1. Mose 43:18 - O Debleskro Drom 2021 (Sinte)

¹⁸ Har jon dikan, kai wan le an o Josefeskro kheer anlo, was len daar. Un jek penas ap o wawareste: “Kol lowe, hoi an mare gone his o wawar kopo, hi, hoske wah kanna kate anlo. I Egiptarja kamenn mare burike te lell un men te taprell, te budras lenge.”

O Debleskro Lab 2024 (Sinte-Manouche)

¹⁸ Har yon dikan, kay van le an o Yosefeskro kheer anlo, vas len daar. Oun yek penas ap o vavareste: “Kol love, hoy an mare gone his o vavar kopo, hi, hoske vah kanna kate anlo. I Egiptarya kamenn mare bourike te lell oun men te taprell, te boudras lenge.”

1. Mose 43:18 Referans Kwoze

1. Mose 42:35

Har tchoran kol phrala pengre gone win, hatsas hakeno peskre lowe an peskro gono! Har jon un lengro dad kol lowe dikan, was len daar.

Remarja 7:8

Har shunom kol laba, was i bok pal ko koowa, hoi tchilatcho hi, baro an mande. Jaake kran kol laba o tchilatchepen an mande djido. Te djinoms kol laba gar, wals o tchilatchepen an mande mulo.

Markus 6:16

Har kowa o Herodes shunas, penas lo: “Kowa hi o Johanni, kai mukom leske o shero tele te dell. Kowa stas i mulendar pre.”

Jesaja 7:2

Un har o baro rajeske pral Juda penlo was, kai tchiwan i Syrarja pengre plachtene khera pre an o Efrajimeskro them, kote trissas lo i trashatar. Un ninna i tsele menshe an Juda trissan jaake har i ruka an i wesha trissenn, te phurdell i sorelo ducho.

Debleskri gili 73:16

Koi lom mange tsiro, te nai haiwap kawa, un phares his kowa an mire jaka,

Debleskri gili 53:5

“Kolla, kai o tchilatcho koowa krenna, haiwenn tchi”, penell o Dewel, – “kolla, kai mire menshen chana har i kotar maro. Man denn le gar an-gole.”

Hiob 30:14

Har lurde i foreskri massuri paash krenna, un tel i barra, hoi tele peran, dren wenna, wenn jon pash mande.

Hiob 15:21

An leske kanda shunell lo i gole, hoi krell leske daar. An ko tsiro, kai leske latches djal, well o marepaskro pral leste.

Čačepangre 14:4

Leskro dad un leskri dai haiwan gar, te was kowa o baro Deblestar, kai i drom rodas, te nai perell lo ap i Filistarja. Kolla his i raja pral o Israel an ko tsiro.

Čačepangre 13:22

Un o Manoach penas ap peskri romni: “Kanna hunte meras! Mer dikam o Debles!”

5. Mose 22:17

un anell tchilatcho rakepen ap late pre un penell: ‘Me hatsom, te hi li i wawarestar an-tapedo.’ Un kate hi kai plachta, hoi sikrell, te tapras kek wawar mursh lat glan leste an.”

5. Mose 22:14

un job anell i djunglepen ap late pre un penell: “Kai tchat romedinerom, un har pash late dren djom, hatsom win, te his lat i wawarestar an-tapedo”,

1. Mose 42:28

Koi penas job ap peskre phralende: “Mire lowe hi an miro gono!” Koi lan jon traash. Un jon dikan pen darenes an un penan: “Hoske kras o Dewel kowa mentsa?”

1. Mose 42:21

Un jek penas ap o wawareste: “Tchatchepah, kanna lah koi phagi, hoi mer maro phraleske kram. Mer dikam leskri daar, hoi les his, har job men mangas, te mukas les te djiwell. Un mer shunam gar ap leste. Dran kowa well koi bibacht pral mende.”

1. Mose 43:17

Un o rom kras jaake, har o Josef penas un anas i murshen an o Josefeskro kheer.

1. Mose 43:19

Un jon djan pash koleste, kai ap o Josefeskro kheer garda das, un rakran leha glan o wudar.

Daniel 6:4

Un o Daniel his gosweder un feteder har kol tsele wawar raja un pralstune. Un doleske his o baro rajes an peskro dji, te tchiwell lo les pral o tselo rajeskro them.

1. Mose 42:27

Ap koi platsa, kai jon i rati atchan, kras jek lendar peskro gono pre, te dell lo leskri burika te chal. Un job dikas, kai kol lowe an leskro gono hi.

1. Mose 44:8

Kol lowe, hoi hatsam pral an mare gone, anam tuke pale dran o them Kanaan. Hoske tchorams dran tiro rajeskro kheer rup un sonakai?