1. Mose 3:1 - O Debleskro Drom 2021 (Sinte)

¹ O sap his gosweder har i tsele wawar vieche, hoi kras o baro Dewel, maro rai. Un o sap penas ap i romjate: “Penas o Dewel tchatchepah, te hunte chan gar i rukendar an i baar?”

O Debleskro Lab 2024 (Sinte-Manouche)

¹ O sap his gosveder har i tsele vavar firhe, hoy kras o baro Devel, maro ray. Oun o sap penas ap i romyate: “Penas o Devel čačepah, te hounte rhan gar i roukendar an i baar?”

1. Mose 3:1 Referans Kwoze

2. Korintarja 11:3

Me darau, te was wawar koowa an tumaro shero, un tumer djiwenn buder gar djudjes un kokres o Jesus Kristeske. Me darau, te djas tumenge har i Evake, har o gosewo sap chochras lat, un joi mukas o tchatcho drom.

2. Korintarja 11:14

Pral kolende hunte krenn tumer kek bare jaka. Ninna o beng krell jaake, har te wals lo o Debleskro bolepaskro.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Debleskro tsiro 20:2

Un job tapras ko baro lolo sap, kowa hi ko phuro sap, hoi kharella ninna Beng un Satan, un pandas les, un witsras les an o telstunepen, te atchell lo kote jek sero (1.000) bersh pandlo. Un o bolepaskro pandas i wudar tele, hoi anell an o telstunepen, jaake te krell kek o telstunepen pale pre. Un an ko sero bersh nai anell o beng i menshen buder gar o Debleskro dromestar tele. Pal ko tsiro hunte well lo i tikno tsiro win muklo.

Mateo 4:3

Koi was o beng pash leste, un penas: “Te hal tu o Debleskro tchawo, rake ap kol barra, te well lendar maro!”

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Mateo 4:6

un penas ap leste: “Te hal tu o Debleskro tchawo, muk tut tele te perell! An o Debleskro lab hi tchinlo: O Dewel penas ap peskre bolepangre, te hidjrenn le tut lengre wastentsa, te dukreh tu tire pire gar ap i barra.”

Jesaja 27:1

Ap ko diwes lell o baro Dewel peskro baro sorelo charo, hoi jaake mishto tchinell, un dell o sapes mulo, hoi kharell Leviatan, awa, ko baro panjeskro sap, hoi ap o naashepen hi un mukell pes gar te taprell.

Sikepaskro 4:10

Te perell jek, hadell les ko wawar pre. Har djungeles djal koleske, kai kokres hi, un perella! Palle hi kek wawar koi, kai hadell les pre.

Mateo 4:9

un penas: “Kawa lauter kamau tut te dell, te pereh tu glan mande tele, un mangeh man an.”

1. Petro 3:7

Murshale, djiwenn tumare romjentsa latches khetne! Jon hi gar jaake sorelo har tumer. Awenn latches ap lende! Ma bistrenn, i djuwja lenn o Debleskro djipen har tumer! Te djiwenn tumer jaake, palle well tchi mashkral tumende tardo ap ko tsiro, kai rakrenn o Debleha.

Debleskro tsiro 12:15

Un ko sap kras peskro mui pre, un tchungras bud sorelo pani pal koi djuwjate win, te tassell li an ko pani.