1. Mose 22:12 - O Debleskro Drom 2021 (Sinte)

¹² Penas o bolepaskro: “Tape kol tchawes gar an! Un kre les tchi! Kanna djinau me, kai shuneh o tselo djijeha ap o Debleste un kreh, hoi job penell. Tu rikral tiro jek tchawes mandar gar pale.”

O Debleskro Lab 2024 (Sinte-Manouche)

¹² Penas o bolepaskro: “Tape kol čaves gar an! Oun kre les či! Kanna djinau me, kay shouneh o tselo djiyeha ap o Debleste oun kreh, hoy yob penell. Tou rikral tiro yek čaves mandar gar pale.”

1. Mose 22:12 Referans Kwoze

Jakobo 2:18

Kanna nai well jek, kai penella: “Jekes hi patsepen un i wawar krell latcho koowa.” Koleske penau me: Sike mande o patsepen kolestar, kai krell kek latcho koowa. Miro patsepen sikrau tute dran kowa, hoi me krau.

1. Samuel 15:22

O Samuel penas: “Hoi patseh, hi shukar o baro Debleske: Vieche, hoi leske maredo wenn, sawe hoi leske tseles chatchedo wenn un sawe, kolengre feteder kotja mass leske chatchedo wenn? Kamell lo gar budeder, te shunell jek ap kowa, hoi lo penell? Djin, te shuneh tu ap o baro Debleste, hi kowa leske feteder, har te deh les viechen. Te shuneh tu mishto ap leste, hi kowa feteder, har te deh les thulle kotja i bakrestar.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

1. Korintarja 10:13

Della sawo koowa, hoi kamell tumen o Debleskro dromestar tele te anell. Dikenn, sawo koowa was ninna ap wawar menshende. Te well pharo koowa ap tumende, dell o Dewel tumen koi soor, te nai hidjrenn kowa. Job hatsell i drom, te wenn pale kote win.

Mateo 19:29

Un hakeno, kai mukas peskro kheer, peskre phralen, peskre phenjen, peskro dades, peskri dat, peskre tchawen un peskro kotar them, te djal lo mantsa, kowa lell sheel kope pale, hoi job mukas. Un o Dewel dell les o djipen, hoi gar pre-herella.

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

1. Mose 22:2

Penas o Dewel: “Le tiro jek tchawes, koles, kai tu o djijestar kameh, o Isaakes. Un dja leha an ko them Morija ap koi berga, hoi me tuke penau! Un mare un chatch les mange kote!”

Johanni 3:16

O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.

Debleskri gili 147:11

O baro Debleske hi kolla shukar, kai leha djiwenna un ap leste dikenna, te well lo lenge latches.

Debleskri gili 25:12

Hoi hi ko mursheha, kai djiwell o baro Debleha? Koleste sikrell lo hawo drom job te djal.

Remarja 5:8

O Dewel sikras, har baro leskro kamlepen menge hi, har meras o Jesus Kristo menge, har mer gomme tchilatche hams.

2. Korintarja 8:12

Te dell jek o djijestar jaake bud har nai dell lo, dikell o Dewel latches ap leste. Job kamell gar, te dell lo budeder, har les hi.

Bičepangre 9:31

I patsle an i themma Judea, Galilea un Samaria, kolen his kanna i latcho tsiro, kek las len buder palla. Un o Debleskro Ducho kras len soreles an o patsepen. Un jon shunan ap o Debleste un bud un budeder menshe wan patslo.

Gosewe laba 1:7

Glan halauter hunte djiwess o baro Debleha, te kameh gosewo te well. Koneske o goswepen tchi moldo hi, un koon kamell tchi te djinell, hi dinelo.

Debleskri gili 25:14

O baro Dewel hi o maal kolenge, kai djiwenn leha, un lende sikrell lo, te hi lo lengro Dewel un jon peskre menshe.

2. Mose 20:20

Koi penas o Mose: “Ma darenn! O Dewel was, te dikell lo, te krenn tumer, hoi job tumenge penas. Job kamell te shunenn ap leste un krenn kek tchilatcho koowa.”

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

Jeremia 19:5

Un ko chocheno debleske, hoi kharell Baal, kran le chatchepaskre platse, te chatchrenn le pengre tchawen leske. Kowa penom me lenge gar. Sawo koowa was kek tsiro an miro shero, te penoms ap lende: ‘Krenn kowa.’

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

1. Mose 20:11

O Abraham penas: “Me patsom, kai an kau foro kek menshe hi, kai patsenn o djijestar ap o Debleste un krenn, hoi o Dewel kamell. Darom, kai jon man mulo denna, te lenn le miri romjat.

Hebrearja 12:28

O Debleskro them an o bolepen, kai khere ham, atchell soreles tardo, un kote djah mer. Doleske parkras men pash o Debleste, shunas ap leste, daras lestar un kras, hoi job kamella!

Mateo 5:16

Jaake hunte wenn tumer har i momeli, hoi chatchell glan i menshende, te dikenn le, hawo latcho koowa tumer lauter krenna, un te sharenn le o Debles, kai hi tumaro dad an o bolepen.

Jeremia 32:40

Un me krau lentsa win, te mukap gar tele, te krap lenge latchepen, un te dap len i dji, hoi ap mande shunell, un mukell man gar. Kau lab, hoi lentsa win krau, atchell hako tsireske.

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Debleskri gili 2:11

Budrenn o baro Debleske un darenn lestar, perenn glan leste tele un tchumrenn leskre pire!

Debleskri gili 1:6

O baro Dewel prindjrell o drom kolendar, kai an o tchatchepen tardo hi. Un o drom i tchilatchendar anell len an i bibacht.

Hiob 5:19

Hako kopo, kai perell i bibacht ap tute, lell lo tut win. Un kek tchilatchepen nai taprell tut an.

Hebrearja 11:19

Kolla laba wan o Abrahameske an o shero un job penas peske: O Dewel nai krell les i mulendar djido. Jaake baro his leskro patsepen ap o Debleste. Doleske das les o Dewel o tchawes pale, un job hunte maras les gar. Kowa his leske jaake, har te wals lo i mulendar djido.

1. Mose 42:18

Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

Debleskro tsiro 19:5

Un i rakepen was kotar, kai o Debleskro beshepaskro hi, un kowa penas: “Sharenn maro Debles, tumer lauter, hoi leske budrenna, un lestar darenna, tikne har bare!”

1. Mose 22:13

Koi dikas pes o Abraham trujel. Pal leste hi i bakro mank i burra. Leskre shinga hi an kal burra un job nai was gar win. O Abraham djas koi, las ko bakro, maras les un chatchras les o Debleske, gar peskro tchawes.

1. Mose 22:16

un penas: “O baro Dewel penell: Tu kamal tiro jek tchawes mange te marell. Kowa kamal tu mange te krell. Doleske dau man ap mande sowel, te tchiwap miri soor un miri bacht ap tute. Un tutar wenna bud bud menshe. Jon wenn jaake bud har bolepangre momlia ap o bolepen hi, un har i santa pash o baro pani. Un tire tchawe, kai pal tute wenna, wenna rai pral kolende, kai kurenn pen lentsa un lenn kolengre forja krik.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.