1. Mose 18:20 - O Debleskro Drom 2021 (Sinte)

²⁰ Un o baro Dewel penas: “Bud djungelo koowa was pral i forja Sodom un Gomorra rakedo, kai jon an baro tchilatchepen djiwenna.

O Debleskro Lab 2024 (Sinte-Manouche)

²⁰ Oun o baro Devel penas: “Boud djoungelo koova vas pral i forya Sodom oun Gomorra rakedo, kay yon an baro čilačepen djivenna.

1. Mose 18:20 Referans Kwoze

1. Mose 19:13

Bud djungelo koowa was glan o baro Debleskre kanda, hoi i menshe an kau foro kran. Doleske bitchras men o baro Dewel, te kras kau foro paash.”

Jesaja 3:9

O tchilatchepen dikell dran lende win. Un jon anenn doosh ap pende un kolah sharenn le pen ninna gomme, jaake har kol menshe an o foro Sodom ninna kran. I bibacht well ap lende, koja anenn jon kokres pengro djungelo djipah pral pende!

1. Mose 13:13

Kol menshe an Sodom his tchilatcho un djiwan an baro tchilatchepen glan o baro Debleste.

1. Mose 4:10

Un o Dewel penas: “Hoi kral tu? Shun! Tiro phraleskro rat dell gole pal mande dran i phub.

Jakobo 5:4

Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.

Jeremia 14:7

Baro Dewel, mari doosh hi glan mare jaka tardo. Bud kope djam tutar krik, un shunam gar ap tute. Ab pale ap mari rig, te dikell hakeno, har kamlo hal!

Jesaja 5:7

O kheer Israel hi o drakengro them o baro Deblestar, ko rajestar pral o bolepen un i phub. Un i mursha an o them Juda hi kol drakengre ruka, hoi job an i phub tchiwas un pral kolende job bachtelo his. Ap lende dikas lo, te anenn le o latchepen glan. Un hoi was, his tchilatchepen. Jon te dans hakenes peskro tchatchepen, un kran, hoi his tchi har tchilatchepen.

1. Mose 19:4

Har jon kaman pen tele te tchiwell, wan i mursha o forestar Sodom pash o Loteskro kheer khetne. I tsele mursha dran o foro, kol terne un kol phure his tardo trul ko kheer,

Jeremia 23:14

Ko djungelo koowa, hoi dikau pash mire rakepangre an Jerusalem, hi gomme bareder: I mursha chochenn pengre romjen, un i djuwja pengre romen; jon rakrenn chochepen, un krenn i tchilatchen sorelo. Jaake rikrenn le i menshen pale, te mukenn le pengro tchilatcho drom. Kal rakepangre hi jaake tchilatcho har i menshe an Sodom un Gomorra his.

Ezekiel 16:46

Tiri phureder pheen hi i Samaria peskre tchentsa, kolla ap i serwi rig tutar djiwenn. Un tiri tikni pheen, hoi ap i tchatchi rig tutar djiwell, hi i Sodom peskre tchentsa.

Jona 1:2

“Dja sik an o baro foro, hoi kharell Ninive, un de lakri doosh win gole. Lakro tchilatchepen was glan mande.”