1. Mose 23:16 - O Debleskro Drom 2021 (Sinte)

¹⁶ Un o Abraham das o Efrones kol lowe, hoi jon glan i Hetarja win kran: star-sheel rupene beme. Jek bema his jaake pharo har jek bema pash i parepangre pharo his.

O Debleskro Lab 2024 (Sinte-Manouche)

¹⁶ Oun o Abraham das o Efrones kol love, hoy yon glan i Hetarya vin kran: star-sheel roupene beme. Yek bema his yaake pharo har yek bema pash i parepangre pharo his.

1. Mose 23:16 Referans Kwoze

Zakarie 11:12

Un me penom ap lende: “Hi tumenge mishto, te denn man lowe miri budjake, palle denn man miro plaissepen. Hi kowa tumenge gar mishto, mukenn les!” Un jon dan man trijanda rupene beme, te plaissrenn le man.

Jeremia 32:9

Kote ginom ko kotar them an Anatot miro nebudestar, o Hanamel, un plaissrom leske deesh-te-efta rupene kotja koleske.

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

Filiparja 4:8

Pale penau tumenge, mire phrala, rakrenn pral kowa, hoi latcho un tchatcho hi, hoi djudjo hi, hoi kamlo hi, hoi mishto hi pash i menshende! Awa, rakrenn pral lauter kowa, hoi shukar hi un well sharedo!

Remarja 13:8

Te hi tumen i sijaan pash jekeste, ma atchenn an koi sijaan: Plaissrenn lat pale! Jek koowa nai krenn tumer gar doha: Te kamell jek o wawares o tselo djijestar! Koon kowa kras, kras kowa, hoi o Dewel lestar kamella.

Mateo 7:12

Lauter, hoi tumer kamenna, te krenn i menshe tumenge, kowa krenn tumer lenge ninna! Te krenn tumer kowa, jaake krenn tumer lauter kowa, hoi o Mose un i Debleskre rakepangre penan.

Ezekiel 45:12

Un kol barra, hoi sikrenn har pharo tchomone hi, hunte sikrenn o tchatcho pharepen.

Hiob 28:15

I menshe nai ginenn gar o goswepen, nai denn kek rup witar kek sonakai, te plaissrenn le leske.

2. Mose 30:13

Hako mursh, kai hi biish bersh un phureder, kowa dell man i paash kotar rup. Ko paash rupeno kotar hunte well jaake pharo har kolla an o Debleskro kheer: shob gramme pharo.

1. Mose 43:21

Har mer pale djam, kram mare gone pre kote, kai atcham pral i rati. Un hakeno mendar hatsas peskre lowe an o gono, jaake bud, har plaissram. Kanna anam mer kal lowe pale pale.

1. Mose 23:15

“Miro rai, shun ap mande! Hoi hi i kotar them mange un tuke, hoi molella star-sheel rupene beme? Kowa hi tchi! Paske tiri romjat kote!”

Bičepangre 7:16

Un lengre tchawe anan len an o them Kanaan un paskran len an o foro Sichem ap ko kotar phub, hoi ginas o Abraham kol menshendar, kolengro phuro dad o Hamor his.

1. Mose 49:29

Un o Jakob penas soreles ap lende: “Te wau me paskedo, paskrenn man pash mire phurende an koi grotta, hoi hi ap ko kotar phub, hoi o Hetares Efron his.

1. Mose 50:13

Jon anan les an o them Kanaan un paskran les an i grotta ap ko kotar phub pash Mamre, hoi kharella Machpela. Ko kotar phub ginas o Abraham fun o Hetari, o Efron, te well kote leskri familja paskedo.

2. Samuel 14:26

Leskre balla his jaake pharo, te mukas lo len hako bersh jek kopo te tchinell. Palle his leskro tele-tchinlo bal pantch funto pharo. Jek funto his jaake bud har jek funto an o baro rajeskro kheer phares his.

Jeremia 32:10

Un me tchinom i ginepaskro liil, un tchinom les jek kopo tele. Un ko jek liil pandom, un tchiwom miro sikepen koi pre, un lom mange murshen pashel, kai dikan halauter, un tchiwom kol lowe ap i waga, te well kowa lauter pal o tchatchepen kerdo. Un me lom ko pandlo ginepaskro liil, un ko liil, hoi gar pandlo hi,

2. Samuel 24:24

Un o baro rai penas ap o Arauna: “Jaake djal gar. Tchatchepah, me kamau tutar kowa tele ginell, un plaissrau, hoi ko koowa molella. Me kamau o baro Debleske tchi te chatchrell, hoi lom tchitcheske.” Jaake ginas o David ko kotar them un kol grumja un plaissras paash-sheel rupene kotja.