1. Mose 3:3 - O Debleskro Drom 2021 (Sinte)

³ Kokres ko rukestar, hoi mashkral an i baar tardo hi, penas o Dewel ‘Ma chan kolestar, taprenn les gar an, te merenn gar!’”

O Debleskro Lab 2024 (Sinte-Manouche)

³ Kokres ko roukestar, hoy mashkral an i baar tardo hi, penas o Devel Ma rhan kolestar, taprenn les gar an, te merenn gar!”

1. Mose 3:3 Referans Kwoze

2. Korintarja 6:17

Doleske penell o Dewel: Djan kolendar krik, kai sharenn wawar koowa! Ma awenn lentsa khetne! Lenn tchi an tumare wasta, hoi hi pale-tchiddo glan mire jaka! Palle lau tumen kamles pash mande pre.

Hiob 1:11

Hoi hi, te leh tu lestar krik, hoi leskro hi? Tchatchepah palle praassell lo tut!”

1. Mose 20:6

Koi penas o Dewel ap leste an i suni: “Me djinau, kai djinal kowa gar. Me rikrom tut pale, te kress kek tchilatchepen glan mire jaka, un mukom gar, te tapress lat an.

Kolossarja 2:21

Ma taprenn kawa! Ma chan kowa! Ma lenn kowa an tumaro wast!

Hiob 19:21

Mire mala, krenn tumare djia mange pre! Awenn mange latches! O Debleskro wast das man!

Hiob 2:5

Hade tiro wast un tape leskre kokale un leskro mass an! Palle dikeh, te praassell lo tut glan hake menshende!”

1. Familjakro liil 16:22

“Lenn i wasta krik mire menshenge, kolen mange win rodom! Ma krenn tchilatchepen kolenge, kai mire rakepangre hi!”

1. Korintarja 7:1

Tumer putchan mandar an tumaro liil: “Wals mishto i mursheske, te romedinerals job gar?” Un koi pre penau me:

1. Mose 3:2

Koi penas i romni ap o sap: “Mer nai chah i rukendar an i baar.

1. Mose 3:4

Koi penas o sap ap i romjate: “Tchatchepah, tumer merenna gar.