1. Mose 26:14 - O Debleskro Drom 2021 (Sinte)

¹⁴ bud bakre, busja, grumja un budepangre. Un i Filistarja dikan tchilatche jakentsa ap leskro brawlepen.

O Debleskro Lab 2024 (Sinte-Manouche)

¹⁴ boud bakre, bouzya, groumya oun boudepangre. Oun i Filistarya dikan čilače yakentsa ap leskro bravlepen.

1. Mose 26:14 Referans Kwoze

1. Mose 37:11

Un leskre phrala dikan tchilatche jakentsa ap leste. Leskro dad rikras kol laba an peskro dji.

Sikepaskro 4:4

Un me dikom, har marenn pen i menshe tele un krenn latchi budi, te wenn le feteder har kol wawar, jaake te silwerenn kolla ap lende. Kowa hi ninna tchi-moldo, un jaake har te nashals jek pal o ducho, hoi djal pral i phub.

Gosewe laba 27:4

I choli hi diwjo un sorelo har i sorelo pani, hoi lauter peha krik tserdell. Koon nai atchell tardo te silwerell i mursh?

Gosewe laba 10:22

Te tchiwell o baro Dewel peskri bacht ap tute, weh tu brawelo. Un kowa, hoi tu koi pashel kreh, hi tchitcheske.

Debleskri gili 112:3

Lengre familje wenn brawelo. Len hi lauter, hoi len hunte well djipaske. Un lengro tchatchepen atchell hako tsireske.

Hiob 42:12

Un o baro Dewel tchiwas budeder bacht ap o Hiob har glan kowa. Un job las 14.000 (deesh-te-star-serja) bakre un 6.000 (shob-serja) khamele un 2.000 (dui serja) grumja un 1.000 (jek sero) burike.

Hiob 5:2

Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

Hiob 1:3

Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.

1. Samuel 18:9

Pal ko diwes un an ko tsiro, hoi was, dikas job tchilatche jakentsa ap o Davideste.

1. Mose 13:2

O Abram his brawelo: Les his bud vieche, rup un sonakai.

1. Mose 12:16

Un doleske kras o baro rai o Abrameske latchepen. Un o Abram las bakre, grumja, burike, khamele un budepangre: mursha un djuwja.

Debleskri gili 112:10

O tchilatcho dikell kowa un choirell pes. I choljatar dandrell lo i danda khetne. Job merell, un kowa, hoi kamas lo te krell, hi tchitcheske.

1. Mose 24:35

O baro Dewel tchiwas bari soor un bud bacht ap miro rai. Jaake was job brawelo. O Dewel das les bakre un grumja, rup un sonakai, budepangre: mursha un djuwja, ninna khamele un burike.

1. Mose 25:5

Un o Abraham das halauter, hoi leskro hi, o Isaakeste.

1. Mose 30:43

Jaake was o Jakob hako diwes brawleder. Un les his bud vieche un budepangre: djuwja un mursha. Ninna bud khamele un burike his les.