1. Mose 43:12 - O Debleskro Drom 2021 (Sinte)

¹² Lenn dui kope jaake bud lowe peha har o ersto kopo. Tumer hunte denn kol lowe pale, kai hatsan an tumare gone. Nashte well jekeskri doosh, hoi job gar djinas.

O Debleskro Lab 2024 (Sinte-Manouche)

¹² Lenn douy kope yaake boud love peha har o ersto kopo. T'mer hounte denn kol love pale, kay hatsan an t'mare gone. Nashte vell yekeskri doosh, hoy yob gar djinas.

1. Mose 43:12 Referans Kwoze

1. Mose 42:25

Un o Josef penas ap peskre budepangre, te krenn le lengre gone pherdo djob, un te denn le len lengre lowe pale, – hakeneske an leskro gono, un te denn le len chapen ap o drom. Kowa kran jon.

1. Mose 42:35

Har tchoran kol phrala pengre gone win, hatsas hakeno peskre lowe an peskro gono! Har jon un lengro dad kol lowe dikan, was len daar.

Hebrearja 13:8

O Jesus Kristo atchell har job hi: taissar, kau diwes, un hako tsireske.

1. Tessalonikarja 5:21

Denn jak, te well ko lab, hoi job penas, tchatchepah o Deblestar! Un rikrenn kowa, hoi mishto hi!

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

Filiparja 4:8

Pale penau tumenge, mire phrala, rakrenn pral kowa, hoi latcho un tchatcho hi, hoi djudjo hi, hoi kamlo hi, hoi mishto hi pash i menshende! Awa, rakrenn pral lauter kowa, hoi shukar hi un well sharedo!

2. Korintarja 8:21

Mer dikas, te well lauter tchatches kerdo, gar kokres glan o Debleste, ninna glan i menshende.

Remarja 13:8

Te hi tumen i sijaan pash jekeste, ma atchenn an koi sijaan: Plaissrenn lat pale! Jek koowa nai krenn tumer gar doha: Te kamell jek o wawares o tselo djijestar! Koon kowa kras, kras kowa, hoi o Dewel lestar kamella.

Remarja 12:17

Te hi jek tchilatcho ap tumende, palle wenn gar tchilatcho ap leste! Krenn, hoi latcho hi an i tsele menshengre jaka!

1. Mose 43:13

Lenn tumaro phrales un krenn tumen ap o drom! Djan pale pash o romeste!

1. Mose 43:21

Har mer pale djam, kram mare gone pre kote, kai atcham pral i rati. Un hakeno mendar hatsas peskre lowe an o gono, jaake bud, har plaissram. Kanna anam mer kal lowe pale pale.

1. Mose 43:22

Wawar lowe anam ninna mentsa, te ginas djob. Mer djinah gar, koon tchiwas mare lowe an mare gone.”