1. Mose 20:17 - O Debleskro Drom 2021 (Sinte)

^17-18 Har o Abimelech o Abrahameskri romjat las, kras o baro Dewel, kai kek djuwel an o Abimelecheskro kheer i ternepen lella. Un kanna mangas o Abraham o Debles lenge. Un o Dewel kras o Abimeleches sasto un leskri romjat un i djuwjen, kai leske budran, jaake, te lan le pale tchawe.

O Debleskro Lab 2024 (Sinte-Manouche)

^17-18 Har o Abimelek o Abrahameskri romyat las, kras o baro Devel, kay kek djouvel an o Abimelekeskro kheer i ternepen lella. Oun kanna mangas o Abraham o Debles lenge. Oun o Devel kras o Abimelekes sasto oun leskri romyat oun i djouvyen, kay leske boudran, yaake, te lan le pale čave.

1. Mose 20:17 Referans Kwoze

Jakobo 5:16

Doleske penenn tumenge tumari doosh, un mangenn o Debles jek o wawareske, te wenn tumer sasto. I mensho, kai djiwell jaake, har o Dewel kamella, job te mangell i tselo djijeha tchomone o Deblestar, nai krell o Dewel bud leske.

Filiparja 4:6

Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!

1. Tessalonikarja 5:25

Mire phrala, mangenn lestar ninna menge!

Mateo 21:22

Te patsenn tumer, te lenn kowa, hoi mangenna o Deblestar, palle lenn tumer kowa lauter ninna.”

Mateo 7:7

Mangenn o Debles! Un o Dewel dell tumen! Rodenn les! Un tumer hatsenn les. Denn ap o wudar, un kowa well tumenge pre kerdo!

Jesaja 45:11

Kawa penell o baro Dewel, kai kokres o tchatcho Dewel hi. Job hi o Israeleskro Dewel, un kowa, kai les kras: Hunte penap tumenge, hoi mire tchawentsa krau? Kamenn mange glan te tchinell, hoi te krap mire wastentsa?

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Esra 6:10

Palle nai chatchrenn le kol viechen jaake o bolepaskro Debleske, te dikell lo latches ap lende, un jon nai mangenn lestar latchepen mange, miro djipen un koleske mire tchawendar.

1. Mose 29:31

Har o baro Dewel dikas, kai o Jakob i Lea gar kamas, kras job, kai i Lea anas nai tchawen ap i phub. I Rachel nai las kek tchawen.

1. Mose 20:7

Un kanna, de koi romjat pale o romeste! Job hi i Debleskro rakepaskro. Un te mangell o Abraham tuke, atcheh tu djido. Te deh lat gar pale, hunte meress un lauter, hoi tiro hi.”

Bičepangre 3:24

Ninna o Samuel un kol wawar rakepangre, kai pal leste wan, rakran pral kal diwessa, kai mer kanna djiwah.

Gosewe laba 15:29

O baro Dewel hi dur krik kolendar, kai tchilatcho hi. Job shunell kowa, hoi kolla lestar mangenna, kai an o tchatchepen tardo hi.

4. Mose 12:13

Un o Mose das ap o baro Debleste gole: “Ach Dewel, kre lat sasto!”

4. Mose 21:7

Koi wan jon pash o Moseste un penan: “Mer anam doosh ap mende, har tchingram ap o baro Debleste un ap tute. Mange o Debles menge, te lell job kol sapa mendar!” Un o Mose mangas kol menshenge.

Hiob 42:8

Kanna lenn efta terne gurma un efta bakre un djan pash o Hiob, un marenn kol viechen kote, un chatchrenn len mange! Un o Hiob, koles miro tchatcho wast hi, hunte mangell man tumenge. Ap koleste shunau un krau tumentsa gar, har hunte kroms. Tumer rakran gar o tchatchepen pral mande har job kras.”

1. Mose 12:17

Har las o baro rai peske o Abrameskri romjat, i Sarai, anas o baro Dewel i bari bibacht ap leste un ap leskro tselo kheer.