1. Mose 27:41 - O Debleskro Drom 2021 (Sinte)

⁴¹ Kol latche laba, hoi o Isaak pral o Jakobeste rakras, kran, te was o Esau chojedo ap o Jakobeste. Doleske penas o Esau ap peste: “Ko tsiro wella sik, kai rowenn le pral miro dadeskro merepen. Te hi lo mulo, dau miro phrales mulo.”

O Debleskro Lab 2024 (Sinte-Manouche)

⁴¹ Kol lače laba, hoy o Isaak pral o Yakobeste rakras, kran, te vas o Esau rhoyedo ap o Yakobeste. Doleske penas o Esau ap peste: “Ko tsiro vella sik, kay rovenn le pral miro dadeskro merepen. Te hi lo moulo, dau miro phrales moulo.”

1. Mose 27:41 Referans Kwoze

1. Mose 37:4

Har leskre phrala dikan, kai lengro dad les budeder kamas har len, wan le tchilatcho ap pengro phraleste un rakran nai buder gar latches leha.

Sikepaskro 7:9

De garda te wess gar sik chojedo! Koon choirell pes pral halauter, hi dinelo.

Gosewe laba 6:14

An peskro dji hidjrell lo tchilatchepen, un hako tsiro anell lo tchingepen.

1. Mose 37:8

Koi penan leskre phrala ap leste: “Kameh te wess rai pral mende? Kameh tchatchepah te wess o pralstuno mendar?” Un jon his leske budeder tchilatcho pral leskri suni un leskro rakepen.

1. Mose 32:6

Man hi grumja un burike, bakre un busja, un budepangre: mursha un djuwja. Bitchrau kal murshen, te penenn le kowa tuke, miro rajeske, te wess latcho ap mande.’”

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

Ezekiel 35:5

O tselo tsiro hals ap tchingepen un marepen win kol Israelentsa. Un tu phukral len un dal len an i wasta kolendar, kai maran len, an ko tsiro har bari bibacht pral lende was, un me lenge lengri phagi dom.

Gosewe laba 1:16

Jon denn an i herja, te krenn le tchilatchepen. Sik nashenn le, te marenn le menshen.

Debleskri gili 142:3

Leske penau lauter, hoi ap miro dji hi, un mukau les te djinell, hoi mange phares hi.

Debleskri gili 37:16

Ko tikno brawlepen, hoi koleskro hi, kai an o tchatchepen tardo hi, hi feteder har ko baro brawlepen bud tchilatchendar.

Debleskri gili 35:14

har te wals lo miro maal un phraal. Mange was ropaske jaake har te wals lo miri dai.

2. Familjakro liil 35:24

Un leskre mursha hadan les leskro wurdin tele, tchiwan les ap i wawar wurdin, un anan les an o foro Jerusalem. Un job meras un was paskedo an o mulengro kheer, kai peskre phure paskedo his. Un i menshe an o tselo them Juda un an o foro Jerusalem rowan pral o Josia.

5. Mose 34:8

Un i Israelitarja rowan pral o Mose trijanda (30) diwessa an o telstuno them Moab. Jaake rah djas o ropaskro tsiro o Moseske.

1. Mose 35:29

Un job meras un was paskedo. Les his i lengsto djipen un meras an o mishto phurepen. Un leskre tchawe, o Esau un o Jakob, paskran les.

1. Mose 32:11

Me, tiro budepaskro, hom gar moldo, kai hal jaake latcho un kamlo ap mande. Har djom pral o pani Jordan, his man tchi har i kasht an o wast. Kanna hi man i bari familja un kal bud vieche, kai hi ap dui bare platse.

1. Mose 27:42

Har i Rebekka shunas, hoi lakro phureder tchawo Esau kamell te krell, mukas li lakro terneder tchawes Jakob te kharell un penas ap leste: “Shun, tiro phraal Esau kamell tut mulo te dell.

1. Mose 32:3

Har o Jakob len dikas, penas lo: “Kate hi o Debleskri platsa.” Un das koi platsa ko lab: ‘Mahanajim’.

1. Mose 50:2

Un job penas ap i dramangre, kai leske budran, te makenn le leskro dades kutch djeteha dren. Un kol dramangre makan o Israel kutch djeteha dren.

1. Mose 37:18

Har i phrala dikan, kai o Josef wella, lan jon penge glan, te denn le les mulo.

1. Mose 50:15

Har o Josefeskre phrala dikan, kai lengro dad mulo his, penan le: “Hoi krah mer, te hi o Josef menge tchilatcho un dell men o tchilatchepen pale, hoi mer ap leste kram?”

Gosewe laba 18:19

I phraal, kai dukedo was an peskro dji, mukell gar peha te rakrell, un hi pandlo har i foro, kai hi i soreli massuri trul leste. Un o tchingepen hi har ko kashteskro, hoi o foreskro wudar pandell.