1. Mose 30:4 - O Debleskro Drom 2021 (Sinte)

⁴ Un joi das les lakri budepaskretsa Bilha, te well joi leskri romni. Un o Jakob djas pash late.

O Debleskro Lab 2024 (Sinte-Manouche)

⁴ Oun yoy das les lakri boudepaskretsa Bilha, te vell yoy leskri romni. Oun o Yakob djas pash late.

1. Mose 30:4 Referans Kwoze

2. Samuel 12:11

Jaake penell o baro Dewel: ‘Me mukau bibacht pral tute te well, hoi well dran tiri familja. Un kamau tire romjen tutar krik te lell glan tire jaka, un dau len i wawareste, te sowell kowa pash lende mashkral ap o diwes.

1. Mose 35:22

An ko tsiro har o Israel an ko them djiwas, djas o Ruben pash o Jakobeskri wawar romjate, i Bilha, un tchiwas pes pash late. Un o Jakob shunas kowa. O Jakobes his deesh-te-dui tchawe.

1. Mose 33:2

Un job tchiwas kol dui budepangre pengre tchawentsa glan i wawarende. Pal lende tchiwas lo i Lea pengre tchawentsa un pal kolate i Rachel un o Josef.

1. Mose 25:6

Un kol tchawen, kai leskre wawar romjendar bolde wan, das o Abraham kutch koowa pestar. An ko tsiro har job djiwas, bitchras lo len dur krik peskro tchawestar Isaak an ko them, hoi kote tchiddo hi, kai o kham pre-djala.

1. Mose 25:1

Un o Abraham las peske i newi romni. Lakro lab his Ketura.

1. Mose 22:24

Un les his ninna i wawar romni. Lakro lab his Rehuma. Koja las ninna tchawe. Kolengre laba hi: Tebach, Gaham, Tahash un Maacha.

1. Mose 21:10

Koi penas joi ap o Abrahameste: “Trade kol budepaskretsa peskro tchaweha krik, te lell lakro tchawo pal maro merepen tchi kolestar, hoi maro hi. Te lell o Isaak kokres halauter.”

1. Mose 16:2

Un i Sarai penas ap o Abrameste: “Tu dikeh, o baro Dewel das man kek tchawe. Le miri budepaskretsa, un dja lah khetne! Jaake nai well man latar i tchawo.” Un o Abram shunas ap peskri romjate.

1. Mose 30:5

Un i Bilha was an wawar koowa un anas o Jakobeske i tchawes ap i phub.

1. Mose 29:29

O Labanes his i wawar budepaskretsa. Koja kharas Bilha. Kolat das lo peskri tchate Rachel, te well li kanna lakri budepaskretsa.

1. Mose 46:25

Kolla his i tchawe un tchawengre tchawe o Jakobestar un i Bilha. I Bilha his koi budepaskretsa, kai o Laban peskri tchate Rachel das. Lauter khetne his jon efta tchawe un tchawengre tchawe.