1. Mose 24:60 - O Debleskro Drom 2021 (Sinte)

⁶⁰ Un jon rakran i bacht pral late win un penan: “Tu, mari pheen, tutar te wenna bud serja menshe: serja kope deesh-serja! Mu wenn tire tchawe rai pral kolende, kai kurenn pen lentsa, te lenn le kolengre forja krik!”

O Debleskro Lab 2024 (Sinte-Manouche)

⁶⁰ Oun yon rakran i barht pral late vin oun penan: “Tou, mari pheen, toutar te venna boud zerya menshe: zerya kope deesh-zerya! Mou venn tire čave ray pral kolende, kay kourenn pen lentsa, te lenn le kolengre forya krik!”

1. Mose 24:60 Referans Kwoze

1. Mose 17:16

Un me tchiwau miri soor un miri bacht ap late. Un ninna latar dau tut i tchawes. Awa, me tchiwau miri soor ap late. Joi well i dai bud menshendar. Latar wenna jaake bud menshe, kai lendar natsjone wenna. Ninna bare raja pral bud menshende wenna latar.”

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 9:1

Un o Dewel rakras latche laba pral o Noah un pral leskre tchawende win un penas: “Anenn bud tchawen ap i phub, te well i phub tumendar pherdo!

1. Mose 1:28

Un o Dewel rakras latche laba pral lende win un penas: “Anenn bud tchawen ap i phub, te well i phub tumendar pherdo! Un awenn rai pral i phub! Awenn rai pral i matchende an o baro pani, pral i tchirklende an o bolepen, un pral hake viechende, hoi ap i phub hi!”

3. Mose 25:46

Kolen nai denn ap tumare tchawende dureder, te wenn le lengro pal tumaro merepen. Jon atchenn lengre ginle budepangre jaake rah har djiwenn le. Tire phrala, kol wawar Israelitarja, pral kolende hunte wess gar sorjah rai.

1. Mose 48:20

Jaake rakras o Israel ap ko diwes o Debleskri bacht win pral kol tchawende un penas: “Tumare labentsa sharenn pen i menshe an Israel. Jon penenna: O Dewel mu krell tut har o Efrajim un o Manasse!” Jaake tchiwas o Israel o Efrajimes glan o Manasse.

Daniel 7:10

Un i lengsti jag das lestar karje win. Un leske budran serja kope serja. Un deesh-serja kope deesh-serja his glan leste tardo. Un i tchatchepangre raja beshan pen, un i lila wan pre kerdo.

5. Mose 21:19

palle hunte anenn o dad un i dai les pash i phurende an ko foro ap i platsa, kai wenn le khetne.

1. Mose 14:19

Un job sharas o Abrames un penas: “Tu, Abram, ap tute hi tchiddo i soor un i bacht ko Deblestar, kai hi o Dewel pral halauter un kras o bolepen un i phub.

1. Mose 24:61

Un i Rebekka un kol djuwja, kai budrenn lake, stan pre, beshan pen ap i khamele, un djan ko mursheha. Jaake las ko budepaskro i Rebekka peha.

1. Mose 32:1

Taissarlakro stas o Laban pre, tchumras peskre tchengre tchawen un peskre tchen un penas ap lende: “Atchenn miro Debleha!” Un djas khere.

Jeremia 29:6

Romedinerenn un lenn tchawen! Lenn romjen tumare mursh tchawenge, un rodenn tumare tchenge murshen, te romedinerenn le, un anenn tchawen un tchen ap i phub! Awenn bud un gar tikneder!