1. Mose 4:7 - O Debleskro Drom 2021 (Sinte)

⁷ Kowa hi jaake: Te kreh, hoi mishto hi, nai dikeh tu i menshen an i jaka. Te kreh, hoi gar mishto hi, hi o tchilatchepen gar dur tutar, un kamell rai pral tute te well. Tu hunte wess rai pral o tchilatchepen.”

O Debleskro Lab 2024 (Sinte-Manouche)

⁷ Kova hi yaake: Te kreh, hoy mishto hi, nay dikeh tou i menshen an i yaka. Te kreh, hoy gar mishto hi, hi o čilačepen gar dour toutar, oun kamell ray pral toute te vell. Tou hounte vess ray pral o čilačepen.”

1. Mose 4:7 Referans Kwoze

Jakobo 1:15

Te shunah ap maro shero, krah mer ko tchilatcho koowa. Un te was ko tchilatcho koowa baro, anell kowa menge o merepen.

Hebrearja 11:4

An o phuro tsiro patsas o Abel ap o Debleste, un maras leske i viecho. Har dikas o Dewel, hoi o Abel leske anas, dikas lo latches ap kowa. Jaake was o Abel an o tchatchepen tardo glan leste. Kowa, hoi leskro phraal, o Kain, o Debleske anas, kowa his gar jaake latcho glan o Debleskre jaka har kowa, hoi o Abel leske anas. Ninna te meras o Abel, sikrell men leskro djipen gomme kau diwes leskro patsepen.

Remarja 6:16

Tumer djinenna: Koon tumaro rai hi, ap koleste hunte shunenn. Koleskre budepangre han tumer. Te shunenn tumer ap o tchilatchepen, palle hi o tchilatchepen o rai pral tumende, un tumer merenna. Te shunenn tumer ap o Debleste, palle krell lo tumen tchatcho.

4. Mose 32:23

Te kamenn tumer kowa gar te krell, palle lenn i doosh ap tumende glan o baro Debleste. Un kowa dikenn tumer, te well koi phagi ap tumende.

Remarja 12:1

Mire phrala, o Dewel hi kamlo ap tumende. Doleske mangau tumen o tselo djijestar: Djiwenn tumaro djipen o Debleske, un wenn leske kokres koi, jaake te well o Dewel bachtelo pral tumende. Te djiwenn tumer jaake, sharenn tumer les. Un kowa hi tumari budi.

Maleachi 1:13

Un tumer penenn: ‘Dikenn, hawi budi hi men koleha! Ko well menge dran o nak win.’ Tumer anenn mange viechen, kai hi tchoredo, bango un nasselo. Penap me koi pre: ‘Kowa hi shukar, hoi tumer mange krenn’, penell o baro Dewel.

Gosewe laba 21:27

Kowa, hoi anenn i tchilatche o baro Debleske, hi djungeles glan leskre jaka. Har bud budeder, te krenn le kowa dran i tchilatcho dji.

Maleachi 1:10

‘Kamaus, te wals jek tumendar koi, kai krals o wudja an miro kheer pandles, te krenn tumer gar tchitcheske i jag ap miri chatchepaskri! Man hi doha tumendar’, penell o baro Dewel, ko rai pral o bolepen un i phub. ‘Un kol marede vieche, hoi mange anenn, hi mange gar mishto.’

Maleachi 1:8

Un anenn mange i viecho, hoi korelo, bango oder nasselo hi, un penenn tumenge: ‘Kowa hi kek djungelo koowa.’ Me penau tumenge: ‘Anenn sau viecho tumaro themeskro rajeske, un dikenn, hoi lo krell! Patsenn tumer, te dikell lo latches ap tumende?’ Ko penell o baro Dewel, ko rai pral o bolepen un i phub.

Remarja 14:18

Koon jaake djiwella, kowa sharell o Jesus Kristes. Ap leste dikell o Dewel latches. Un pash i menshende hi lo an-diklo.

Jeremia 6:20

Me putchau tchi pal o sungepaskro koowa dran o them Saba, un pal ko gudlo sungepaskro djet, hoi well dran i dur them. Kol vieche, hoi tumer mange chatchrenna, kamau me gar. Un ap kol vieche, hoi tumer mange marenna, dikau gar latches.

Gosewe laba 18:5

Hi gar mishto, te dell i tchatchepaskro mursh koles tchatchepen, kai i doosh ap peste anas, un shunell gar ap koleste, kai an o tchatchepen tardo hi.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

Remarja 15:16

Job bitchras man, te budrap o Jesus Kristeske un te djap pash kolende, kai kek bibolde hi, te sikrap len o Debleskro drom. Jaake hom har i rashai, kai anell kol menshen, kai kek bibolde hi, pash o Debleste. Un o Dewel dell len peskro Ducho, te wenn le leskro. Un job dikell latches ap lende.

Hiob 42:8

Kanna lenn efta terne gurma un efta bakre un djan pash o Hiob, un marenn kol viechen kote, un chatchrenn len mange! Un o Hiob, koles miro tchatcho wast hi, hunte mangell man tumenge. Ap koleste shunau un krau tumentsa gar, har hunte kroms. Tumer rakran gar o tchatchepen pral mande har job kras.”

1. Mose 3:16

Ap i romjate penas o Dewel: “Me kamau tuke phares te krell, te weh an wawar koowa. Dukentsa aneh tu tchawen ap i phub. Un tiro dji dell gole pal tiro romeste. Job hi pral tute o rai.”

1. Timoteo 5:4

Te hi kol djuwjen tchawe, tchawengre tchawe, hunte wenn kolla lenge koi. Jaake sikrenn jon, te patsenn le ap o Debleste. Un jon parkrenn pen pash pengri dai un pengri mami, hoi kolla lenge lauter kran. Kowa hi mishto glan o Debleskre jaka.

2. Samuel 24:23

Me dau tut kowa lauter.” Un o Arauna penas pale ap leste: “O baro Dewel, kai tiro Dewel hi, mu krell peskro dji tuke pre.”

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

1. Mose 19:21

“Mishto”, penas job ap o Loteste. “Me shunau ap tute an ko koowa. Me dau i menshen an ko foro gar mulo.

Hiob 29:4

har his man gomme miri tseli soor, un o Dewel miro maal his, un jak das ap miro kheer,

2. Rajengro liil 8:28

Un khetne o Ahabeskro tchaweha, o Jorameha, djas lo an o kurepen an o foro Ramot an o them Gilead, te kurell lo pes o baro rajeha pral o them Syria. Leskro lab his Hasael. Kol Syrarja dan o Jorames jaake,

Remarja 6:12

Mukenn gar o tchilatchepen o rai pral tumende te well! Tumer djinenn, kai well o diwes, kai hunte merenn. Ma krenn ko djungelo koowa, hoi an tumaro dji hi!

Hiob 11:14

Te kral tchilatchepen, muk tele kolestar, te well kek tchilatchepen an tiro kheer hatslo.

Hiob 11:15

Palle nai hidjreh tu tiro shero pre, un hunte ladjess gar. Palle hal soreles tardo un dareh tchi.

Jeremia 3:12

Dja koi un de kol laba gole ap kolende, kai djiwenn an o norden un pen: “Tu Israel, kai djal mandar krik, am pale”, penas o baro Dewel. Palle kamau buder gar chojedo ap tumende te dikell. Man hi i dji tumenge, un kamau gar hako tsiro chojedo te well ap tumende.

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.