1. Mose 44:18 - O Debleskro Drom 2021 (Sinte)

¹⁸ Koi was o Juda glan un penas ap leste: “Mangau tut, miro rai, muk man tuha te rakrell! Ab gar chojedo ap mande, miro rai! Tu hal jaake baro har o baro rai pral o them Egiptia.

O Debleskro Lab 2024 (Sinte-Manouche)

¹⁸ Koy vas o Youda glan oun penas ap leste: “Mangau tout, miro ray, mouk man touha te rakrell! Ab gar rhoyedo ap mande, miro ray! Tou hal yaake baro har o baro ray pral o them Egiptia.

1. Mose 44:18 Referans Kwoze

2. Mose 32:22

O Aron penas: “Am gar chojedo, mo rai! Tu djineh kokres, kai kol menshe tchilatcho hi.

1. Mose 41:40

Tu wess rai pral miro baro kheer. I tsele menshe an miro them hunte krenn kowa, hoi tu peneh. Me kokres hom bareder har tu un atchau baro rai pral o them Egiptia.”

1. Mose 18:30

Un o Abraham penas: “Miro rai, ab gar chojedo, te rakrau pale tuha. Hoi, te hatseh kote 30 (trijanda)?” Penas job: “Te hatsau 30 (trijanda), kamau ko foro tchi te krell.”

1. Mose 41:44

Un o baro rai penas ap o Josefeste: “Ninna te hom me o baro rai pral o them Egiptia, nai hadell kek mensho an o tselo them Egiptia peskro wast un peskre pire pre, te kameh tu kowa gar.”

1. Mose 18:32

Koi penas o Abraham: “Miro rai, me mangau tut, ab gar chojedo! Me kamau gomme jek kopo tuha te rakrell. Hoi, te hatseh kote deesh?” Penas job: “Te hi kote deesh, kamau ko foro tchi te krell.”

Bičepangre 2:29

Un o Petro penas dureder ap lende: “Murshale, mire phrala, mukenn man tumenge te penell, hoi man ap o dji hi. Maro baro rai David meras, un was paskedo. Leskro mulengro kheer nai dikenn tumer kau diwes.

Johanni 5:22

O dad rakrell pral kekeste i phagi win. Kowa das lo an peskro tchaweskro wast, te well leskro tchawo o tchatchepaskro rai pral lauterende,

Daniel 5:19

Doleske daran un trissan i menshe dran hako them un rakepen lestar. Un job maras, jaake har job kamas, un mukas koles te djiwell, kones job kamas, te atchell lo djido. Job hadas menshen un kras wawaren tikno, jaake har leske shukar his.

Daniel 3:15

Kanna shunenn: Jaake sik, har shunenn tumer o phurdepaskro bashepen un bashepen ap i dorjengre bashepangre un ko tselo wawar bashepen, witsrenn tumen tele ap i phub, un mangenn koi figura an, hoi me krom! Te witsrenn tumen gar glan late ap i phub, palle wenn tumer gomme kate an i bobeskri jag witsedo! Un koon hi ko dewel, kai nai lell tumen win dran miro wast?”

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Debleskri gili 79:5

Baro Dewel, har rah atchell tiri choli ap mende? Har rah chatchrell li har i jag?

Hiob 33:31

Dik Hiob, shun ap mande! Ma rake tu, muk man te rakrell!

Ester 1:12

Har penan kol efta mursha i ranjake Wasti, hoi o baro rai latar kamell, kamas li gar pash leste te well. Kote tapras i bari choli i baro rajes.

2. Samuel 14:12

Koi das li pale: “Miro Rai, muk man tuke, miro baro rajeske, tchomone te penell!” Penas lo: “Rake!”

1. Mose 37:7

“Mer pandam djob khetne ap i hachetikri phub. Un ap jek kopo stas miri djob pre un atchas tardo. Un tumari djob was un his trul miri djob tardo un witsras pes tele glan miri djob.”

1. Mose 37:8

Koi penan leskre phrala ap leste: “Kameh te wess rai pral mende? Kameh tchatchepah te wess o pralstuno mendar?” Un jon his leske budeder tchilatcho pral leskri suni un leskro rakepen.

1. Mose 44:17

Penas o Josef: “Sawo koowa krau gar. Ko rom, kai hatsan o khoro pash leste, hunte well miro budepaskro. Tumer wawar nai djan an o latchepen khere pash tumaro dadeste.”

1. Mose 37:6

“Shunenn, hoi dom suni”, penas lo ap lende.