1. Mose 27:4 - O Debleskro Drom 2021 (Sinte)

⁴ Un kre mange i latcho chapen, jaake har me kowa kamau. Un an les mange, te chap un te rakrap nai glan miro merepen o Debleskri bacht pral tute win.”

O Debleskro Lab 2024 (Sinte-Manouche)

⁴ Oun kre mange i lačo rhapen, yaake har me kova kamau. Oun an les mange, te rhap oun te rakrap nay glan miro merepen o Debleskri barht pral toute vin.”

1. Mose 27:4 Referans Kwoze

Hebrearja 11:20

Ninna o Isaak patsas, te well kowa tchatcho, hoi o Dewel penas. Un o Isaak tchiwas peskre wasta ap peskre tchawende, ap o Jakob un ap o Esau, un rakras i bacht pral lende win, hoi o Dewel len della an ko tsiro, hoi wella.

1. Mose 48:9

Un o Josef penas peskro dadeske: “Kolla hi mire tchawe, kai o Dewel das man kai.” “An len pash mande”, penas o Jakob, “te rakrap o Debleskri bacht pral lende win.”

1. Mose 49:28

Kolla lauter hi i deesh-te-dui bare familje, hoi wenna o Israeleskre deesh-te-dui tchawendar. Kol labentsa penas lenge lengro dad, har lenge djala an ko tsiro, kai wella. Hakeneske his les i wawar lab.

1. Mose 27:25

Kanna penas o Isaak: “Miro tchawo, an mange ko chapen, te chap ko massestar, hoi anal mange, jaake te rakrap nai o Debleskri bacht pral tute win.” Un o Jakob anas kowa leske, te chal lo. Un job chas. Un anas leske ninna mool, te pijell lo. Un job pijas.

Louka 24:51

Un har job jaake rakras, djas lo lendar un was pral an o bolepen hadedo.

Louka 2:34

Un o Simeon rakras o Debleskri bacht pral lende win un penas ap i Mariate: “Pral kau tchaweste choirenn pen bud menshe an o them Israel. Ap leste sikrell pes, koon djal ap o Debleskro drom, un koon perell o Debleskro dromestar tele.

Josua 22:6

Un o Josua rakras o Debleskri bacht pral lende win, un penas: “Atchenn o Debleha.” Un jon djan khere.

Josua 14:13

Kote rakras o Josua o Debleskri bacht pral o Kaleb win, koleskro dad o Jefunne his, un das les o foro Hebron, te well lo leskro.

1. Mose 27:7

‘An mange i vieches, un kre mange i latcho chapen, te chap un te rakrap o baro Debleskri bacht pral tute win glan miro merepen.’”

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 27:31

Un job kras ninna i latcho chapen, anas les peskro dadeske un penas ap leste: “Miro dad, ste pre un cha ko massestar, hoi anom tuke, jaake kai nashte rakress o Debleskri bacht pral mande win!”

1. Mose 27:27

Koi was o Jakob pash leste un tchumras les. Koi sungas job leskre koola un rakras o Debleskri bacht pral leste win un penas: Dik, o sungepen miro tchawestar hi har ko sungepen i phubjatar, kai o baro Dewel tchiwas peskri soor pre.

1. Mose 27:23

Job prindjras les gar. Ap leskre mussja his bud balla har ap i mussja leskro phralestar Esau.

1. Mose 24:60

Un jon rakran i bacht pral late win un penan: “Tu, mari pheen, tutar te wenna bud serja menshe: serja kope deesh-serja! Mu wenn tire tchawe rai pral kolende, kai kurenn pen lentsa, te lenn le kolengre forja krik!”

1. Mose 14:19

Un job sharas o Abrames un penas: “Tu, Abram, ap tute hi tchiddo i soor un i bacht ko Deblestar, kai hi o Dewel pral halauter un kras o bolepen un i phub.

1. Mose 27:5

Har o Isaak peskro tchaweha Esau rakras, shunas i Rebekka kowa. Un o Esau djas win, te dell lo i vieches karje, te anell lo kowa khere.

1. Mose 27:9

Dja pash i viechende un an mange dui latche terne busja. Kolendar kamau i latcho chapen tiro dadeske te krell, jaake har job kowa kamella.

1. Mose 27:14

Un job djas, las dui busja un anas len peskri dake. Un joi kras i latcho chapen, jaake har leskro dad kowa kamas.

1. Mose 27:17

Un joi das peskro tchaweste Jakob ko latcho chapen un ko maro, hoi joi kras.

1. Mose 27:19

Koi penas o Jakob ap peskro dadeste: “Me hom o Esau, tiro phureder tchawo. Me krom, hoi tu mange penal. Ste kanna pre un besh tut un cha ko mass, hoi anom tuke, jaake te rakress nai o Debleskri bacht pral mande win.”