1. Mose 41:8 - O Debleskro Drom 2021 (Sinte)

⁸ Taissarlakro daras job. Un job mukas i tsele durkepangre un gosewe an o them Egiptia te kharell. Un o baro rai penas lenge, hoi job suni das. Un kek his koi, kai penell nashte, hoi koi suni leske penella.

O Debleskro Lab 2024 (Sinte-Manouche)

⁸ Taysarlakro daras yob. Oun yob moukas i tsele dourkepangre oun goseve an o them Egiptia te kharell. Oun o baro ray penas lenge, hoy yob souni das. Oun kek his koy, kay penell nashte, hoy koy souni leske penella.

1. Mose 41:8 Referans Kwoze

Daniel 4:7

“Kawa hi koi suni, hoi dikom, har homs ap miro tchiben tchiddo: I baro ruk his tardo mashkral ap kai phub.

2. Mose 7:22

Un i durkepangre an o them Egiptia kran ninna jaake an pengri soor. Un o Faraeskro dji atchas pale pandlo, un job shunas gar ap lende. Jaake was, hoi o baro Dewel penas.

Mateo 2:1

Ap ko tsiro, har was o Jesus an o foro Betlehem an o them Judea boldo, his o Herodes o baro rai pral o them. Koi wan gosewe mursha dran o them, kai o kham pre djala, un djan an o foro Jerusalem. Jon putchan i menshendar an o foro Jerusalem:

Daniel 4:5

Un o palstuno, koon glan mande was, his o Daniel, kowa kanna Beltsazar kharell pal o lab miro deblestar. Un an leste hi o ducho o bolepangre deblendar. Un ap leste penom:

Daniel 1:20

Un an hako koowa, hoi o baro rai lendar putchas, his jon deesh kope gosweder un haiwan budeder har i tsele durkepangre un drawepangre an i tsele themma, kai o Nebukadnezar baro rai his.

Jesaja 29:14

Doleske krau kal menshentsa pale sawo koowa, hoi le gar haiwenn, un hoi win dikell, har te wals kowa gar mandar, jaake te atchell lenge o rakepen krik. Lengre gosewe menshe hi palle buder gar gosewo. Un kolla, kai bud haiwan, haiwenn buder tchi.

2. Mose 7:11

Kote mukas o Farao i gosewe murshen un i durkepangren gole te dell. Un kol egiptikre durkepangre kran emligo koowa an pengri soor.

Daniel 4:19

kowa hal tu, miro baro rai. Tu hal jaake baro un sorelo. Un tiri soor hi baro un djal bis pash o bolepen, un tu wal o rai pral i tseli phub.

Jesaja 8:19

Nai well, te penenn i menshe tumenge: “Putchenn kolen, kai i mulentsa rakrenn, un putchenn i drawepangren, kolla, kai rakrenn lokes glan pende.” Ap kolende penenn: “Hunte putchenn gar i menshe pengro debles? Putchenn le i mulen i djidenge?”

3. Mose 19:31

Ma djan pash i durkepangre un pash kolende, kai i mulen putchenn! Ma rodenn sawen pre, te krenn tumen gar pale-tchiddo ap lende. Me, o baro Dewel, hom tumaro Dewel.

2. Mose 8:7

Un i djambe hunte djan penge tutar un dran tiro kheer, ninna dran i khera kol pralstunendar un tire tsele menshendar. Kokres an o Nil atchenn le pral.”

1. Mose 40:8

Penan jon ap leste: “Mer dam suni. Un kek hi koi, kai penell nashte, hoi mare sunja menge penenna.” Penas o Josef ap lende: “O Dewel penell nai, hoi kol sunja penenna. Penenn tumare sunja mange!”

1. Mose 40:6

Taissarlakro was o Josef pash lende un dikas, kai djal lenge gar mishto.

1. Korintarja 1:19

O Dewel penella an peskro lab: Pash mande molell o menshengro goswepen tchi. Un kolla, kai penenn, te djinenn le bud, kolende sikrau, kai kowa tchi moldo hi, hoi jon djinenna.

Bičepangre 17:18

Mank lende his ninna sikle mursha, kai kharan Stoikarja un Epikurarja. Kolla tchingran leha. Har rakras o Paulo pral o Jesuseste, un penas, kai kras o Dewel o Jesuses i mulendar djido, penan le: “Hoi kamell ko dinelo rakepaskro te penell?” Wawar penan: “Job rakrell pral wawar deblende, kolen mer gar prindjrah.”

Bičepangre 7:22

Un gosewe Egiptarja sikran leste lauter, hoi jon djinan, jaake te was lo gosewo an lauter, hoi job rakras un kras.

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Daniel 8:27

Un man, o Danieles, his buder kek soor, un me homs diwessa nasselo. Un pal kowa stom pale pre, un krom miri budi pash o baro rajeste. Un ko dikepen, hoi dikom, kras mange daar un nai haiwom les gar.

Daniel 7:28

Kawa hi, hoi me dikom. Mange, o Danieleske, kras kawa bari daar. Un me wom parno an o mui i trashatar, un rakrom kekeha pral kau koowa.

Daniel 5:11

Koi hi i mursh an tiro them, an koleste hi o ducho i bolepangre deblendar. An kol diwessa, har tiro dad o baro rai his, sikras pes, kai an leste jaake bud goswepen hi har i deblen hi. Job haiwell un djinell, hoi kek wawar haiwell un djinell. Un tiro dad Nebukadnezar tchiwas les pral i tsele durkepangre un drawepangre un pral kolende, kai an i bolepangre momlia drawerenn, un kai i mulen putchenn.

Jesaja 19:3

Palle djinenn i Egiptarja gar buder, hoi te krenn le. Un me krau, te djal lenge gar, hoi kamenn le te krell. Un palle djan le pash pengre chochene deblen, te putchenn le lendar, un pash kolende, kai i mulen putchenn, un pash i durkepangren un drawepangren.

Debleskri gili 25:14

O baro Dewel hi o maal kolenge, kai djiwenn leha, un lende sikrell lo, te hi lo lengro Dewel un jon peskre menshe.

3. Mose 20:6

Miri choli well ninna ap koleste, kai djal pash i durkepangre un pash kolende, kai i mulen putchenn, te putchell lo lendar, hoi te krell lo. Me mukau les buder gar mank peskre menshende te djiwell.

2. Mose 9:11

Kau kopo nai wan i durkepangre gar glan o Mose, te krenn le jaake har job. Ko djungelo nasslepen his ninna ap lende har ap hako Egiptari.

1. Mose 41:7

Un kol halme, kai gar pesso his, chan kol efta wawar pre, kai pesso un pherdo djob his. Un o baro rai djangras pre un haiwas, kai job suni das.

1. Mose 41:15

Un o baro rai penas ap o Josefeste: “Me dom suni. Un kek hi koi, kai penell nai, hoi miri suni penella. Tutar penan jon mange: Te shuneh i suni, peneh nai, hoi i suni penella.”

1. Samuel 6:2

Un i Filistarja dan pengre rashajen un durkepangren gole, un putchan lendar: “Hoi kras mer ko mochtoneha o baro Deblestar? Har bitchras les pale kote kai lo was?”

Daniel 4:6

“Beltsazar, tu pralstuno pral i tsele siklende, djinau, te hi o ducho i bolepangre deblendar an tute, un tuke hi tchi khatedo. Jaake pen mange, hoi miri suni kamell te penell!”

Daniel 4:18

un koleskre patria shukar his, un koles jaake bud rukengre hidjras, te his hakeneske doha te chal, tel koleste i weshengre vieche tchiddo his un i tchirkle ap leskre kashta beshdo his,

1. Mose 41:24

Un kol sane halme chan kol efta pesse halme. Un me penom kowa, hoi dom suni, kol durkepangre. Un kek his koi, kai penell nashte mange, hoi kol sunja mange penenna.”