1. Mose 42:22 - O Debleskro Drom 2021 (Sinte)

²² Un o Ruben penas ap lende: “Penom me gar ap tumende: Ma krenn tchilatchepen o tchaweske? Tumer shunan gar. Kanna well leskro rat ap mende.”

O Debleskro Lab 2024 (Sinte-Manouche)

²² Oun o Ruben penas ap lende: “Penom me gar ap t'mende: Ma krenn čilačepen o čaveske? T'mer shounan gar. Kanna vell leskro rat ap mende.”

1. Mose 42:22 Referans Kwoze

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

2. Familjakro liil 24:22

Un o Joash bistras har bud latchepen o Jojada ap leste kras, koleskro tchawo o Secharja his, koles job mukas te marell. Har o Secharja meras, penas lo: “O baro Dewel dikell kowa, un job dell pale pale, hoi le ap mande kran.”

Debleskro tsiro 16:9

Un i menshe wan soreles chatchedo. Un jon praassan o Debles, kai das len koi phagi. Un jon mukan gar pengro tchilatcho drom, un sharan o Debles gar.

Debleskro tsiro 13:10

Koon stildo hunte well, kowa well stildo. Koon o chareha maredo hunte well, kowa well o chareha maredo. Doleske hunte wenn o Debleskre menshe soreles tardo an o patsepen, te denn le gar pre.

Remarja 2:15

Jaake dikah, an lengre djia hi tchinlo, hoi o Dewel kamella. Te kran le o tchilatcho koowa, penell lenge lengro dji: Kowa his gar mishto, hoi kral. Te kran le latcho koowa, penell lenge lengro dji: Kowa his mishto, hoi kral.

Bičepangre 28:4

Har kol menshe ko themestar ko sap ap leskro wast dikan, penan le: “Kawa hi jek, kai maras jekes. Dran o baro pani was job djido win, un kanna lell lo peskri phagi.”

Louka 23:41

Kawa hi mari phagi koleske, hoi kram. Mer anah tchatchepah doosh ap mende. Kawa mursh kras kek tchilatchepen.”

Ezekiel 3:18

Te penau me ap i tchilatcheste: Tu hunte meress! Palle hunte peness tu leske kowa, un dess les trad, jaake te nai djal lo peskro tchilatcho dromestar tele, un atchell djido. Te peneh tchi, lell lo peskri phagi un hunte merell. Ap tute penau me palle: Tut hi doosh ap leskro merepen.

1. Mose 4:10

Un o Dewel penas: “Hoi kral tu? Shun! Tiro phraleskro rat dell gole pal mande dran i phub.

1. Mose 42:23

Jon djinan gar, kai o Josef lengro rakepen haiwas. Job rakras lentsa an o egiptikro rakepen. Un i wawar penas lenge, hoi job penas.

1. Mose 45:3

Un o Josef penas ap peskre phralende: “Me hom o Josef. Djiwell miro dad?” Leskre phrala penan nai tchi ap leste. Lenge atchas o rakepen krik i trashatar.

1. Mose 50:15

Har o Josefeskre phrala dikan, kai lengro dad mulo his, penan le: “Hoi krah mer, te hi o Josef menge tchilatcho un dell men o tchilatchepen pale, hoi mer ap leste kram?”

1. Samuel 19:4

Un o Jonatan rakras peskro dadeha un rakras latches pral o Davideste un penas: “Miro baro rai, an kek doosh ap tute un kre o Davideske tchi! Job hi tiro budepaskro un kras tuke kek tchilatchepen. Un lauter, hoi job kras, his tuke mishto.

1. Rajengro liil 2:33

Lengro rat atchell ap o shero o Joabestar un leskre tchawendar pal leste hako tsireske. O David un halauter, kai wenn pal leste, un kai wenn bare raja pal leste, kolendar mu rikrell o baro Dewel i bibacht dur krik an hako tsiro!”