1. Mose 3:10 - O Debleskro Drom 2021 (Sinte)

¹⁰ Penas o rom: “Me shunom, kai hal an i baar. Un man his traash. Me hom nango. Koi khatrom man.”

O Debleskro Lab 2024 (Sinte-Manouche)

¹⁰ Penas o rom: “Me shounom, kay hal an i baar. Oun man his traash. Me hom nango. Koy khatrom man.”

1. Mose 3:10 Referans Kwoze

1. Mose 2:25

Un jon dui, o rom un peskri romni, his nango. Un jon ladjan gar.

Jesaja 57:11

Konestar trashal un daral tu jaake, te chochral man un bistral man, un mukal man tuke gar an o shero te well? Hi kowa gar jaake: I rah tsiro penom tchi koi pral. Un doleske dareh buder gar mandar.

Jesaja 47:3

Tu well diklo, har djal nanges, un ladj well ap tute. Kanna dau me tut ko tselo tchilatchepen pale, hoi kral. Un kek nai rikrell man pale.

Debleskri gili 119:120

Tutar darau jaake, te trissau. Tu deh i phagi kolen, kai shunan gar ap tute.

1. Johanni 3:20

Ninna te penell menge maro dji: “Tu djiwal gar jaake, har hunte wess,” palle hi o Dewel bareder har maro dji, un djinell lauter.

Hiob 23:15

Doleske taprell man i traash glan leste. Te well kowa mange an o shero, darau soreles lestar.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

Jesaja 33:14

Ap i berga Zion lenn kolla traash, kai doosh ap pende hi. Halauter trissenna, kai o Debles bistran, un penenn kanna: Kek mendar nai atchell tardo pash i jag, hoi lauter pre chatchrell. Kek mendar nai rikrell kowa win pash koi jag, hoi chatchell hako tsiro har koi jag ap o Debleskri chatchepaskri.

Debleskro tsiro 16:15

Un i triin benga anan len khetne an i them, hoi kharella ap hebretikes: Harmagedon. Kanna shunenn, hoi o Jesus Kristo penella! Job penella: “Me wau har i tchorepaskro. Bachtelo hi kowa, kai jak della, un gar sowella, un leskre koola ap leste hi, jaake te hi lo gar nango un ladjella.”

2. Mose 32:25

O Mose dikas, kai i Israelitarja bi-pandle wan. O Aron mukas len te krell, hoi jon kaman. Jon kran pen sapaske kolenge, kai kamenn pen lentsa te kurell.

1. Mose 3:7

Koi djan lenge i jaka pre. Un jon haiwan, kai jon nango hi. Un jon pandan patria khetne i faigetikro rukestar un kran penge ripja.

1. Mose 3:11

Un o Dewel putchas lestar: “Koon penas tuke, te hal nango? Chal tu ko rukestar, kai penom tuke soreles, te chas gar lestar?”

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

2. Mose 20:19

Un jon penan ap o Moseste: “Rake tu mentsa, un mer kamah kowa te shunell un krell, hoi tu peneh. Mer kamah gar, te rakrell o Dewel mentsa, te meras gar.”

5. Mose 5:25

Un kanna, hoske meras mer? Kai bari jag chal men pre. Te shunah mer o rakepen maro baro Deblestar gomme dureder, palle merah mer.

Hiob 31:33

An kek tsiro kamom miri doosh te khatrell, har wawar menshe krenn.