1. Mose 21:33 - O Debleskro Drom 2021 (Sinte)

³³ O Abraham tchiwas i ruk an i phub an Beersheba. Un kote mangas job o baro Debles an, ko Debles, kai hako tsiro koi hi.

O Debleskro Lab 2024 (Sinte-Manouche)

³³ O Abraham čivas i rouk an i phoub an Beersheba. Oun kote mangas yob o baro Debles an, ko Debles, kay hako tsiro koy hi.

1. Mose 21:33 Referans Kwoze

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Debleskri gili 90:2

Glan i berge kerdo wan, un tu i phub kral, hals tu, o Dewel, koi. Un tu atcheh hake tsirja.

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Remarja 16:26

Kanna well ko drom diklo. Ko dromestar tchinan i Debleskre rakepangre an pengre lila, jaake har o baro Dewel kamas. Kowa djiwella hako tsiro, un kamas i tsele menshendar ap i phub, te patsenn le un shunenn le ap leste.

1. Mose 12:8

Kotar djas o Abram dureder an i berge pash o foro Betel. Mank kol forja Betel un Ai tchiwas job peskro plachteno kheer pre. Ko foro Betel hi tchiddo ap koi rig, kai o kham tele djala. Un o foro Ai hi tchiddo ap koi rig, kai o kham pre djala. Kote kras job pale i chatchepaskri o baro Debleske, kai wenn vieche leske chatchedo, un kharas o baro Debles an.

1. Mose 4:26

Un o Set las ninna i tchawo. Koles das job ko lab Enosh. An ko tsiro mangan i menshe o ersto kopo o baro Debles an.

5. Mose 33:27

Hako tsiro his lo koi. Pash leste nai khatreh tut. Hako tsiro rikrell lo peskre mussja pral tute. Job tradas kolen glan tute win, kai kuran pen tuha, un penas tuke: Mare len!

Remarja 1:20

Ninna te dikenn le o Debles gar, nai dikenn le leskri bari soor an halauter, hoi job kras. Kowa well diklo jaake rah har i phub tardo hi. Jon nai djinenn, te hi i Dewel koi, un nai penenn gar: “Mer djinam kowa gar.”

Amos 8:14

Un kolla, kai denn pen sowel pash o chocheno dewel an Samaria, un penenn: ‘pash ko dewel, koles o kheer Dan an-mangell’, un ‘pash o dewel o forestar Beersheba’, kal menshe perenn un stenn buder gar pre.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Čačepangre 3:7

Un i Israelitarja kran, hoi tchilatches his glan i jaka o baro Deblestar, un bistran, kai o baro Dewel pengro Dewel hi. Un jon mangan o debles Baal un i debletsa Ashera an.

5. Mose 16:21

Tumer hunte tchiwenn kek kasht pre, hoi sikrell i debletsa Ashera, un tchiwenn les pre pash koi chatchepaskri, hoi krenn tumer tumaro baro Debleste.

1. Mose 26:33

Koi das job koi brunna ko lab ‘Shiba’. Doleske kharell ko foro gomme kau diwes ‘Beersheba’.

1. Mose 26:25

Un kote kras o Isaak i chatchepaskri, te wenn vieche chatchedo o Debleske, un mangas o baro Debles an. Un kote tchiwas job peskro plachteno kheer pre. Un peskre budepangre hadan kote i brunna win.

1. Mose 26:23

Kotar djas job an Beersheba.

Hebrearja 13:8

O Jesus Kristo atchell har job hi: taissar, kau diwes, un hako tsireske.

1. Mose 21:32

Jaake dan le pengro wast koi pre an Beersheba, kai kek o wawares chochella. Pal kowa djas o Abimelech un peskro pralstuno lurdo Pichol pale an ko them, kai i Filistarja djiwenna.

2. Mose 15:18

O baro Dewel hi o baro rai kanna un hako tsireske.

5. Mose 32:40

Me hadau miro wast un dau man sowel pash miro djipen:

Debleskri gili 93:2

Baro Dewel, jaake rah har o bolepen un i phub koi hi, hal tu o baro rai. Glan hako tsiro hals tu koi.

Habakuk 1:12

[Me penom:] Tu, miro baro Dewel, hal kokres o tchatcho Dewel, un hal hako tsireske koi! Muk men gar te merell! Baro Dewel, pash tute khatrah men, tu dal len gole, te denn le menge i phagi, awa, tu bitchral len, te denn le men dawa.