kowa, hoi o Adonija lestar kamell. Un o baro rai, har dikas lo peskri dai, stas lo pre glan late, tchiwas peskro shero tele glan late, un beshas pes ap peskri rajeskri beshepaskri. Un lake mukas lo ninna i beshepaskri te well, te beshell li pes nai ap leskri tchatchi rig.

3. Mose 19:32

Glan phure menshende stess tu pre un dikess pre ap lende. Tu rikress tiro Debles glan tire jaka pash halauter, hoi kreh! Me hom o baro Dewel.

3. Mose 19:3

Hakeno tumendar hunte dikell pre ap peskri date un ap peskro dadeste, un hunte rikrell o Debleskro diwes! Me, o baro Dewel, hom tumaro Dewel.

2. Mose 34:8

Koi witsras pes o Mose sik ap i phub un mangas o Debles an:

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

1. Mose 33:3

O Jakob djas glan lende un tchiwas pes efta kope tele ap i phub, bis te was job pash peskro phraleste.

1. Mose 23:7

Koi stas o Abraham pre un parkras pes pash lende.

1. Mose 19:1

Har i rati was, wan i dui bolepangre an o foro Sodom. Koi his o Lot an o baro wudar ko forestar beshdo. Har o Lot len dikas, stas lo pre, djas pash lende un mukas pes glan lende ap i phub te perell.

1. Mose 18:2

Ap jek kopo dikas job triin murshen. Kolla his i kotar glan leste tardo. Har job len dikas, stas lo pre, nashas pash lende un mukas pes glan lende ap i phub te perell.

1. Mose 48:11

Un o Israel penas ap o Josefeste: “Patsom gar, te dikap tut pale. Un ake, o Dewel kamas te dikap ninna tire tchawen.”

1. Mose 48:13

Un o Josef las kol dujen: Peskro tchawes Efrajim las job ap peskro tchatcho wast un anas les glan o Israeleskro serwo wast. Un peskro tchawes Manasse las job ap peskro serwo wast un anas les glan o Israeleskro tchatcho wast.