1. Mose 28:22 - O Debleskro Drom 2021 (Sinte)

²² Un kau bar, hoi tchiwom pre, kowa mu well i Debleskro kheer. Un halauterestar, hoi tu man deh, dau me tut o deshto kotar pale.”

O Debleskro Lab 2024 (Sinte-Manouche)

²² Oun kava bar, hoy čivom pre, kova mou vell i Debleskro kheer. Oun halauterestar, hoy tou man deh, dau me tout o deshto kotar pale.”

1. Mose 28:22 Referans Kwoze

1. Mose 35:7

Har o Jakob peskro phralestar krik nashas, mukas pes o Dewel kote lestar te dikell. Doleske kras job kote i chatchepaskri o Debleske, kai wenn vieche leske chatchedo. Un das koi platsa ko lab ‘El-Betel’.

1. Mose 14:20

Un sharedo well o Dewel pral halauter, kai das kolen an tire wasta, kai tuha kuran pen.” Un o Abram das les o deshto kotar halauterestar, hoi job pale anas.

1. Mose 35:1

Un o Dewel penas ap o Jakobeste: “Kre tut ap o drom, dja an o foro Betel! Atch kote un kre kote i chatchepaskri, te chatchress mange viechen. Me hom ko Dewel, kai mukas pes tutar te dikell, har tu tiro phralestar Esau krik nashal.”

1. Mose 33:20

Kote kras o Jakob i chatchepaskri o Debleske, te wenn vieche leske chatchedo, un das koi chatchepaskri ko lab ‘O Dewel hi o Israeleskro Dewel’.

1. Mose 28:17

Un job daras un penas: “Har darenes hi kai platsa, – hi tchatchepah o Debleskro kheer un o wudar an o bolepen.”

1. Mose 12:8

Kotar djas o Abram dureder an i berge pash o foro Betel. Mank kol forja Betel un Ai tchiwas job peskro plachteno kheer pre. Ko foro Betel hi tchiddo ap koi rig, kai o kham tele djala. Un o foro Ai hi tchiddo ap koi rig, kai o kham pre djala. Kote kras job pale i chatchepaskri o baro Debleske, kai wenn vieche leske chatchedo, un kharas o baro Debles an.

1. Mose 21:33

O Abraham tchiwas i ruk an i phub an Beersheba. Un kote mangas job o baro Debles an, ko Debles, kai hako tsiro koi hi.

1. Mose 47:24

Un te hi tumen newo djob, denn o pantchto kotar o baro rajeste! Kol wawar star kotja mu atchenn tumenge, jaake te hi tumen doha, kai nai witsrenn an i phub. Ninna hi tumen chapaske tumenge un tumare tchawenge, un kolenge, kai djiwenn an tumare khera.”

1. Mose 47:26

Jaake rakras o Josef i lab, hoi hunte rikrenn le: I tsele menshen an o them Egiptia hunte denn o pantchto kotar o baro rajeste. O rashajengro them las o baro rai gar. Jaake hi kowa gomme kau diwes.

Maleachi 3:10

Anenn o deshto kotar halauterestar, hoi dren lan, an miro kheer, te well doha chapen an miro kheer. Un dikenn, hoi me palle tumenge krau: Me krau miri wochni an o bolepen pre, un dau tumen bud latcho koowa, budeder har tumen hunte well. Ko penell o baro Dewel, ko rai pral o bolepen un i phub.