1. Mose 2:7 - O Debleskro Drom 2021 (Sinte)

⁷ Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

O Debleskro Lab 2024 (Sinte-Manouche)

⁷ Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

1. Mose 2:7 Referans Kwoze

1. Korintarja 15:45

An o Debleskro lab hi tchinlo: O ersto mensho, o Adam, las o djipen. Un o Jesus Kristo, koles nai kharams mer ‘o duito mensho’ – job hi i djido ducho, kai dell o djipen.

Hiob 33:4

O ducho o Deblestar kras man. Awa, o ducho o sorelo Deblestar das man o djipen.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Jesaja 64:8

Baro Dewel, muk tiri choli gar jaake bares te well, te bistress mari doosh gar buder. Dik ap mende, mangah tut, tire menshe ham halauter.

Bičepangre 17:25

Mer hunte anas les tchi te chal un te pijell. Job das lauteren o djipen, un job dell len lauter kowa, hoi len hunte well djipaske.

1. Korintarja 15:47

O ersto mensho was i phubjatar un dran tchik kerdo. O duito mensho, o Jesus Kristo, was dran o bolepen.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

Hiob 27:3

Jaake rah har an mande gomme djipen hi, un o ducho o Deblestar an miro nak hi,

1. Mose 7:22

Halauter meras, hoi ap i phub djiwas.

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

Debleskri gili 103:14

Job djinell, kai menshe ham; te ham dran tchik kerdo, bistrell lo gar.

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Remarja 9:20

Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?

Jesaja 2:22

Mukenn tele i menshendar! Lengro djipen hi jaake tikno har i ducho. Hoi hi le moldo?

1. Mose 3:23

Un o baro Dewel, maro rai, bitchras les win dran i baar ‘Eden’, te budrell job ap i hachetikri phub. Dran i tchik i phubjatar was o mensho kerdo. Un kanna hunte budrell job koi pre.

Hebrearja 12:9

Har tchawe hams, dan men mare dada i phagi. Un mer hunte shunam ap lende. Kitse budeder hunte shunas ap maro dadeste an o bolepen, te djiwas.

4. Mose 16:22

Kol dui mukan pen ap pengro mui te perell, un penan: “Ach Dewel, tu hal o Dewel, kai das hakenes o djipen! Te kras jek mursh i tchilatcho koowa, kameh tu doleske tiri choli pral i tsele menshende te tchiwell?”

Gosewe laba 20:27

O mensheskro ducho hi har i momeli o baro Deblestar. Koleha nai dikell o mensho an peste dren un dikell, hoi an peskro dji hi.

Hiob 33:6

Dik, glan o Debleste hom me jaake bud har tu hal. Un me ninna hom dran i tchik kerdo.

2. Korintarja 5:1

Mer djinah, maro djipen ap kai phub atchell gar. Pal maro merepen lah i newo trupo. Ko newo trupo hi har i kheer, hoi kras o Dewel un kek mensho. Ko kheer atchell hako tsiro an o bolepen.

2. Korintarja 4:7

O latcho lab o Jesus Kristestar hi i baro brawlepen, hoi mer hidjrah an mende. Mer kokres ham har tchare, hoi tchi moldo hi, jaake te dikell hakeno, koi bari soor well o Deblestar, un gar mendar.

Johanni 20:22

Un har job kowa penas, phurdas job ap lende, un penas: “Lenn o Debleskro Ducho!

Hiob 4:19

Har bud budeder hatsell lo doosh ap kolende, kai wan dran tchik kerdo – ap kolende, kai nai wenn khetne stakedo har i kirmo.

4. Mose 27:16

“Mo rai, tu baro Dewel, kolestar o tselo djipen well, tchip i murshes pral i Israelitarja,

Sikepaskro 3:7

Koi hi jek tsiro, kai krenn i menshe pengre koola paash, un jek wawar tsiro, kai siwenn le penge newe koola. Koi hi jek tsiro, kai rakrah gar, un i wawar tsiro, kai rakrah.

1. Timoteo 2:13

Hoske penau kowa? Doleske: O Adam was glan i Eva kerdo.

1. Mose 2:6

I sapeno ducho was dran i phub un kras lauter sapenes.

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Ezekiel 37:5

Kawa penell o baro Dewel, maro rai, ap kal mule kokale: Me anau ducho an tumende, un tumer wenn djido.

1. Mose 1:27

Un o Dewel kras i menshen jaake har job hi. Awa, jaake har job hi, kras lo len: o murshes un i djuwjat.

Ezekiel 37:6

Un me tchiwau muskle ap tumende, un mukau mass pral tumende te well, un tserdau hauta pral. Un dau ducho an tumende, te wenn djido. Un tumer dikenn un haiwenn pale, te hom me o baro Dewel.