1. Mose 30:14 - O Debleskro Drom 2021 (Sinte)

¹⁴ Ap ko tsiro, har anan le o djob dren, djas o Ruben win ap o them un hatsas kamlepaskre phabja, un anas len peskri dake Lea. Koi penas i Rachel ap i Lea: “De man dui, triin kamlepaskre phabja, hoi tiro tchawo hatsas!”

O Debleskro Lab 2024 (Sinte-Manouche)

¹⁴ Ap ko tsiro, har anan le o djob dren, djas o Ruben vin ap o them oun hatsas kamlepaskre phabya, oun anas len peskri dake Lea. Koy penas i Rachel ap i Lea: “De man douy, triin kamlepaskre phabya, hoy tiro čavo hatsas!”

1. Mose 30:14 Referans Kwoze

Kamlepaskri gili 7:13

Taissarlake nashah menge kote, kai i drakengre ruka tardo hi, te dikas, har wenn le senelo un hidjrenn blume, un har i phabjengre ruka tikne phabja hidjrenn. Kote dau tut miro kamlepen.

1. Mose 25:30

Koi penas o Esau ap o Jakobeste: “Muk man sik te chal ko lolo chapastar. Hom khino un man hi bari bok.” Doleske dan le les ko lab Edom.

1. Mose 30:15

“Hi tuke gar doha, te lal mange miro romes mandar krik”, penas i Lea. “Kanna kameh ninna i kamlepaskre phabja miro tchawestar mandar te lell?” Koi penas i Rachel: “Te deh man kolla, sowell o Jakob kai rati pash tute.”

1. Mose 30:16

O Jakob budras ap i hachetikri phub. Har job i rati khere was, djas i Lea o paash drom pash leste un penas: “Tu hunte wess kai rati pash mande. Me ginom tut un plaissrom mit kol kamlepaskre phabja miro tchawestar.” Un job sowas koi rati pash late.