1. Mose 47:9 - O Debleskro Drom 2021 (Sinte)

⁹ Penas o Jakob: “Hom 130 (sheel-te-triin-deesh) bersh phuro. Kowa hi kek phurepen. Man hi kek shukar djipen. Mire phure wan phureder har me.”

O Debleskro Lab 2024 (Sinte-Manouche)

⁹ Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

1. Mose 47:9 Referans Kwoze

Debleskri gili 39:12

Tu te deh o menshes i phagi, te anas lo doosh ap peste, palle djal lo jaake paash har i ripen, hoi chalo well i kirmestar. Awa, o mensheskro djipen hi tchi buder har i ducho.

1. Mose 35:28

Un o Isaak his 180 (sheel-te-ochta-deesh) bersh phuro.

Debleskri gili 39:5

Baro Dewel, sike mande, har sik o djipen trujel hi, un kai miro merepen wella, te djinap, te nai atchau gar hako tsiro kai.

Hiob 14:1

O mensho, boldo i djuwjatar, djiwell i tikno tsiro, un marell pes tele peskro tselo djipen.

Josua 24:29

Un pal kowa meras o baro Debleskro budepaskro, o Josua, koleskro dad o Nun his. O Josua was 110 (jek-sheel-deesh) bersha.

5. Mose 34:7

O Mose his sheel-te-biish (120) bersha, har job meras. Leskre jaka his gomme soreles, un job nashras gar peskri soor.

2. Mose 7:7

Un o Mose his 80 (ochta-deesh) bersha un o Aron 83 (ochta-deesh-te-triin) bersha phuro, har jon ap o Farao rakran.

2. Mose 6:4

Ninna dom lende miro wast koi pre, te dap len o them Kanaan, ko them, kai jon wi-themarja his.

1. Mose 50:26

Un o Josef meras, har job 110 (sheel-te-deesh) bersha phuro his. Un job was dre-maklo o kutch djeteha un tchiddo an i mochton an o them Egiptia.

1. Petro 2:11

Kamle mala, tumer djinenn, kai han gar khere ap kai phub. Me mangau tumen, awenn sorelo! Te well o djungelo koowa an tumare djia pre, palle penenn: “Na-a!” ap kowa un krenn les gar!

Jakobo 4:14

Jaake rakrenn tumer un djinenn gar, hoi taissar hi! Tumaro djipen hi har i ducho, hoi atchella gar. Tumer han i tikno tsiro djido. Un ap jek kopo han tumer buder gar koi.

Debleskri gili 119:54

Kate ap kai phub, kai me gar khere hom, giwau gilja pral tire laba.

Debleskri gili 119:19

Me hom gar khere ap kai phub. Muk man te haiwap tire laba!

1. Mose 47:28

Un o Jakob djiwas an o them Egiptia 17 (deesh-te-efta) bersha. Un job was 147 (sheel-te-star-deesh-te-efta) bersha phuro.

1. Mose 11:11

Koi pal, har o Arpaksad boldo was, djiwas o Sem pantch-sheel (500) bersha. Un lestar wan wawar tchawe un tcha bolde.

Hebrearja 13:14

Ap kai phub hi men kek foro, kai nai atchenna. Na-a. Mer dikah ap ko tsiro, kai djiwah an o Debleskro foro, hoi wella.

1. Familjakro liil 29:15

Har mare phure ham mer ninna wi-themarja glan tute, ham i tikno tsiro ap kai phub un djah dureder. Maro djipen ap kai phub hi har i shatto un atchell gar.

1. Mose 5:27

Leskro tselo djipen his 969 (enja-sheel-te-shob-deesh-te-enja) bersha. Un job meras.

2. Korintarja 5:6

Doleske atchell maro dji sorelo. Mer djinah: Jaake rah, har djiwah ap i phub, ham gar khere pash maro rajeste, o Jesuseste.

1. Mose 47:8

Un o baro rai putchas lestar: “Har phuro hal tu?”

Debleskri gili 39:13

Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.