1. Mose 17:15 - O Debleskro Drom 2021 (Sinte)

¹⁵ Un o Dewel penas pale ap o Abrahameste: “Tu peness buder gar Sarai ap tiri romjate. Lakro lab well kanna Sara.

O Debleskro Lab 2024 (Sinte-Manouche)

¹⁵ Oun o Devel penas pale ap o Abrahameste: “Tou peness bouder gar Saray ap tiri romyate. Lakro lab vell kanna Sara.

1. Mose 17:15 Referans Kwoze

2. Samuel 12:25

un mukas peskro rakepaskro Natan o Davideske kowa te penell. Doleske das o Natan les ko lab Jedidja. Kowa kharell: O baro Dewel kamell les.

1. Mose 32:28

Koi putchas lestar ko mursh: “Har khareh tu?” “Jakob”, penas job.

1. Mose 17:5

Doleske kharess tu buder gar ‘Abram’. Kanna well tiro lab ‘Abraham’. Me krau te wess o dad bud natsjonendar.

1. Mose 11:29

O Abram romedineras i Sarai. Un o Nahor romedineras i Milka, kolakro dad o Haran his. Koles his kol dui tcha, i Milka un i Jiska.

1. Mose 17:14

Hako mursh, kai gar tchinlo hi ap peskro mass, kowa hunte atchell buder gar djido mashkral peskre menshende. Job rikras pes gar ap kowa, hoi mer win kram.”

1. Mose 17:16

Un me tchiwau miri soor un miri bacht ap late. Un ninna latar dau tut i tchawes. Awa, me tchiwau miri soor ap late. Joi well i dai bud menshendar. Latar wenna jaake bud menshe, kai lendar natsjone wenna. Ninna bare raja pral bud menshende wenna latar.”

Jesaja 51:1

Shunenn, hoi penau, tumer, kai rodenn o tchatchepen, tumer, kai rodenn pal o baro Debleste tumari tseli sorjah: Dikenn ap o Abraham, tumaro phuro dad. Job his har i baro sorelo bar, un tumer han har barra, hoi dran leste dino wan. Dikenn ap tumare phurende, kolendar tumer wenna: