1. Mose 32:30 - O Debleskro Drom 2021 (Sinte)

³⁰ Penas o Jakob ap leste: “Kanna pen mange tiro lab!” Penas job: “Hoske putcheh pal miro lab?” Un job penas ‘Atch o Debleha!’ ap o Jakobeste.

O Debleskro Lab 2024 (Sinte-Manouche)

³⁰ Penas o Yakob ap leste: “Kanna pen mange tiro lab!” Penas yob: “Hoske poučeh pal miro lab?” Oun yob penas Ač o Debleha! ap o Yakobeste.

1. Mose 32:30 Referans Kwoze

4. Mose 12:8

Jaake har rakrell i mensho i wawareha, rakrau me leha, an laba, kai lo mishto haiwella un gar an parmisse. Un job dikell man, o baro Debles, har hom. Hoske his tumen kek traash, te rakrenn djungeles pral o Mose, koles miro tchatcho wast hi?”

1. Mose 16:13

Koi putchas i Hagar pestar: “Dikom me tchatchepah o Debles, kai man dikell?” Un joi das o baro Debles, kai lah rakras, ko lab ‘Tu hal i Dewel, kai man dikell’.

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

5. Mose 5:24

un penan: “Dik, maro baro Dewel sikras men peskro railepen un barepen. Un mer shunam leskro rakepen dran i jag win. Kau diwes haiwam mer, te rakrell o baro Dewel i menshentsa, un o jon atchenn djides.

Johanni 1:18

Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.

Hebrearja 11:27

Dran peskro patsepen djas o Mose win dran o them Egiptia, un daras gar o baro rajestar pral o them Egiptia, te well job chojedo ap leste. Na-a. Job rikras jaake ap o Debleste, koles kek nai dikella, har te dikals les lo peskre jakentsa.

2. Timoteo 1:10

Kanna was o Jesus Kristo, te sikrell lo men o Debleskro latchepen. O Jesus Kristo las men dran o tchilatchepen win, un kras, te well o merepen buder kek soor pral mende. Job anas menge ko djipen, hoi atchella, har peskro latcho lab penella.

Efesarja 1:17

te dell lo tumen goswepen, te haiwenn tumer, har baro job hi. Job hi o Dewel maro rajestar, o Jesus Kristestar, un maro dad an o bolepen, o rai pral halauter.

2. Mose 33:14

O Dewel penas: “Me djau glan tute un anau tut an i them, kai tu khere hal.”

Kolossarja 1:15

Kek nai dikell o Debles. Har leskro tchawo ap i phub was, sikras job har o Dewel hi. O Jesus Kristo hi jaake har peskro dad. Un job hi bareder har lauter, hoi kerdo was.

Galatarja 1:6

Mange atchas o rakepen krik, har me shunom, kai tumer mukan jaake sik o Jesuseskro drom. O Dewel das tumen gole, te patsenn ap o Jesus Kristeste, kai his jaake latcho ap tumende. Un kanna shunenn tumer ap menshende, kai kamenn tumen ap i wawar drom te anell.

2. Korintarja 4:6

An o phuro tsiro, kai his halauter kali rat, penas o Dewel, te well diwes. Un koi was diwes. Jaake kras lo ninna mare djia pre, te atchas gar tamlo an mare djia, te haiwas mer o Debleskro railepen. Kowa dikah, te dikah ap o Jesus Kristeste.

2. Korintarja 3:18

Mer lauter, kai patslo ham, dikah o Debleskro railepen jaake mishto, har te dikah an i dikepaskri. Kek diklo hi ap mare jaka tchiddo. Un har mer dikah ap leste, wah mer bud un budeder jaake, har job hi. Kowa krell o Debleskro Ducho an mende.

1. Rajengro liil 12:25

Un o Jerobeam tchiwas o foro Sichem pale pre ap i berge Efrajim un djiwas kote. Palle djas lo kotar win un kras o foro Penuel sorleder.

Čačepangre 8:17

Un ko baro sorelo kheer an o foro Penuel phagas lo khetne. Un das i murshen an ko foro temerl.

Čačepangre 8:8

Un job mukas o foro pal peste, un djas pre an o foro Penuel. Un penas emlige laba ap kolende, kai kote djiwan. Kolla penan ninna kowa, hoi i mursha an o foro Sukkot penan.

5. Mose 34:10

An kek tsiro his an Israel i wawar Debleskro rakepaskro har o Mose, koleha o baro Dewel jak an jak rakras.

1. Mose 28:19

Un job das kol platsa ko lab ‘Betel’. Glan ko tsiro his o lab ko forestar ‘Lus’.

1. Korintarja 13:12

Kanna dikah o Debleskro koowa gar mishto. Mer dikah kowa jaake har an o phuro blendari. Jek diwes wella, kai dikah mer o Debles, har job hi. Lauter, hoi me kanna lestar djinau, hi tikne kotja. Well ko diwes, kai prindjrau les jaake, har job man prindjrella.

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”

1. Mose 35:9

Har o Jakob dran o them Paddan-Aram an o foro Betel was, mukas pes o Dewel pale lestar te dikell un rakras latche laba pral leste win.

Čačepangre 13:17

Un o Manoach penas ap leste: “Har khareh tu? Te well kowa jaake har tu les penal, palle kamah men pash tute te parkrell.”

Čačepangre 13:18

O bolepaskro o baro Deblestar penas ap leste: “Hoske putcheh tu pal miro lab? Kowa hi i lab, hoi well gar kharedo.”

Jesaja 9:5

I ternepen was menge boldo, i mursh tchawo was men dino. Kowa well i baro rai, un kharell: latcho rakepaskro, sorelo Dewel, dad-hako-tsireske, rai-kai-lell-o-kurepen-krik.