1. Mose 32:11 - O Debleskro Drom 2021 (Sinte)

¹¹ Me, tiro budepaskro, hom gar moldo, kai hal jaake latcho un kamlo ap mande. Har djom pral o pani Jordan, his man tchi har i kasht an o wast. Kanna hi man i bari familja un kal bud vieche, kai hi ap dui bare platse.

O Debleskro Lab 2024 (Sinte-Manouche)

¹¹ Me, tiro boudepaskro, hom gar moldo, kay hal yaake lačo oun kamlo ap mande. Har djom pral o pani Yordan, his man či har i kasht an o vast. Kanna hi man i bari familya oun kal boud firhe, kay hi ap douy bare platse.

1. Mose 32:11 Referans Kwoze

Gosewe laba 18:19

I phraal, kai dukedo was an peskro dji, mukell gar peha te rakrell, un hi pandlo har i foro, kai hi i soreli massuri trul leste. Un o tchingepen hi har ko kashteskro, hoi o foreskro wudar pandell.

Mateo 6:13

Ma muk men tiro dromestar tele te djal! Le men dran o bengeskro wast win!

Hosea 10:14

Doleske well i kurepaskri gole shunlo an tumaro them. Un tumare tsele sorele forja wenn khetne dine. Tumenge djal jaake har o foreske Bet-Arbeel, hoi das o rai Shalman paash an o kurepen, har wan i daja mulo dine khetne pengre tchawentsa.

Daniel 3:17

Maro Dewel, koles mer an-mangah, te kamell job, palle nai lell lo men win dran i bobeskri jag un dran tiro wast.

Debleskri gili 142:6

Baro Dewel, ap tute dau me gole, un penau tuke: Pash tute nai khatrau man. Tu hal kowa, hoi man an miro djipen hunte well.

Debleskri gili 119:134

Le man win dran i wasta kolendar, kai man tikno rikrenn, un me kamau kowa te krell, hoi tu menge penal.

Debleskri gili 43:1

Miro Dewel, kre te lap miro tchatchepen! Le miro koowa an tiro wast, un rake mange latches pash kol menshende, kai kamenn tchi tutar te djinell! Le man win dran o wast i chochenendar un tchilatchendar!

Debleskri gili 31:2

Baro Dewel, pash tute wau, te rikress tire wasta pral mande. Muk man gar tchitcheske pash tute te well! Tu hal latcho un tchatcho. Doleske le man dran i tchilatche wasta win!

Debleskri gili 25:20

Rike tiro wast pral miro djipen, un le man dran lengre wasta win! Muk man gar tchitcheske pash tute te well un ap tute te dikell!

Debleskri gili 16:1

I gili o Davidestar. Rike tiro wast pral mande, miro Dewel! Me tchiwau miro tselo patsepen ap tute.

1. Samuel 24:15

Kones leh tu, o baro rai pral o Israel, palla? Koneske tradeh tu palla? Man, kai hom har i mulo djuklo, tchi wawar har jek pushum!

1. Samuel 12:10

Koi dan le gole ap o baro Debleste, te well lo ap lengri rig, un penan: “Mer lam doosh ap mende, te djam krik tutar, baro Deblestar, un mangam kol deblen an, kai kharenna Baal un Astarte. Kanna le men win dran i wasta kolendar, kai men tele rikrenn. Palle wess tu kokres maro Dewel.”

1. Mose 27:41

Kol latche laba, hoi o Isaak pral o Jakobeste rakras, kran, te was o Esau chojedo ap o Jakobeste. Doleske penas o Esau ap peste: “Ko tsiro wella sik, kai rowenn le pral miro dadeskro merepen. Te hi lo mulo, dau miro phrales mulo.”

5. Mose 22:6

Te hatseh tu i tchirklengro kheer ap i ruk oder ap i phub, un i dai hi beshdo ap i tchawe oder ap i jare, palle less tu gar i dai khetne i tchawentsa.

1. Mose 27:42

Har i Rebekka shunas, hoi lakro phureder tchawo Esau kamell te krell, mukas li lakro terneder tchawes Jakob te kharell un penas ap leste: “Shun, tiro phraal Esau kamell tut mulo te dell.

1. Mose 32:3

Har o Jakob len dikas, penas lo: “Kate hi o Debleskri platsa.” Un das koi platsa ko lab: ‘Mahanajim’.

1. Mose 32:7

I mursha wan pale pash o Jakobeste un penan ap leste: “Mer hams pash tiro phraleste Esau. Job hi ap o drom te well lo pash tute. Star-sheel mursha hi pash leste.”

1. Mose 33:4

Koi nashas o Esau pash leste, las les trul i meen un tchumras les. Un hake dui rowan.

1. Mose 24:27

un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

2. Samuel 7:18

djas o baro rai David an o Debleskro plachteno kheer, tchiwas pes tele glan o baro Debleste un penas: “Baro Dewel, miro rai, koon hom me, un hoi hi miro kheer, kai tu kral jaake bud mange?