1. Mose 42:13 - O Debleskro Drom 2021 (Sinte)

¹³ Penan jon: “Miro rai, deesh-te-dui phrala ham mer. Ham tchawe jek romestar an o them Kanaan. O terneder hi kanna pash maro dadeste. Un jek hi buder gar koi.”

O Debleskro Lab 2024 (Sinte-Manouche)

¹³ Penan yon: “Miro ray, deesh-te-douy phrala ham mer. Ham čave yek romestar an o them Kanaan. O terneder hi kanna pash maro dadeste. Oun yek hi bouder gar koy.”

1. Mose 42:13 Referans Kwoze

1. Mose 37:30

Un job was pale pash peskre phralende un penas: “Ko tchawo hi buder gar koi. Hoi krap me kanna?”

1. Mose 44:20

Un mer penam ap tute, miro rai: ‘Men hi i phuro dad un i terno phraal, kai boldo was, har maro dad phuro his. Leskro phraal hi mulo. Un job kokres atchas pral peskri datar. Un leskro dad kamell les i djijestar.’

1. Mose 42:32

Ham deesh-te-dui phrala, kol tchawe jek dadestar. Jek hi buder gar koi. Un ko terneder hi kanna pash maro dadeste an o them Kanaan.

1. Mose 43:7

Penan jon: “Ko rom putchas men win pral mende un pral mari familja. Job putchas: ‘Djiwell tumaro dad? Hi tumen i wawar phraal?’ Jaake penam, hoi job kamas te djinell. Djinam gar, kai job penell: ‘Anenn tumaro phrales kai!’”

Mateo 2:18

Bari gole un bud ropen shunan le an o gab Rama. I Rachel rowella pral peskre tchawende, un kamell kekestar latche laba te shunell. Lakre tchawe hi buder gar koi.

Mateo 2:16

I gosewe mursha djan ap i wawar drom an pengro them, un wan gar pash o Herodeste pale. Har job kowa haiwas, was i bari choli ap leste. Un job bitchras lurden an o foro Betlehem un an i gaba trujel, te marenn le kol tsele mursh tchawen, kai dui bersha un terneder hi. Kol dui bersha his ko tsiro, kai i gosewe mursha leske penan, te was o tchawo boldo bis ko diwes.

Ropaskre gilja 5:7

Mare phure anan doosh ap pende, un djiwenn buder gar. Mer kitse kai ham, hunte hidjras lengri tseli doosh.

Jeremia 31:15

Kowa penell o baro Dewel: I gole un sorelo ropen well shunlo an o foro Rama: I Rachel rowell pral peskre tchawen: Jon hi mulo. Un joi kamell kek shukar laba te shunell.

1. Mose 45:26

Un jon penan ap leste: “O Josef djiwella. Un job hi o rai pral o tselo them Egiptia.” Koi atchas leskro dji tardo. Un job patsas len gar.

1. Mose 44:28

Ko jek djas peske mandar un me penom mange: I diwjo viecho maras les. Un me dikom les buder gar pale bis kanna.

1. Mose 42:38

“Na-a”, penas o Jakob. “Miro tchawo djal gar tumentsa! Leskro phraal hi mulo. Un job kokres atchas mange leskri datar i Rachel. Me hom i phuro rom. Te taprels les i bibacht ap o drom, meraus i bari dukatar.”

1. Mose 42:36

Un lengro dad, o Jakob, penas ap lende: “Tumer tchoran mire tchawen mandar: O Josef hi buder gar koi. Un o Simeon hi buder gar koi. Un o Benjamines kamenn tumer ninna mandar te lell. Kowa lauter well ap mande!”

1. Mose 42:11

Mer halauter ham i tchawe jek romestar. Mer djah i tchatcho drom. Mer ham kek phukepangre, kai kamenn te dikell, har sorelo tumaro them hi.”

1. Mose 42:12

“Na-a”, penas o Josef. “Tumer wan te dikenn, har sorelo maro them hi.”

1. Mose 42:14

Penas o Josef ap lende: “Kowa hi jaake, har me penom: Tumer han phukepangre.

1. Mose 43:29

Un job dikas pes trujel un dikas peskro phrales Benjamin, ko tchawes peskri datar, un putchas: “Hi kowa tumaro terneder phraal, kolestar rakran?” Un ap leste penas lo: “O Dewel mu dell tut latchepen, miro tchawo.”